لو كل وحده تسأل زوجها ،، شنو بيكون رده ؟

04-18-2011, 01:00 PM

شلونكم زوجات
:)

توني أسولف مع زوجي ،، اقوله من متى ناوية اشتري كتاب بس جني مو مقتنعة فيه ذاك الزود بسبة أسمه ،، بس هم ودي اشتريه بس بشوف شنو مكتوب فيه مو أكثر

قالي شسمه ؟

قلت له ( الزوجة المستسلمة )

وقالي وليش مو مقتنعة باسمه ؟ عادي مافيه شي !! :bbbiu:

قلت له مو عاجبتني كلمة مستسلمة ،، والكتاب ان الزوجة لازم تكون مطيييييييييييييييييييعة طاعة عميا لزوجها ،، واني لما تصفحت الكتاب عالسريع وانا واقفة اشوفه كل نصايحه

لا تناقشين زوجج ،، لا تجادلينه ،، أي شي يقوله قولي انشالله ،، دايما اعتذري منه حتى لو الخطأ ما يسوى ،، بس ايي من طلعته غسلي ريوله ،،، إذا طلع من الحمام نطريه بالفوطة والهدوم ،، وأشياء وايد ما شفتها انا اللي كتبته الحين مقتطفات سريعه شفتها وانا اتصفح

غير اللي قريته بالنت من الناس اللي قروا الكتاب أنهم يقولون يردون الزوجة بوقتنا هذا لزمن الجواري وانها مجرد أنثى بالبيت تلبي الطلبات وما تناقش ولا تجادل ولا تعاند وانها تكون انثى مطيعة ..

وعلى فكرة ترى اللي كاتبة الكتاب محامية أمريكية اتبعت هالطريقة وحياتها تغيرت للأحسن بعد ماكانت فاترة وباردة

عاد لما قلت لزوجي هالكلام اطلعت عينه ،، وقالي عشان جذي مو عاجبج ؟؟؟؟؟؟؟؟
:eh_s(4):

أصلا هذا اللي الرياييل يبونه ،، ما تشوفينهم يراكضون ورا بعض الجنسيات ؟؟ لانهم يسوون لهم اللي تقولينه

جان اعصب واقوله ليش انا عايشة في باب الحارة عشان اعيش ابهالطريقة ؟؟؟؟
ضحك وقالي هذا انتوا دايما خايفين على كبرياؤكم وترى ما يمنع تسوين اللي قريتيه وبتشوفين الفرق
:eh_s(2):
:eh_s(11):

قلت له
امبييييييييييييه ماهقيت تفكيرك جذي صدمتني
:eh_s(2):

عاد توه لما شافني خمرت وسكت قالي شفييييييييييج
اتغشمر معاج !!
عاد الحين انا ضعت ما ادري كان يتغشمر ولا صج

:eh_s(16):

انتوا لو تسألون أزواجكم شنو اللي يبونه منكم
او شنو يبي الزوج من زوجته

تتوقعون شنو يكون ردهم ؟؟

شكله بيصير هجوم على كتاب الجواري هذا
:eh_s(2):

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
منو الحلوة اللي تصمم لي بنر حق مدونتي ؟	انمي	حصري	0	03-25-2011 02:40 AM
هل ايكيا تصمم غرف	انمي	حصري	0	03-18-2011 12:30 AM
أختّ معرسٌ ..~ ومتوهقه ..ساعدوؤوني..~! (العرس بيكون...@@ )	انمي	حصري	0	03-15-2011 04:00 PM
تسمم 17 شخصا في حفل سبوع بسبب.........	جون سينا	مملكة الأخبار المحلية والعالمي	1	06-10-2010 01:10 AM
عندما تسأم مما انت عليه	غلا الروح	مملكة المواضيع الجادة	5	06-11-2009 06:14 AM

اعلاناتي

لو كل وحده تسأل زوجها ،، شنو بيكون رده ؟

حصري

للمزيد من مواضيعي