منتديـــات مملكة نســـايم - كـآب كيك بحريني .. آحبج آحبج .. لي ما اموت احبج يا البحرين

:ggdw:

قوه صبـآيــآآآ ..

اليوم آول مره اجرب اسوي كآب كيك بعجينة الفوندآن المنزلية ..

http://up.q8yat.com/uploads/images/Q8yat-7a0bff213d.gif

وحبيت ابتدي بلون الحب و لون النقاء ..
بلون حبيبة قلبي ديرتي البحرين ...

المقـآديــر / ..

3 اكواب دقيق ..
4 بيضـآت ..
نص كوب سكر ..
ملعقة اكل بيكنغ بـآودر ..
ملعقة صغيرة فانيلا ..
كــوب حليب سـآئل ..
نص كــوب زيـت ..

مقـآدير الفوندآن /

كيس و نص مارشملوز .. سكر مطحون .. الوان ..

الـطـريـقــة / ..

1 - نخفق الزيت مع السكر بالمضرب الكهربائي ..
2 - نضيف البيض و الفانيلا و الحليب و نستمر بالخفق..
3- نضيف الدقيق و بيكنغ بودر ..ونستمر في الخفق ..
4- توزع العجينة في اكواب الكاب اكيك وتدخل الى فرن مسبق التسخين 20 الى 25 دقيقة ..

طريقة اعدآد الفوندآن / ..

:ggdw:

نعمل حمام مائي للمارشملوز ..
يعني نحط المارشملوز بقدر صغير و نجيب قدر اكبر و نحط فيه كوب ماي .. و نحط القدر الصغير بالوسط .. و نشغل النار و نحرك لحد ما يذوب .. و نضيف معاه ملعقة حليب ..

بعدها نجيب طبق ثاني فيه كوبين سكر مطحون و نحط فيهم المارشملوز وهو ساخن ونقلبه وكل ما احتاج المارشملوز سكر نزيده .. لحد ما تصير عجينه ممكن نفردها ..

نقطع العجينه و نلون كل قطعه باللون اللي نبيه و نعجنها و بعدها لما نجي نفردها نحط شوية زيت على سطح الفرد و على العجينه و نفردها و نقطعها ..

بعدها نحطها على الكيك ..

وبالعافية على قلوبكم ..

:yaaaaaarb:
يـآآآآرب عـجـبــكــــم