مطبق سمك لذيييييذ

04-14-2011, 01:00 PM

السلام عليكم ورحمة الله وبركاته

سمك مطبق بالارز والخلطة

حبيت اشارككم هالطبخة ..لأاني كنت ادور طريقة حلوة للمطبق غير طريقتي ..فطحت على هالوصفة اللذيذة ..وان شاءالله تعجبكم مثل ما عجبتني

المقادير:
سمك زبيدي
بهارات -ملح-ليمون-فلفل اسود
بصل
شبنت
كزبرة
كمون
فلفل اخضربارد
نص قالب زبدة
طماط 5 حبات كبار
ارز حسب الكمية
زيت
مقادير حشوة السمك:
( 2 بصل كبير ، 2 ثوم ، كزبرة ، بقدونس ، شبنت ، بهارات السمك ( مشكله ) )ثوم
زبده + لومي اسود مطحون

الطريقة:

1- نغسل السمج من كل الشوائب .

2- نعصر عليه ليمون و نرش عليه ملح

3 - نسوي حشوة السمك :

( 2 بصل كبير ، 2 ثوم ، كزبرة ، بقدونس ، شبنت ، بهارات السمك ( مشكله ) )ثوم
زبده + لومي اسود مطحون

طبعا نقصصهم صغار صغار وندق الثوم ونحط نص الكميه حشوة داخل السمج ومن برى ونصها نخشه لبعدين حق الحشو فوق العيش ..

- الحين نسوي الحشو للعيش ندق شوية ثوم + بصلة وحده + شبنت وكزبره كميه قليله قد الكف

5- نخيط السمج من الجانب الذي حشيناه حتى ان قليناه ما تطلع الحشوة حتى يثبت الحشوه داخل وبعدين نحط زيت على النار تقريبا نص المقلى ونطبق المقلى ونعلي على النار حتى يسخن الزيت عقب نقلي السمك حتى يتحمش الطرف الاول ونقلبه على الطرف الثاني بعد مايخلص نكرر العمليه على عدد السمج الي عندنا حتى نطفي النار ونحفظ السمج بمكان دافي

- الحين نقلي الحشو ( للعيش ) نحط البصل على المقلى بدون زيت ونقلبه على النار وبعدها نضيف شويه ماء حتى يتحمش يصير لونه بني بعده نضيف الثوم + نص قطعه زبده + لومي اسود مطحون + بهارات مشكله + رشه هيل + ملح على قد اليد + كزبره + شبنت الي جهزناهم بخطوة رقم 4 + نضيف الحشو السمج الي خاشين نصه في البدايه مع حشو العيش ونخلطهم كلهم مع بعض بالمقلى حتى يصير لونه حلو مثل الصوره ونقفل على النار ونطبقه ..

7- الحين نسوي الداقوس يعني المرق نحط جدر الداقوس على النار نحط فيه نص زبده على النار و نقص 5 طماط قطع صغيره جدآ ونحطه + ندق 4 فصوص ثوم+ فلفل بارد + لي طبخ نحط 4 فصوص ثوم مقصوصه نصين للنكه + كمون (بهارات ) + كزبرة ( بهارات ) + بهارات مشكله + نضيف ماء بالقدر + نضيف ملح على قد اليد +نضيف معجون ملعقتين تقريبا .

8 - نحط 5 اكواب عيش ونغسله وبعدين نقعه نص ساعه وبعدين نحط قدر متوسط فيه ماء متروس وليمونه وحده نقصها نصين +نص زبده + وقفشة ملح يطبخ شوي بعدين نضيف عليه شويه زيت

9- نحط جدر ثاني كبير اول شي نحط فيه نص بصله مقطع صغار + فلفل بارد أي لون سواء اصفر اخضر احمر انا انوجد عندي الاحمر+ ملح + ثوم + زيت + حشوة اخر ما تبقى من حشوة السمج بعدين نحط السمج فوقه القدر سمح لي احط سمجتين فوق الحشو بعده نحط العيش (الأرز) بعد نصفي الماء منه وهو نيّ وبعدين نحط الماء الي بالقدر الثاني الي فيه اليمون والزبده نحط منه كميه فوق العيش (الأرز) حتى يغطيه ويكون الماء مرتفع بأصبع تقريبا عن العيش (الأرز) ونطبقه ونخليه يطبخ بدرجه حراره مرتفعه .. بعد ماينشف شوي العيش (الأرز) نحط فوقه الزبده

وكل ما حسينا انه نشف زدنا عليه ماء العيش (الأرز) الي بالجدر الثاني .. وبعده نحط اخر سمجه عندنا بعد مايجف العيش وينجح .. ونجهز صحن نضع به الأرز وبعده السمج ونحط الحشو الي مجهزينه للعيش (الأرز)

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
حلىـآ ٱلطبقٱٺ بٱلشڪۈلٱٺه ..روعــة لآ يفوتڪم...	انمي	حصري	0	03-23-2011 05:10 PM

اعلاناتي

مطبق سمك لذيييييذ

حصري

للمزيد من مواضيعي