منتديـــات مملكة نســـايم - يآ نـــاس احــ ــــبه والـــ ــــمحـــبه لـــ ــهـــآ اســـ ــــبآب

ياناس مافالحـب غيـر التعاذيـب &&& كلن يون ويشتكي فرقـا الاحبـاب

لي صاحبن ماهوب مثل الاصاحيب &&& مافية مثلـه فالقرايـب والاجنـاب

أدمح له الزلـة وأجازيـة بالطيـب &&& ياناس أحبة والمحبـة لهـا أسبـاب

فية الجمال وكـل خلقـة ولا عيـب&&& سبحانة اللي خالقـة رب الاربـاب

أفرح ليا شفتة واسـوق التراحيـب&&& منهو يلوم القلب لاشـاف الاحبـاب

لجلـه طلعـت بعاليـات المراقيـب&&& اصيح بأسمة يعرفـة كـل مرقـاب

لكن جرحني وزود القلـب تعذيـب&&& من يوم صد وصار يسمع للاكـذاب

عامين ماشفتـة ولاجـت مكاتيـب&&& اصبر علي فرقاة والدمـع سكـاب

ومادام فوقة تطلع الشمـس وتغيـب&&& مانساه لين يحط من فوقـي أتـراب

دنين توريـك العجـب والتعاجيـب&&& فرقت شمل الأصحـاب

من عقب فرقاهـا بقلبـي لواهيـب&&& كني سجين(ن) صك من دونه الباب

دكتورتكفي عالج الجـرح ويطيـب&&& وان كان مابه طب وش عاد لاطاب

هذا الهوي من خاض وسطه تجاريب&&& ياخذ له أسهومن علي القلب ينصاب

ياعنك والله هو عطيب المضاريـب&&& كمن قتيل وكـم جريحـن ومنعـاب

متي علي الله صافيـات المشاريـب&&& لاقلت زانت جات عوجا كما الـداب

توي شباب ومالي(ن)راسي الشيـب&&& ورتني الدنيـا خطرهـا بالانيـاب

أمشي مع الطيب وأعرف المواجيب&&& والا الردي يلقي مواليف واحـزاب

الحر ينهـش صيدتـة بالمخاليـب&&& والبوم ماينفـع ولومعـة مخـلاب

يالله يالمعبـود ياعـالـم الغـيـب&&&أغفرذنوبي لوهي اجبال واهضـاب

وأدخلني الجنـه وهـي المكاسيـب&&& لاجا نهارن فيـة عتقـن للارقـاب