الخوي اللي ابيه في دنيتي يطرب لحالي

الخوي اللي ابيه في دنيتي يطرب لحالي

السلام عليكم ورحمة الله وبركاته

.مدخ ل


عرفنا الشوق والاشجان عايشنا الالم الواان
وذقنا مرها من يوم تفرقنا وحنا اخوان

كلماات اعجبتني واتمنى ان تحوز تلكم الكلمات على رضآكم

الخوي اللي ابيه بدنيتي يطرب لحالي
هو عضيدي باللوازم ما يهزنه غواني
رافقن من اجل اخوه وان تفرقنا دعالي
اذكره في كل لحظة مانسيته لو ثواني




فيه فزعة فيه نخوة فيه للهيجة معالي .
شامخ بالطيب كله والمكارم له مواني
حافظ سري وسره لو تجلت به ليالي
ماتزعزع ماتغير ما جفى طول الزمآني
هو رفيقي بالشدايد والمواقف به خيالي




هذا مطلوبي فديته ياسمو للمعآني
مقبل يمي لقيته دوم موجود حيالي
ياسند من هو خلته بالدهر لو هو طواني
الوفا اصل وفصل وكلمة لجله تقالي
سد شامخ ياعذولي كاوي(ن) من هو كواني
فيه انا قمت اتعزوى هو رصيدي وكل مالي
الخوي لليل نوره وللعطش ساق السواني

.مخ رج


بليله جينا غابتها حسينا كأبتهاا
وهذي الدنيا عادتها لاترضى على انسان