|
قصيــدة شـاب توفيــت امــه بسبــبه (( محــزنــه جــداً )) قصيدة كتبها شاب عمل حادث سيارة و والدته كانت معاه وكان مسرعا نتيجة هذا الحادث الوالدة توفت نتيجة الاصابات الخطيرة و هو إصابته كانت خفيفة و هذي الأبيات قالها للي يواسونه يواسيني وانا الميت وحالي يجبر الدمعات تسيل من الذي فيني ويبكي وهو يواسيني وانا ابكي واتنهد وارسم بالحزن لوحات يجبروني عشان امشي ورجلي ما تمشيني قتلت رعايتي بيدي قتلت الحب والرحمات حرمت النفس من حقها وانا ابكيها وتبكيني وكنه حلم قدامي يقيدني من الصرخات ابي اصحى ولكني عجزت القى ال يصحيني فداك القلب يايمه ومهما قلت من كلمات صغيره في كبر حقك بس اتمنى تعذريني نهبت الفرح من بيتي صحيح اني خسيس الذات صحيح اني ولد طايش وكل ما أسمعه فيني تجول عيونهم فيني تفصل مني قياسات وتشيح وجوههم عني وكني غيرت ديني يظنوا حزنهم اكبر وهم اصحاب هالمأساة وانا اتحدى اذا فيهم ربع ما يحترق فيني نقص قدري بعد موتك وغابت نشوة اللذات وصار الهم عكازي اباكيه ويباكيني عطيتيني بدون حساب ولا سمعتك تقولي هات وانا اشرب حيل من دمك ودمك ما يكفيني يايمه ارجعي كافي ابجلس معك لو لحظات واقبل ايدك ورجلك وافرش لك رمش عيني يايمه ما تحملهم يقولوا فات ما قد مات تعالي غيري هالقول واطيعك باقي سنيني واترك عادة التدخين وانفذ ما تبي بسكات واصلي الفجر في المسجد قبل منتي تصحيني يايمه ارجعي تكفين وطفي شمعة الآهات ابيك انتي ولا غيرك على موتك تعزيني وضميني وداويني مثل ما كانت الهقوات ما ابي احدن يواسيني ابيك انتي تواسيني دخيلك بس لا تبكي اذا شفتي بي الدمعات انا مقوى ابكيك اذا انتي تبكيني |
الله يرحمهاا ويرحم اموت المسلمين يعطيك العافيه اخووي كابتن |
تسلم اخوي الغالي على هالقصيده وربي مؤثره حيل الله يعينه ويعين كل من فقد امه بهالحياة |
سفير الغرام منور الصفحه بمرورك |
همسة شوق معطره الصفحه بمرورك |
صح لسانك يالغلا ملاييييييييين تسلم يمناك على النقل المميز والبوح الرائع قصيدة مؤثره والله لايحرمنا طلتك وتواجدك وننتظر جديدك ودمت بوود |
غلا الروح يالغلا يعطيك العافيه على المرور منوره الصفحه |
| الساعة الآن 11:51 AM. |
Powered by vBulletin;
Copyright ©2000 - 2026, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.2 OPS BY: ! ωαнαм ! © 2010
new notificatio by 9adq_ala7sas
