|
تجربتي مع عملية (تحويل المسار)الباي باس على يد الدكتور المحترم محمدالجارلله مساء الخير حبوبات شلونكم هنا سوف اكتب لكم تجربتي مع الباي باس مع الدكتور المحترم محمد الجارلله طبعا انا مافيه رجيم ماسويته ومافيه دوا ماشريته طبعا أول عمليه سويتها للتخفيف الوزن ركبت بالون المعده وقعد فيني 6شهور ومانقصت إلا 6 كيــــلوو وعقبه شلته بصراحه انا عندي ثلاث بنات الله يخليهم لي ولعبو بجسمي ففكرت وفكرت اول شي كنت بسوي التكميم لكن شنو الفايده والمعده راح ترد بعد 3 سنوات وعزمت على الباي باس اولا ادعي لشيخنا على المنحه الأميريه جزاه الله ألف خير عز الله وسع علينا وماقصر الله يوسع له في الدنيا والآخره ورحت لعيادة الدكتور محمدالجارلله وقبل لا أروح كنت مسويه التحاليل في مستشفى العدان وانا من قرايتي للتجارب عرفت شنو الفحوصات المظلوبه وكانت عباره عن سونار منظار فحص دم شامل فحص غده فحص تجلط بول(تكرمون) ورحت له وفتحت ملف عنده ب30 دينار ودخلت عليه وسألني عن كل شي حاول يفنعني بأني أسوي التكميم وانا رفضت وقال بكيفج المهم قالي تكاليف العمليه مع الاقامه تكلف 3300 لازود ولانقصان وفعلا حطيت في حسابي 3500 أخاف يزيد شي لاسمح الله وكان يوم الأحد وشاف فحوصاتي كلها وكل شي زين وسليم لله الحمد وقال متى تبينها قلت انا زاهبه من الليله قال خلاص عقب باجر عمليتج اللي يصادف يوم الثلاثاء وبعدها رديت البيت ونمت وقبلها تعشيت احلى عشا وداعيه للدهون واليوم الثاني اللي يصادف الاثنين دقت علي سكرتيرته وقالت لي أنتي على الموعد وإلا بتأجلين قلت لها لا على الموعد قالت خلاص الليله تدخلين الطبيب ومن الساعه 10 تبدين بالصوم طبعا دخلت مستشفى الهادي أهو بنفسه قالي روحي للهادي ورحت على الساعه 11 بالليل عقب مانومت بناتي ووصيت خدامتهم عليهم وخالتهم طبعا هذا كله ماتدري عنه امي بس خواتي وماقصرو فديتهم دشيت على الساعه 11 ونص قالولي لازم تدفعين تأمين 2500 ودفعت ودخلت الغرفه كانت مرتبه وبارده جاتني السستر وقالت بشوف بطنج وعقبها جابت موس وحلقت بطني كله وعطتني حبه وحسيت اني خدرانه ونمت على الساعه 7 ونص فتحت عيني على السستر تقعدني وتقول الدكتور التخدير يبي يكلمي وفعلا جاني دكتور التخدير وسألني اسأله المعتاده للعمليات وطلع وقالي عمليتي الساعه8 ونص انشالله وفزيت ورحت وخذيت شور دافي طبعا أنا جايبه أغراضي معاي واول ماطلعت من الحمام إلا أختي قبالي عقبه قعدت تقرا علي وانا انشف جسمي وشعري وقعدت اشتشور شعري وجاتني السستر وقالت ألبسي بسرعه السرير مال العمليات برا للعلم وزني107 وطولي 159 يتبــــــــــــــــــــع... |
| الساعة الآن 11:28 AM. |
Powered by vBulletin;
Copyright ©2000 - 2026, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.2 OPS BY: ! ωαнαм ! © 2010
new notificatio by 9adq_ala7sas
