| | | |
|
ماشاء الله تبارك الله .... ماشاء الله لاقوة الا بالله
|
روابط مفيدة : مركز رفع | استرجاع كلمة المرور | قران كريم | توبيكات | قيمزر | ماما | متجر ماما | يوتيوب | حواء
| اعلاناتي | |
| | |
| |||||||
| new كل ماهو جديد بعالم الانترنت |
 |
| | LinkBack | أدوات الموضوع | انواع عرض الموضوع |
05-04-2011, 08:40 AM
| #1 | |
|
vip
 |  انت فنان ولا شخص عادي ؟ صباحكو بخ صحيت النهارده بليل كده وقعدت طبعا كالعاده أقلب في التلفزيون واشوف ايه اللي في الدنيا وبعد ما خلصت وزهقت من التلفزيون قولت اقوم اشوف حاجه اعملها روحت عملت حاجه اكلها وبعدين كلت وبعدين كالعاده كوباية نسكافيه وسيجاره وع السطح يا معلم في عز الليل كده وعيش حياتك تحس انك نجم ومحدش قدك في الدنيا بس بيبئا مسيطر عليك في الوقت ده برضو أفكارك وكل المشاكل اللي عندك بالطبع وايه اللي هتعمله في النهار اللي طالع ده مش بس كده لاء ده ايه اللي هتعمله في الاسبوع ده وايه اللي هتعمله السنه دي في دراستك او في شغلك لو كنت محظوظ وخلصت دراسه يعني وبطبيعتك كفنان بتعيش الدور يعني لو انت في حاله وحشه بتسمع اغاني حزينه وبتبئا كئيب شويه وعايز تعيط بس اهو عايش برضو ولو انت في حاله حلوه بتحب تسمع اغاني مطرقعه وممكن لو مفيهاش مشكله يعني ولو كان البيت كله نايم فيها ايه يعني اما تسمع هيفا وهبي وكده يعني عادي خالص كل حاجه بتعملها بتبئا من طبيعتك كفنان استوقتني الكلمه دي اوووووووووووووووووي سمعتها كتير من ناس بتمثل وبتغني واللي بيرسم واللي بيكتب شعر واللي واللي واللي الخ الخ الخ وبعدين جت عليا فتره بما اني كاتب فحاولت استعمل الكلمه دي فبقيت اتعامل مع الناس بطبيعتي كفنان انام بالنهار واصحي بليل بطبيعتي كفنان احب اقعد في هدوء بطبيعتي كفنان وكذا كذا كذا وبعدين اكتشفت ان الناس كلها فنانيين الناس كلها بتنام في النهار وبتصحي بليل وكلهم يعني بيعملو اللي يريحهم بطيبعتهم اللي هي بطبيعتهم كفنانيين بدءت الحكايه دي معايا من اول ما بقيت اخد بالي منها في البرامج الاقيا لممثله فولانه بتقول انا بحب اخد عربيتي بليل اما اكون زهقانه واخرج اقعد علي النيل بطبيعتي كفنانه وكده يعني طب يا ستي هو احنا يعني لقينا عربيه ومروحناش قعدنا ع النيل وحتي اللي عنده عربيه او واللي معندوش برضو بتييجي عليه اوقات وبيحب يقعد ع النيل لما بيكون مخنوق او بيحب او او او فهل معني ذلك ان هو لما يقعد ع النيل يبئا مواطن عادي وحضرتك اما تقعدي ع النيل يبئا ده من طبيعتك كفنانه فنانه تانيه تقول انا بحب في الصيف اروح مارينا وشرم عشان اقعد قدام البحر واسرح كده بطبيعتي كفنانه طب يا حجه مهو في ملايين الناس والله بتعمل نفس الحركه وبتقعد برضو قدام البحر وبيسرحو وفي ناس بتنام اه والله في ناس بتنام عادي يعني الهوا حلو وهما عايزين ينامو وبياكلو فريسكا وبيضربو مايوه ويقضو يومهم الذيذ برضو تحت المياه عادي يعني فهل ده لما يعملوه الناس يبئو عادي يعني كلهم زي بعض وحضرتك اما تعمليه تبئي فنانه ؟ او زي ما قولت فوق فنان الفولاني مثلا يقول انا كطبيعتي كفنان او دي بيقولها كلهم الصراحه بطبيعة الفنان بصحي بليل وبنام بالنهار لان شغلي عايز كده والاحاسيس والحجات بئا بتبئا طالبه جو القمر والسهر ده وجو الشموع بئا مع العلم ان اكتر من نص الشعب المصري بيصحو بليل عادي يعني انا البلد الوحيد اللي في العالم اللي مبتنمش هي القاهره بل بالعاكس الحياه في القاهره بتبدء في الليل وزيها باقي مدن مصر زي اسكندريه وكذا كذا كذا فهل الشعب كله فنانيين يعني ولا ايه بالظبط مش فاهم برضو اللي أغرب واغرب لما تلاقي واد كده بيغني ولا بيعمل اي حاجه وييجي يقولك اصل انا بتكلم هادي وبتكسف بطبيعتي كفنان يعني في سبيل انه ممكن يبوس ويحضن في الافلام عادي يعني فببئا نفسي اسأله واقوله ده علي اساس ان اللي مش فنانيين زيكو مبيتكسفوش ووشهم بجح وعفاريت حبيت انا اعيش جو الفنانيين ده علي سبيل ان انا في يوم من الايام هتشهر زيهم وكده يعني وبعدين اقعد اكلم نفسي واقول هو انا عايز ابئا فنان ليه ؟ ويعني ايه كلمة فنان اصلا ؟ فبكتشف ان حلمي اني اكون كاتب مشهور عادي يعني ملوش دخل بالفن وعالم الفنانيين اللي بيسمو نفسهم فنانين وبعيش عادي علي اساس فعلا اني هكون مشهور زي مش فاكر اسمه ايه ده اللي مدير اكبر فندق في العالم يوم ما مسك الفندق سألوه انت كنت تتوقع انك تكون مدير الفندق وانت اول ما دخلت الفندق كنت بتغسل أطباق قالهم انا كنت عارف اني همسك الفندق والمشكله كانت مسئلة وقت مش اكتر فا احب انا الثقه والتفائل ده ماشي بس مقلهومش بطبيعتي كمدير يعني من صغري حاسس وعايش دور المديريين وبعدين باجي اقول علي نفسي فنان مثلا فلاقيني بتأثر بأي موضوع عايشه فاحب اكتب فيه حتي لو 30 توبيك ومقال عادي جدا والاقيني بكتئب اما بزعل وافرح اما بنجح وكل الحجات دي بس بلاقي كل الناس كده برضو والله معرفش ازاي للاسف بيفرحو لما بينجحو وبيزعلو لما بيفشلو وبيكتئبو برضو زينا كفنانيين وبيقعدو ع النيل وبينامو قدام البحر وساعات ساعات بيكونو هاديين وكل الحجات دي فارجع اكلم نفسي تاني والاقي ان كل الناس اللي اتعاملت معاهم وشفته في البلد دي احسهم فنانيين وبعدين اقول وهما يعني الناس اللي مش من مصر مبيعملوش كده زينا ولا احنا من عالم تاني فارجع اقول لاء كل البشر فنانيين بجد بطبيعتهم كفنانيين وارجع اعيد تسمية كلمة فنان يعني ايه فنان بجد مش عارف ؟ مهو لو تعريف الفن زي ما اللي ما يتسمو بيقولوه علي طول وعلي لسانهم الكلمه دي دايما ( بطبيعتي كفنان ) يبئا العالم كله فنانين عادي يعني زيهم زيكو والله مش مختلفين بالعكس ممكن يكونو فنانيين اكتر لكن طبيعة الفنان بئا احب انا اعرفها اي حد بيعمل اي حاجه كويسه اول حاجه تقوله ( فنااااااااااااااااااان ) يكتب حاجه كويسه تقول عليه فنان يغني كويس فنان يلعب كويس فنان ينجح يبئا فنان عارفين يعني ايه شخص يكون فنان يعني انه لو بيكتب تحس وانت بتقراله انه بيكتب بسهوله جدا وحجات بسيطه جدا نفسك انت تجيبها بس معرفتش تعبر عنها لكن هو ببساطه عبر عنها بأغنيه او بمقال او قصه او فيلم وهكذا يعني في الكوره مثلا تلاقيا لفريق فيه 11 لاعب بس مفيهوش غير اتنين تلاته بالكتير اللي فنانيين بجد اللي بيعملو حجات غريبه وتحسوها بسيطه لكن محدش غيرهم يعرف يعملها او مثلا حركه هو اول حد يعملها وهكذا هكذا بغض النظر عن الرغي الكتير ده الا في اخر التوبيك هتكتشفو ان مش مقال انا عايز أطرح سؤال مهم جدااااااااااا انت ايه طبيعتك كفنان وايه طبيعتك كشخص عادي ؟ وهل فعلا بتحس ساعات انك فنان وساعات تانيه انك شخص عادي ؟ وايه اكتر نوع من الفن اللي انت ممكن تكون بارع فيه او بتحاول تثقف نفسك عشان تكون حد مهم في المجاال ده ؟ وايه رائيك في الموضوع بتاع الفنانيين انهم بيشخصنو الامور العاديه بتاع اي انسان ليهم هما ويقولو اصل ده من طبيعتي كفنان ؟ سي يووووووووووو للمزيد من مواضيعي
| |
 |
|
| مواقع النشر |
| الكلمات الدليلية |
| انت, شخص, عادي, فنان, ولا, ؟ |
| أدوات الموضوع | |
| انواع عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| افضل فنان فنانه كوميدي من كل دول الخليج شاركينا | انمي | حصري | 0 | 05-04-2011 08:40 AM |
| فنان بريطاني يقوم بتدمير الجدران والنتيجه! | سعودي قمر | حصري | 0 | 05-01-2011 07:41 PM |
| @@فنان صيني يرسم, نــجــوم كـــرة ,الــــقــــدم على الــبــيـــض @@ | انمي | حصري | 0 | 04-08-2011 09:00 AM |
| ** الطفوله ** بريشة فنان | فلاويه | صور منوعه | 0 | 03-29-2011 12:55 AM |
| فضيحه لي فنان وفنانه | خفجاوي | مملكة الأخبار المحلية والعالمي | 6 | 04-16-2008 12:32 AM |
 |  |  |
العرض العادي
