تايهة شوروا عليي خواتي

تايهة شوروا عليي خواتي

السلام عليكم خواتي

انة بحرينية مطلقة وعندي ولدين 15 سنة و 6 سنوات وبنت عمرها سنتين
صار لي مطلقة سنة وشوي تقريبا بعد 17 سنة ظلم لي ولاولادي من زوجي واهله
ضرب واهانات لي ولاولادي وبالاخير انة اللي اصرف
وبما اني بالمحكمة الجعفرية لم تنصفني الا بالخلع وبعد مااخذيت قرض على قلبي لادفع له اللي طلبه الله لايهنيه فيه
وحاليا قاعدة بأجار وصرف لايخفى عليكم في ظل غلاء المعيشة
انة من صغري احب الكويت ونزورها بشكل متكرر ولنا صداقات كثيرة
كلمتني وحدة من صديقاتي هالكلام كان في يوليو يوم كنا زايرينهم السنة اللي فاتت
ان اخوها المطلق بعد يبي يتزوجني
اخوها عمره 38 سنة وانة عمري 36 سنة
اخوها عنده بنتين وولدين عايشين مع امهم وسبب الطلاق حسب ماشفت من قبل وحسب ما ذكروه لي الاهل
انه زوجته لسانها سليط وموعاطية زوجها اي حقوق
بعد الطلاق الزوج عايش ببيت ابوه وعلى طول يشوف عياله
ومستأجر لطليقته وعياله شقة
انة محتارة اوافق على هالزواج او لا
بصراحة مرتاحة للرجال ولاهله اكثر
والكويت ديرة مو غريبة عني وفكرت كذا مرة قبل اني انتقل واعيش فيها
بس خايفة من تكرار المعاناة مع طليقي
بينا مكالمات بسيطة انة وهالرجال
وعلى طول يكلم ولدي الكبير اللي بدوره يقنعني اتزوجه
ودايم احط العراقيل اللي اغلبها تافهة
وهو اهله يصبرون عليي ويتمنوني انة وعيالي
رديت اخذت استخارة من كم يوم وطلعت زينة
بس خايفة من اجراءات الزواج شلون تكون
وتسجيل عيالي للمدارس على اساس انا بحرينين مو كويتين
حتى طليقته اتوقع ترفع عليه قضاياه اكثر اذا تزوجنا تبي نفقات اكثر
للعلم انها بهدلتهه وايد بالمحاكم
خواتي شوروا عليي واللي يعافيكم
شلون تسجيل عيالي بالمدارس والحضانات وشلون دواماتهم
واذا ممكن احد يخبرني شلون اجراءات الزواج مطلق كويتي من مطلقة بحرينية في المحكمة الجعفرية
لاني سمعت لازم ياخذ موافقة المحكمة او السفارة مو متأكدةعلى اساس تشوفه يقدر يصرف على طليقته وعياله وعلينا
مع اني موظفة حاليا وان شاء الله بتوظف بعد بالكويت اذا صار لنا نصيب

للمزيد من مواضيعي