|
تنبيه من تجربه يا بنات حبيت اعطيكم تجربه صارت لنا مع اختي وانا صادقه بس ابيكم تنتبهون من هالشي بذات والنفس غااليه وماهي رخيصه اختي جسمها ضعيف بس موضعف اللي جلد على عظم لالالا بس اقل من الوسط وتبي وجه يمتن وتحس ان اللبس يناسبها اشترت خلطه حقت تسمين وفعلا امتنت يا بنات بخلال 15 يوم وبشكل غير طبيعي مجرد تاكله على الريق وصارت تموت على الاكل البنت زان جسمها وجهها صار مدور قمر الخلطه شرتها من منتدى ثاني مو من منتدى اللي مسجله فيه وفعلا الكل لاحظ السمنه وتدويرة الوجه والبشره مشدوده وبعد 3 شهور او اقل يمكن شهرين ونص واحنا في طوراي نعالج ارتفاع ضغط وصداع وقلة شهيه وشي مو طبيعي وقلنا فقر دم فقط طلع لا مرتفع الضغط وصار ضغط على العين اليسرى غير كذا بعدها بأيام جاءها الم بالبطن ولوعة كبد قلنا يمكن حامل لانها متزوجه طبعا بالاخير لا حامل ولا شي زاد الوجع وكل شوي تاخذ مغذي وابره فولترين بداية سكتنا قلنا نفسيه وعادي من ضغط البيت بعدها طلعت لها تقرحات بالفم وجروح وشي مروع ماتوقعنا الوضع ساء له درجه وماتقدر تاكل وراحت تتعالج وبالاخير طلعت جرثومة معده وياها وتقرحة بالمعده تعبت بمعنى تعب الله يشفيها .. بعدها كانت الصدمه الدكتور بداء بتطهير الفم ومنظار للمعده لان جروح الفم مرووووعه استغفر الله شكينا انه مرض خطير لكن ربي سلم وبعد تحاليل بمستشفى خاص بداية فايروس كبد وبائي بالبدايه جلس دكتور يسأل عن هي شنو ماخذه وقالت له انها شرت خلطه من وحده لتسمين الجسم والوجه جلس يشرح لها اضرار الخلطات وش فيها من مكونات وانها مضره وجلست تاخذ ابر ومضادات حيويه وحميه غذائيه كل اكلها مسلوق ومافي اي اكل دسم وغير ان الفطريات بالمعده الى ان سو لها تنظبف معده وتطهير وعلاجات مضادات تهد الحيل الحبه تهد الحيل نصيحه احطها لكم انتبهو من خلطات انتبهو وربي مشاكلها خطيره حطيت تجربة اختي لكم وموقاصده اي احد ولا لي غرض بشي ومااقصد اي تاجره لا وربي بس للعظه والعبره فقط |
| الساعة الآن 03:55 AM. |
Powered by vBulletin;
Copyright ©2000 - 2026, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.2 OPS BY: ! ωαнαм ! © 2010
new notificatio by 9adq_ala7sas
