للشاعر/ جدعان عواد السعيد رحمة ألله عليه

05-19-2013, 02:38 PM

مسائكم وصباحكم خـــير ...

الحق مايزعـل زحـول الرجاجيـل
وكل على ما قيـل مـن دون حقـه
ومادام لي حق عن الحق مـا اميـل
مهما لقيـت مـن التعـب و المشقـه
الرجل ودك حـزة الضيـق حلحيـل
وبعض الموافق مـا تعامـل برقـه
ماني بمن يرضى على النفس تذليـل
من الذل ما ارضى لو بمثقـال بقـه
ولاني بمن يركض ورى القول والقيل
ولاني من اللـي لاخـذا العلـم بقـه
ولا التفت لحقوق غيـري ولا اعيـل
والثوب نستـر خملتـه مـا نشقـه
والراس راس ولا يعود علـى الذيـل
و الذيب ينهش باللحـم مـا استرقـه
والكدش ما تحسب ليا عـدت الخيـل
ولا يجبـر المسمـار كـود المدقـه
والشمس نور ونورها يجلـي الليـل
والنـار تبـدا بكـل مـا تستـدقـه
والجدي مرجع والعرب عشقها سهيل
والنوخـذه يفهـم بغـبـه ورقــه
والكيـف هيـل ودلتيـن وفناجيـل
وبـن ونجـر لا نضـا البـن دقـه
من شب له من نور غيـره قناديـل
يستـر علـى نفسـه قبـل لا تعقـه
من صد من غيضه عساها تساهيـل
نقضي ولا نتعـب ورى كـل نقـه
يزعـل وترضيـه الليـال المقابيـل
وان كانهـا بالحـق حنـا نحـقـه
والا فانـا ماجـاه منـي بهـاذيـل
وكانه زعل مـن موقفـي يستحقـه
يشد حيله بالزعـل كـان بـه حيـل
وفي طوفته لاضـاق راسـه يطقـه
ما همني لو فصل الهـرج تفصيـل
نجـم عـلا مـا كـل عيـن تحقـه
اشره على بعض الرجال المشاكيـل
ما ميـزت مـا بيـن جلـه ودقـه
والا الخبـول اللـي تـرد الأقاويـل
الكـل منهـم منتـه وسـط رقــه
يا جاهـل كثـرة عليـك الغرابيـل
من الشوايـب ضايـع الفكـر نقـه
اتعب على كسب الرجـال الحلاحيـل
والا الردي له عرض الأكتاف لقـه
وقت الرخا يعجبك بالحـط والشيـل
من السطر يرقص علـى كـل دقـه
يذبح ويصلخ فـي كـلام وتضليـل
وينهار لا من اشهـب الوقـت رقـه
الرجل ما يخـدع بزيـف وتمثيـل
ولا يخاوى كـل مـن كـان عقـه
عليك باللـي يفهـم العـدل والميـل
اليا حصل عن جـور الايـام وقـه
ينفعك لا صكـت عليـك المحابيـل
هذاك حطـه فـوق راسـك ورقـه ..

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قصيده للشاعر المرحوم / جدعان عواد السعيد بأذن ألله	انمي	حصري	0	05-19-2013 02:38 PM
قصيده للشاعر / جدعان عواد السعيد .. رحمه ألله	انمي	حصري	0	05-18-2013 04:19 AM
أحد أشعار المغفور له بأذن الله / جدعان عواد السعيد	انمي	حصري	0	05-18-2013 04:19 AM
أحد أشعار / جدعان عواد السعيد رحمه ألله	انمي	حصري	0	05-18-2013 04:19 AM
قصيدة مدويه للشاعر ناصر الفراعنه الله يستر عليه شكله بيروح ورى الشمس	ساعه	اسواق ستي	0	05-13-2012 05:00 PM

اعلاناتي

للشاعر/ جدعان عواد السعيد رحمة ألله عليه

حصري

للمزيد من مواضيعي