بس افضفض

08-16-2013, 08:56 AM

السلام عليكم
انا تركت المنتدي من زمان يمكن اكثر من سنة او سنتين يعني احيانا اطل بس من برا ما اشارك وكنت دايما ادخل قسم تاخر الانجاب وانا متاخرة بالحمل سنين طويلة وكنت احاول اتعايش مع وضعي اني اتناسي موضوع الحمل بس المشكلة الكبيرة ان حالتي صعبه حيل وشبه ميؤوس منها وان آنا عندي الامومة صارت تضغط علي يعني احاول اعيش حياتي وانسي العيال بس ما اقدر احس فيني شي بصدري غصه تخنقني ولما ارتاح واهدا ترجع بعد فترة تضغط علي الحاجة للامومة عندي حنان شكثررررر ودي احضن الاطفال والعب معاهم واسويلهم كل شي وطبعا اكبت مشاعري مع الناس واتظاهر اني عادية وطبيعية بس المشكلة اني ارد واحس بالغصه هذي ومن ارد لبيتي وانام علي مخدتي تبدا دموعي تنزل والله حاولت اتعالج وادعي دايما وكل شي سويت وعمري الحين ماعاد صغير للاسف بدات احس بالياس خلاص احاول اقنع نفسي ان مالي نصيب وان الله يعوضني خير بس اشوف نفسي ابي الاطفال واراكض ورا مشاعري تجاههم لدرجة فكرت آخذ طفل من ميتم بس محد تقبل الفكرة وانا احترق من الوحدة والشوق ونفسيتي احيانا توصل للحضيض ولا ارتاح الا ليما ابجي ، طبعا كلكم تعرفون ان الناس تخاف من العقيم لكن عمري ما حسدت احد وبصراحه ما اسال احد عن عياله لانهم يخافون بساحس اني غريبة بين الحريم آنا الوحيد بدوامي وبعايلتنا والمعارف والصديقات للي ظلت للحين ما حملت وايد تاخروا بس كان تاخرهم غالبا بسيط لكن الوحيدة للي طولت اهي انا لدرجة ان الناس ماعادوا يسالوني عن الحمل او علاج وحتي اذا تاخرت الدورة علي يقولون اكيد لخبطة هرمونات صاروا ما عندهم امل اني ممكن اكون حامل لو واحد فالمية وانا بين الامل والياس بعد كل هالسنين صرت احس الحمل حلم حلم بعيييييييد اقسم بالله ما اتخيل اني ابشركم او اتخيل بيطلعلي خطين ولا اتخيل المختبر يقولللي مبروك حامل ، كنت مستعدة ادفع نص عمري واسمع الممرضة اقول مبروك مدام بوستيف ، بدال ما كل مرة اسمع سوري مدام نيجاتيف ، شنو كرهت المخبرات كلها والمستشفيات واذا رخت اودي لوحدة ورد او اورها بالمستشفي احس اني اتفشل من عمري واستحي اتخيل كل العالم يعيب علي احس اني فاشلة وناقصه ادري قرقت وايد اعذروني بس والله اتغصغص بدموعي بس ودي افضفص ولا حول ولا قوة الا بالله ، لا تنسوني من دعواتكم

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مااقدر افضفض الا هني تكفون شوروا علي	انمي	حصري	0	06-12-2013 08:40 AM
مآقدر افضفض بس آبيكم تدعون لي .. تكفون عســآكم مآتذوقووونها تكفون ادعولي رجييييتكم	انمي	حصري	0	05-24-2011 03:30 AM
ابي افضفض متضاايقه ومحتره	انمي	حصري	0	04-19-2011 10:10 PM
ابي افضفض ..	انمي	حصري	0	03-21-2011 09:30 AM
بنات عندي مشكله وودي افضفض وبليز عطوني حل	انمي	حصري	0	03-14-2011 05:10 PM

اعلاناتي

بس افضفض

حصري

للمزيد من مواضيعي