منتديـــات مملكة نســـايم - سبب حذف موضوعي (kim kardashian style )

هاي بنات :)
اشتقتلكم حييييييييييل
بعد غيبه اسبوع تقريبا رجعت المنتدى وانصدمت باللي صاير
القسم معفوس والوضع مو طبيعي
بنات ترى ظلمتوا المشرفات وظلمتوا بنت الكويت
انا اللي طلبت من بنت الكويت تحذفه اهو وغيره
الموضوع الاول والموضوع الثاني وهالكلام قلته بموضوعي قبل لا ينحذف بس مو الكل لحق عليه
كان يوصلني كلام وايد صدمني (الكلام وصلني من جم وحده متابعين ويقولون لي اخبار القسم )
صدمه كبيره بالنسبه لي لما القى جم وحده اللي اهما من ضمن لسته الاصدقاء
تتحطلم وموعاجبها قراري واكيد عارفين نفسهم منوا
امبيه كل هذا عشان قررت احذفه ليش شصار بالدنيا ؟؟؟
بالنهايه هذا موضوعي انا ومثل ما سويته من حقي احذفه لانه شي راجعلي
وطبعا هالكلام مو للكل انا قاصده فيه جم وحده بس
المهم

الحين السؤال
ليش حذفته ؟؟
اول شي انا ما الومكم طبيعي تنصدمون لانه موضوعي تعدا ال 300 صفحه ومشاهداته قريب وتوصل مليون وصارله سنه
بس السبب اللي خلاني احذفه انه في وايد شغلات حطيتها بالموضوع والكل شافها وخذيت ذنب الكل طبعا غير المنتديات الثانيه اللي تاخذ الصور من موضوعي
وللامانه انا ما كنت مرتاحه من اللي سويته بس كنت اطنش اطنش لين صارت سالفه البكيني انا طبعا ما حطيت الصور بس اللي لاحظته انه الاغلبيه يتأثرون بكلامي يعني قاعده الاحظ مرات لما اتكلم عن شي يخص كيم القى القسم فيه كذا موضوع يتكلمون عن نفس السالفه اللي قلتها ويتناقشون فيها بعد
ولاني تعمقت بشرحي شوي الكل صار فيه فضول وراح يدور الصور عشان يشوف يعني تخيلوا جم وحده فيكم خذيت ذنبها؟؟
اكيد بتضايق وماراح ارتاح انا كنت ماشيه صح بس لما بلشت اتعمق بحياتها صار الوضع مو اوكي انا معترفه انها غلطتي وعشان اصلح هالغلطه قررت احذف الموضوعين عشان ارتاح وما اشيل هم
وللعلم هذا كان قراري انا ومحد ضغط علي ومحد دزلي رسايل يعني بلييز بنات لا تظلمون احد
تأكدوا اول وبعدين قولوا اللي تبون تقولونه
ملاحظه :
انا ما تركت المنتدى بس قلت اقطع فتره وارجع
بس للحين مادري شنو المواضيع اللي بسويها في افكار وايد براسي واذا بسوي موضوع عن كيم اكيد راح ابدي من الصفر وبالتزام اكثر بس للحين ما قررت بالضبط شنو اللي بسويه
وثانكس لكل اللي سألوا عني ودافعوا عني بغيابي
احبكم :)