معلومات عن رائحة الجســـــم .. موضوع مفيد وايد تعــالو

04-10-2011, 12:20 AM

معلومات عن رائحة الجســـــم .. موضوع مفيد وايد تعــالو

الســــلام عليكم ورحمة الله وبركــــــــــــاته
شــــــــــلونكم حبيباتي العروسات ... من زمان مانزلت موضوع بس اليوم يايبتلكم موضوع خفيف وحلو ومفيد
وصلتني من فتره بعض هاذي المعلومات وحبيت اشاركهم فيها عن رائحه الجسم بما انه شي مهم لنا كلنا سواء عروسات ولا لأ وكلنا نبي لي مرينا الكل يتكلم عن نظافتنا وريحتنا الحلوه بدوون مبالغه فيها

... يمكن معظم هالمعلومات ماره عليكم من قبل بس نرد نعيدها تعميما للفائده :

1- شرب كأس من الزنجبيل يوميا يجعل رائحة جسمك عطرة ليس فقط من انفاسك بس جسمك ككل وحتى عند التعرق ( مجربه وما يبيله كلام كلكم عارفين عجائب الزنجبيل)
2- شرب الشاي الاخضر يطيب رائحه الفم (ماجربت ما اشرب جاي ماحب)
3- أكل الكرفس يوميا لمده اسبوع يجعل رائحه الجسم مميزه ( مجربـــه وفعلا الكرفس عجيب اصلا بس وانا اقصه بالسجين حق السلطه ريحته تهبل ) بس مو زين تكثرون منه خصوصا الي عندهم مشاكل بالهضم
4- شرب الماء بكثره مفيــــــــــــد حيث يخرج الفضلات مع العرق ويطهـــر الجسم وينقي البشره .. الماي وماادراكم ما الماي !! اذا مالج خلق تسوين ولا شي من الموجود هني لا تسوينه بس لا تهمليين الماي .. ماكو أسهل من جذي شربي ماي لا فيه لون ولا ريحه ولا طعم عشان تتكيسلين عن شربه أقل شي 8 اكواب باليـــــــــــــوم وبتشوفين جسمج كله يتغير يساعدج تضعفين اذا تبين تضعفين ينقي بشرتج ويعطيج نظاره يوخر السواد يرطب الجسم يدر البول وينظف الكليه مفيد للشعر وبشكل عام يخلي صحتج وجمالج توب ولو تحطين في ماي ورد يكون أرووع
5- لتطهير الجسم من السموم ولرائحه فم عطرة: في بداية كل شهر يوخذ مشروب السنا مكي لمدة ثلاث أيام حيث يعمل على تطهير الجسم من السموم( لكن نصيحه للبنات الي فصيلة دمهم AB او O او B لا تستعمل السنا مكي وهذي معلومه اخذتها من كتاب اسمخ " ريجيم فصيلة الدم" )
6- مزيج عصير البرتقال وماء الورد والنعناع يعطر الافرازات الانثويه ( ماجربت بس من المكونات مبين عصير حلو)
7- أطعمة تجعل رائحه الجسم منــفرة: البصل\ الثوم\ البهارات\ اللحوم\ الحلبه\ الاندومي\ الفجل\ الملفوف

انا شـــايفه كل هالنصــايح خفيــفه وسهله لا تقولين مالي خلق لانها مو خلطات يبيلها خلق ووقت أشياء بسيطه جربو وشوفو النتيجه

معلومات زياده وثميــــــنه عن المـــــــاي:

في أوقات تكون مناسبه حق شرب الماي لانها تضاعف الفايده في الجسم .. شنو اهي هاذي الاوقات :
اول ما تقومين من النوم .. شربي قلاصين ماي _ يساعد على تنشيط الدوره الدمويه

قبل الوجبات بنص ساعه شربي قلاص ماي يساعد على الهضم
شربي قلاص ماي قبل الاستحمام يساعد على خفظ ضغط الدم ( وايد بنات يدوخون لي خذو شاور خصوصا اذا كان الماي حار )
كاس واحد من الماي قبل النوم يجنب السكته او النوبات القلبيه بعيد الشر عنكم
يــالله كل وحده تقول تشرب لها ماااي الحين وترد تكمل الموضوع :D

__________________________________________________ _
وبفيدكم بشغــله ثانيه بعد من تجربتي الشخصيه : في ديودرنت يديد من دوف شريته واستخدمته يهبـــــــــــل يا بنات يهــبل شوي عليه اصلا .. واااااااااااايد خفيف عالبشره وناعم وريحته كل ما تحركت تطلع ( ريحته ورد) وهاذي صورته :

.. انا ما ادري وين يبيعونه بالكويت شوفو بالجمعيات بس نصيحه من القلب ما راح تتحسفون من استخدامه .. واهو للبشره الحساسه

منتجات دوف كلــها نظيفه روعه ما تنقطع من بيتي الشامبو والبلسم مجموعه الشعر التالف ا(للون الازرق)ومجموعه الشعر المعالج كيميائيا (اللون البرتقالي)

ورغوه الجسم اطلع من الحمام لي ثاني يوم ريحة الحمام وجسمي عالقه منها
وسبري الجسم اليديد الي على ريحة كوج وورد ( اللون البنفسجي)
يحسسج بانتعاش عجيــب وخفيف وكل يوم قبل ما انام احط منه يريح اعصــــابي وفي انواع وايد عندهم ما راح نخلص لو بنتكلم عنهم بس بحطلكم جم صوره وجربوهم اشتروهم من الجمعيه
في مجموعة الرمان ومجموعه الليمون ومجموعه الخوخ وغيرهم وايد

وســـلامتكم ... اتمنى انكم استفدتو من الموضوع واتمنالكم جميعا رائحة جسم طيــبه ومنعشه :eh_s(7):

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ل رائحة فم عجيييييبه	انمي	حصري	0	04-08-2011 11:00 PM
صحة موضوع : ماذا يحدث لجسمك حينما تقول يا الله .. ( موضوع باطل و غير صحيح )	انمي	حصري	0	03-23-2011 07:17 PM
موقع جونان مفيد لاي واحد يبي يشتري سياره ...	الحزينة	مملكة السيارات و جنون القيادة	4	08-08-2009 12:38 PM
رائحة البكاء....... هل شممتها؟	شايلا همي بدمي	المملكة الإسلامية	9	07-20-2009 08:25 AM
مـدى عــشـقــي ..!!	عـــادل الشـــمري	مملكة همس القوافي	6	12-10-2008 06:38 AM

اعلاناتي

معلومات عن رائحة الجســـــم .. موضوع مفيد وايد تعــالو

حصري

للمزيد من مواضيعي