|
سالفة صارت يوم الخميس بمدرستي.... منو الغلطان؟ مرحبا معلمات موقف صار بالمدرسة وحبيت أشوف رايكم ومنو الصح ومنو الغلطان........ السالفة ما صارت وياي، صارت مع مدرستين بقسم الانجليزي. وانا بقسم العربي بس الي صار يوم الخميس خله المدرسة كلها تعرف " بالهوشة " الي صارت.. الله يسلمكم معلمات في معلمتين لغة انجليزية. وحدة منهم عندها منتدى خاص فيها هذي المعلمة أي ورقة عمل يسوونها قسمهم تروح تنزله في منتداها بدون لا تقول حق القسم واصلا محد يدري بقسمها ان عندها منتدى وتنزل عليه اوراق العمل والتدريبات....... بالصدفة وحدة من المعلمات دخلت منتداها الي بإسمها وعرفت انها نفسها المعلمة الي وياها بالقسم، وشافت كل اوراق العمل محطوطة لصفوف السادس و 7 و 8 و9 ومكتوب على كل الأوراق من عمل المعلمة: # $@!!@#$ يعني اهي ناسبة كل اوراق العمل بإسمها، مع ان هالاوراق مو اهي الي مسويتها في معلمات مسوينها وتعبانين عليها.. عاد المعلمة الي دخلت منتداها شنو سوت؟ حطت لها رد وسابتها سب وصخ ف لما صار يوم الخميس تهاوشوا وتطاققوا جدام المدرسات والطالبات... انا بالنسبة لي اقول الاثنين غلطانين الأولى: لأنها نسبت الاوراق بإسمها مع انها تقدر تكتب من عمل قسم اللغة الانجليزية والثانية: غلطانة لانها دشت المنتدى وحطت رد وصخ وسبتها المدرسة يوم الخميس كانت بسيرة هالمعلمتين والي صار وياهم وما يحتاي اقولكم الناظرة والوكيلة استنفروا يومتها... انتوا شرايكم؟ |
| الساعة الآن 03:12 AM. |
Powered by vBulletin;
Copyright ©2000 - 2026, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.2 OPS BY: ! ωαнαм ! © 2010
new notificatio by 9adq_ala7sas
