عزيزتي العضوه بخصوص اذا مو عاجبتج خلطه او سمعتي اشاعه او اذا انتي من النوع الكسول

:eh_s(8):

قوووه شلوونكم وشخباااركم

في البدايه احب اشكر كل عضوه اسالت عني

وافقدتني

واعتذر لكل وحده طلبت مني كريم او مرطب

ومارديت عليها

وحاليا انا موقفه طلبات

لظروف حملي

وان شاءالله ارجعلكم بعد جم شهر بس تخف النساة

وهم اعتذر للبنات اللي قاعدين يدزونلي مسجات

بالخاص

واللي يسالون بالعام بمواضيعي


اعذروني

احس جني متنسيه بالمنتدى لوووول من ادش

ماقدر واطلع







المهم

عندي جم نقطه بس حبيت اوضحها لكم


اولا :


بخصوص خلطة فيتامين سي


في وحده بالموضوع قالت انه اذا تركتي الخلطه

تسمرج اكثر من اول !!!



طبعا اهيا على اي اساس قالت هالكلام مادري




هل هي مجربتها وتركتها وصارت سمره ؟؟

هل هي سامعه من احد ؟؟


الله اعلم


المهم انا من تجربتي استعملتها فتره وتركتها

وكاني الحمدلله لا صرت سمره ولا خضره


هذا انا وهذا لوني ومو بس انا واايد بنات

تركوها وماصار فيهم شي



زبدة الكلام :


عموما اجسامنا وبشراتنا بحاااجه لعنايه دااايمه

يعني انتوا تشوفون جونا الحلوو وثلوج الغبار

اللي على مدار السنه


هذا غير العوامل النفسيه والاكل و و و و



بس في بنات الحمدلله والشكر مادري شلون يفكرون



الجسم والبشره مثل النبات

تهتمين فيها تغذينها داخليا وخارجيا راح

تعطيج من الجمال اكثر واكثر


بتهملين بتحقد عليج وماراح تعطيج شي


واصلا اهيا شغلات بسيطه خليها من روتينج اليومي

منتي خسرانه شي





ثانيا :

بخصوص خل التفاح


اللي تقول ينضج الجلد ومادري شنوو

ليش مثلا انتي ديايه ميته !!


واللي مسويه تجربه ويايه قطعة لحم ومنقعتها

بالخل ومادري شصار فيها


وقصة البنيه اللي حملت وولدت قيصري ويايين

بيخيطونها وماقدروا وماتت

عشان كانت تحط خل على بطنها قبل الزواج والحمال



انزين يوم حملت وبطنها صار شكبره ليش

ما تشقق !!


ولا الظاهر كان متماسك لي اخر لحظه

لووووول

:eh_s(10):


يااااربي سوالف ماتدش المخ


مع اني ماجربته ولا شي لان ريحته تصرع لوول

بس ترا يبيض ويوخر الاثار اللي بالويه

مجربته على اختي لوول



ثالثا :

بخصوص اي خلطه ودج تجربينها


قبل لا تجربين اي خلطه شوفي مكوناتها اذا تناسب

بشرتج توكلي على الله ما تناسبج مو لاااازم


مووو غصب والله


تييني وحده والله انا الليمون ما يناسبني

شسوي ؟؟


خلاااااص بلاها هالخلطه


انا بعد ماقدر اقولج حطي شي ثاني انا اساسا مو

مجربته على نفسي



اهيا الخلطه جذي تبين سويها ما تبين مو لازم

او اذا تبين تتفنتقين فيها على راحتج

بس لا تبلشيني بعدين

:bbbiu:



اما سالفة اذا مو موجوده المكونات اهني ميخالف

اقدر اقولج على بديل يعطي نفس المفعول




رابعا :

بخصوص اللي مالها خلق تهتم بنفسها


هالسالفه عاد منتشره وااايد


تلقين وحده فاضيه مثلا لا دوام ولا بطيخ

وحاطه حيلها بنفسها اهتمام وعنايه


وتيي وحده تلقينها مالها خلق ولا شوفي شسالفتها

وتعطي المسكينه ليزر يسدحها


لوووول


انزين شدي حيلج وصيري نفسها وين المشكله

ناقصج ايد ولا ريول !!!


:bbbiu:


الحجي لج يا جاره

لووول






وبسسسسسسس

مع انه في اشياء واايد بعد بس كافي لوول



المهم انا قلت اللي عندي

وفشيييييييت خلقي على قولتهم لوووول






وسامحوني عالطواله



اشوووفكم على خير

:eh_s(22):