ماشاء الله تبارك الله .... ماشاء الله لاقوة الا بالله

 

روابط مفيدة : مركز رفع | استرجاع كلمة المرور | قران كريم | توبيكات | قيمزر | يوتيوب | حواء

يمنع منعاً باتاً أضافة PIN أو PMID + تبادل الإيميلات + روابط ASK Me
ومن يخالف ذلك يعرض نفسة للعُقوبة
!

العودة   منتديـــات مملكة نســـايم > (¯`•.¸¸.-> منتديات مملكة نسايم الأدبية <-.¸¸.•´¯) > مملكة همس القوافي
التسجيل التعليمات قائمة الأعضاء المجموعات الإجتماعية التقويم اجعل كافة الأقسام مقروءة

مملكة همس القوافي يحبه العشاق 0 يحبه الشعراء 0 يحبه كل صاحب حس وقلب شفاف


في ليلة عرسها تبكي

مملكة همس القوافي


إضافة رد
 
LinkBack أدوات الموضوع انواع عرض الموضوع
قديم 07-11-2007, 02:13 AM   #1
نسايم فضي


الصورة الرمزية اصدق احساس
اصدق احساس غير متواجد حالياً

بيانات اضافيه [ + ]
 رقم العضوية : 9
 تاريخ التسجيل :  Jul 2007
 أخر زيارة : 04-24-2011 (08:35 AM)
 المشاركات : 134 [ + ]
 التقييم :  10
لوني المفضل : Cadetblue
افتراضي في ليلة عرسها تبكي



قصيدة مؤثرة بروعة الاسلوب والطرح
قرأتها وعشقت كلماتها
فوددت ان انقلها لكم


(( في ليلة عرسها تبكي ..! ))

--------------------------------------------------------------------------------

في ليلة عرسها تبكي ..
حزينه وقلبها يحكي ..
يقول الحمد لك ربي على كل حال ..
على الصحه .. على النعمه ..
على قلبٍ شكى همه ..
وصبرٍ طال ..

تجيها أمها وتقول ..
خلاص يا بنيّـتي إنسي ..
قوّي قلبج الحاني وإقسي ..
نصيبج هو نصيبج ..
ما بيدينا شي ..
ولو كان الله كاتب لج حبيبج ..
ما وقف في دربكم شي ..

تجاوبها ..
أبي أعرف ..
أبوي شلّي استفاده الحين .. ؟!
لو ذابحني كان ابرك ..
وزوجي .. اش ذنبه المسكين ؟
يعيش باقي العمر .. مع جثه تتحرك !
عليج الله يا يمّه .. خبّريني اشلون اضمّه .. ؟!
واذا ودّه يكلمني .. وشاف دموعي فـ عيوني ..
قولي اشلون اكلمه .. ؟!
واذا ناداني بإسمي ..
وانا أخطيت في إسمه ..
يا ترى وش موقفه مني ..
وهو يسمع اسم غيره ؟!!

تجيها أمها وتقول ..
خلاص فضيها من سيره ..
خلاص يا بنيّـتي إنسي ..
قوّي قلبج الحاني وإقسي ..
نصيبج هو نصيبج ..
ما بيدينا شي ..
ولو كان الله كاتب لج حبيبج ..
ما وقف في دربكم شي ..

بقولج شي يا يمّه .. وخليها من الأسرار ..
أبكتب له رسالة شوق ..
بشاكيه الألم والعوق ..
عقب ما أنتهي منها ..
بكل الحرص طرشيها ..
وخبيها عن الأنظار ..
وابي منّج وعد صادق ..
توصليها لذاك المغرم العاشق ..
وبعد ما يوصلج ردّه ..
على طول بلغيني بآخر الأخبار ..

ربع ساعه يا يمّه ..
عطيني بس ربع ساعه ..
أبكتب له عن اللي طفّى ما في القلب ولاعه ..
أبكتب له الين دمع القلم ما يجف ..
تعالي بعدها واستلمي ما في الظرف ..
وكتبت من حزنها ابيات ..
تقول فيها ..

سلاماتي .. تحياتي .. وأشـواقـي الشديده
.................. على اللي روحه قبالي .. وأنفـاسـه بعيده

على اللي افترقنا غصب عن عينـي وعينه
.................. بعد ما كنت انا وهو نحلم بلحـظـه سعيده

بعيش بغربتي لحـالـي .. وهـو الله يعينه
.................. يكمّل نصفه الثاني .. ويلـقـى مـن تريده

مثل ما قالت امـي .. مـا لـنـا إلا قدرنا
.................. والا مـن زمـان المفتـرض إيـدي بإيده

يسامحك الله يالوالـد .. علـى عمـرٍ قتلته
.................. بعد ما ماتت ابنيتـك وش اللـي بتستفيده ؟

أنا آسفه على اعذاري .. وربي غصب عني
.................. نعم بتزوّج فلان .. بس بعيش عمري وحيده

محّد ممكـن انّـه يتـرس عيـونـي بدونك
.................. تذكّر كلمتي هـذي .. أنـا فـ حبّـك شهيده

تذكّر كلمتي أرجـوك .. لأنهـا مـن فؤادي
.................. فؤادي اللي ذبحوه اليوم.. وطعنوه فـ وريده

تذكّر كلمةٍ فيهـا شـعوري ومـا طـرى لي
.................. أنا فـ حبك شهيده .. وذي ترى آخر قصيده

وجتها الوالده عندها ..
وهي تحاول تغض الطرف ..
وتسألها ..
وش اللي بداخله هالظرف ؟!
أبيات ..
هي أبيات .. لحبٍ من حياتي فات ..
لحبٍ من حياتي طار ..
بسرعه ارجوج طرشيها ..
وهي تذرف .. دموعٍ نار ..

على هونج يا يمّه ..
على هونج ..
خلاص اطّمني انتي ..
بطرّش ما كتبتي ..
واستعدّي ..
بعد شوي بيزفونج ..
يزفوني ؟!!
وربي كان أهون لو يكفنوني .. !!

بعد ايّام ..
تسافر لاجل تقضي في فرنسا .. شهر العسل ..
والمكتوب للعاشق وصل ..!
وهي مع زوجها تضحك ..
وهو من فرحته يضحك ..
يقول افديج انا بروحي ..
وبيتي .. ومالي .. والأهل ..
وهي تقول اشكرك بالحيل ..
لأنك من جديد .. رجّعت في قلبي الأمل ..
وساعه بعد ساعه ..
فرحتهم تزيد ..
في الصبح يتجولون من باريس .. لحتى ليل ..
وفي الفندق .. يشربون قهوه بالهيل ..
بعدها يسهرون .. كل الليل ..

وحانت ساعة الردة ..
بعد ما طالت المدة ..
وموعدهم بعد ساعات ..
لاجل ما توصل الرحله على أرض الإمارات ..
وأول ما وطوا أرض المطار ..
من الفرحه بكوا ..
واستقبلوهم أهلهم باحضانهم ..
سلامات .. سلامات .. عساكم بس تهنيتوا ..
يجاوبهم .. الله يسلمكم ..
والحمد لله الهنا في حجرنا بات ..

تطير البنت ناحية أمّها ..
اشتقت لج حيل يمّه ..
وهاتي حضنج الدافي ..
ترى مشتاقه أضمّه ..
وخبريني عن احوالج ..
عن اخبارج .. عساج بخير ؟
بخير يا بنيّـتي .. دامج بخير ..
بس ما سألتيني .. ؟!
خير يا يمّه .. خير ؟!
نسيتي إنج ارسلتي رساله ..
قبل ما ترحلين بخير وسهاله .. ؟!
صحيح ... توني تذكّرت !!!
أرسل لج جواب ..؟

بعد ما ارسلتها ..
صرت انتظر منّه خطاب ..
ومرّت ايام وليالي وساعات ..
بعد مدّه .. شهر أو يمكن شويه يزيد ..
لقيت نفس الرساله .. عند صندوق البريد ..
تقول : لم يقرأها أحد .. !!
قلت بنفسي اتأكّد ..
وصلت لباب منزلهم ..
وكلّمني اخوه احمد ..
عرفتي ليش ما في حد .. قرا الابيات .. ؟!
في نفس اليوم لي إنتي تزوجتي ..
وكنتي حيل مغتمّه ..
حبيبج ما قدر يتحمّل الصدمه ..
مع كل الأسف ... مـــات !!!
للمزيد من مواضيعي

 

الموضوع الأصلي : في ليلة عرسها تبكي     -||-     المصدر : مملكة نسايم     -||-     الكاتب : اصدق احساس


 


رد مع اقتباس
قديم 07-14-2007, 06:07 PM   #2
نسايم نشط


الصورة الرمزية ENSAN A5R
ENSAN A5R غير متواجد حالياً

بيانات اضافيه [ + ]
 رقم العضوية : 19
 تاريخ التسجيل :  Jul 2007
 أخر زيارة : 07-28-2007 (11:19 PM)
 المشاركات : 38 [ + ]
 التقييم :  10
لوني المفضل : Cadetblue
افتراضي



يسلمك ربي يالغالي

في ليلة عرسها تبكي ..
حزينه وقلبها يحكي ..
يقول الحمد لك ربي على كل حال ..
على الصحه .. على النعمه ..
على قلبٍ شكى همه ..
وصبرٍ طال ..


 


رد مع اقتباس
قديم 07-16-2007, 06:03 PM   #3
نسايم فضي


الصورة الرمزية اصدق احساس
اصدق احساس غير متواجد حالياً

بيانات اضافيه [ + ]
 رقم العضوية : 9
 تاريخ التسجيل :  Jul 2007
 أخر زيارة : 04-24-2011 (08:35 AM)
 المشاركات : 134 [ + ]
 التقييم :  10
لوني المفضل : Cadetblue
افتراضي



اخوي انسان اخر

سلمت على المرور الكريم
ودمت لنا


 


رد مع اقتباس
قديم 08-13-2007, 08:15 AM   #4
نسايم شرف


الصورة الرمزية ذيب السرايا
ذيب السرايا غير متواجد حالياً

بيانات اضافيه [ + ]
 رقم العضوية : 36
 تاريخ التسجيل :  Aug 2007
 أخر زيارة : 05-08-2016 (02:29 PM)
 المشاركات : 566 [ + ]
 التقييم :  10
لوني المفضل : Cadetblue
افتراضي



.................... اصدق احساس ....................

مشكور على القصيده الرائعه والجزله ......
وفالكــــ الملـــــونين .............

....@@@ ذيب السرايا @@@.....


 


رد مع اقتباس
إضافة رد

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 09:02 PM.


Powered by vBulletin;
Copyright ©2000 - 2020, vBulletin Solutions, Inc.
Search Engine Optimization by vBSEO ©2011, Crawlability, Inc.

HêĽм √ 3.2 OPS BY: ! ωαнαм ! © 2010
new notificatio by 9adq_ala7sas

RSS RSS 2.0 XML MAP HTML