بنات تعبت والله العظيم أمي تعبانه حدها ساعدوني!

05-19-2011, 03:50 AM

السلام عليكم،

بنات ياريت تفيدوني والله اني تعبت وتعبت أمي وياي مادري وين بعد أوديها حدها تعبانه من قبل جم شهر واحنا ندور عالأطبا وفحوصات ملت مسكينه والحين تقول مابي أروح مكان وقاعده تعاند الله يهديها، مابي أطول عليكم السالفه بس اهيا فيها ورم في عنق الرحم (بداية سرطان) الله يكافيكم شره ان شاء الله ويبعدكم عنه.

أول شي انا مابي أذم حتى ولو انه في دكاتره دخلوها العنايه ما أقول الا الله يهديهم.
بس من اللي رحنا لهم دكتورة بهواني اللي بالهادي، دكتور باتريك بمستشفى لندن، دكتور مصري دسوقي، دكتور مصطفى تومسو بدار الشفا، ودكتورة معصومة مخصيد.
وللحين اهيا تعبانه! وتحتاج عملية والصراحه مادري منو أثق فيه لأن شكثر دعيت ربي ولا أحد ارتحنا له لحد الحين!

بنات عفيه والله مالي أحد بالدنيا غير أمي اذا صار فيها شي انا أموت
اللي تعرف أي دكتور\دكتورة زينين حق هالمرض أو حق عمليات بالرحم عفيه لا تبخل علينا أو اذا أي أحد يعرف وين نقدر نوديها اذا حق علاج بره يعني أي دولة والمستشفى والدكتور؟ (لأن احنا امودين أخوي قبل علاج بألمانيا وبالعكس ضره وما فاده).

والله تعبت أشوف أمي جدامي كل يوم تعبانه وانا مادري شنو أسوي! والله اللي تساعدني وتدلني على طبيب يشافي أمي راح أدعيلها من كل قلبي طول عمري

وعسى الله يخليلكم أهلكم ويحفظكم من كل شر أو مرض ان شاء الله.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
والله العظيم تعبت	انمي	حصري	0	04-21-2011 10:30 PM
ساعدوني والله العظيم محتاره	انمي	حصري	0	04-15-2011 02:00 AM
ابي علاج شعبي للتهاب اللوز والله لأدعيلكم محتاااجه والله تعبت والله تعبت	انمي	حصري	0	04-10-2011 07:20 AM
ساعدوني تعبت والله والله والله تعبت تعبت مالي غيركم	انمي	حصري	0	04-09-2011 12:10 PM
بخلص التاااااسع..والله العظيم تعبت؟..مسااعده	انمي	حصري	0	04-07-2011 12:40 PM

اعلاناتي

بنات تعبت والله العظيم أمي تعبانه حدها ساعدوني!

حصري

للمزيد من مواضيعي