ضميري!! فضفضت و ارتحت و تحسفت

04-18-2011, 12:50 AM

قوه بنات

انا امر في ظروف ما يعلم فيها الا الله

ووايد وايد كنت متضايقه بس متوكله على الله و ابي احد افضفض له

قبل كانت عندي اختي افضفض لها بس من تزوجت لهت و انا ما احب اثقل عليها مع انها و الله ما تقصر وياي
وابوي قبل كان صديقي ولازال صديقي بس انا علاقتي معاه في الآونه الأخيره خفت لأنه قام يتعب عنده ربو قوي
علشان جذي انا ما قمت اقول له عن الاشياء اللي مضايقتي خوفا عليه و الله مابي اضايقه

صديقاتي انا تبت وانقرصت منهم ما احب اقول لهم كل اللي يقلبي بس علاقتي معاهم زينه الحمد الله و ماشي الحال اما اسراري مستحيل اقولها لهم

شنو صارت النتيجه اني تميت اكتم و اكتم و اكتم

والله مرات اقعد احوووس بمكاني وادووور بغرفتي من الهم و ماعندي غير الاستغفار والصلاة بس

اليوم قعدت بالصاله ولا اشوف ابوي يطالعني نظرة و طوول و هو يطالعني
سألني اشلونج
قلت له انا بخير الحمد الله

سالني مره ثانيه لا تخشين عني انتي فيج شي؟؟

اهني انا انهرت
امبييييييه بنات قمت ابجي بجي

جان اقوم اقول له عن اللي مضييق خلقي وانا ابجي

المهم عقب ما فضفضت حسيته قام يتنفس بسرعه دقايق جان يرد طبيعي

قال لي ليش ما قلتي لي من زمان

قلت له يبه انا مابي اضييق خلقك

قال لي هذا حجي ينقال ؟!! قال لي اي شي يضايقج تعالي قولي لي.. اشلون انتي ساكنه ويانا في بيت واحد و ما ندري عنج؟؟ عاد هذا حجي؟!!

حبيبي ابوي الله يطول بعمره ولا يحرمني منه

بنات الحين ضميري قام يأنبني ليش قلت له و ضيقت خلقه

صج ارتحت لما فضفضت بس والله قلبي يعورني على ابوي

مجرد فضفضه بليز بنات لاتلوموني

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
♥ \|\|~ تحسـب آنْ قلبـٍي مِنَ الصـدمَه وٍقـف ~ ... Mms‏	شايلا همي بدمي	مملكة الجوال وملحقاته	4	02-21-2010 01:45 PM
فضفضة قلب مكسور	غلا الروح	المملكة العــــامة	4	12-30-2009 04:21 PM

ضميري!! فضفضت و ارتحت و تحسفت

حصري

للمزيد من مواضيعي

اعلاناتي