بيت الحموله

بيت الحموله

السلام
شلونكم بنات :eh_s(7):
بستشيركم بموضوع
انا توني ساكنه ببيت حمولتي، وخالتي ام زوجي وايد وايد تحب زوجي وتغار عليه!
لدرجة تغار عليه من بنته!!!!
المهم مو هذي سالفتي
الله يسلمكم من سكنا بالبيت وحماتي كل يوم تجي عند أمها ، وبنتها وياها
بنتها وايد واااايد شيطانه وعنيفه ومدلعينها بزياده ويحبونها ومايرضون عليها
انا مالي شغل فيهم كيفهم
بس من سكنا وبنتها احتكت ببنتي وبنتي قامت تتطبع نفس اطباعها وهالشي ضايقني وايد
قلت حق زوجي وسكت ماقال شي
وانا ما بينتله ان متضايقه وايد بس قتله بنتك قامت تتصرف نفسها وعادي انتهى الموضوغ
المهم دقت علي خالتي وكانت معصبه
تفاجات قتلها شفيج عسى ماشر
جان تنهرني وتخانقني وتقولي منو قايل حق ولدي وشنو المشكله اذا البنت قلدتها هذول يهال وانا ماحب الفتنه والقيل والقال ومو كل شي ينقال حق الريال
قتلها انا ماقتله بس اهو الي شافها سوت تصرف معين وسالني من وين متعلمه وقتله من بنت اختك وسكرنا الموضوع
تقولي جاني وقالي انا مابي بنتي تحتك ببنتها ولا تجينا ومن هالكلام!!!
انا الله يعلم اني مادري عن هالحجي لانه ماقالي ومو انا الي دازته فصج تفاجات!!
قتلها اهو مو طبعه جذي بس يمكن خذته الحميه على بنته وضايقه هالتصرف وجا قالج
تقول لا هذا مو حجي ولدي @@
(يعني كلامي انا وانا الي دازته)
قتلها اهو الي قاله لج معناته كلامه ويمكن قاله بطريقه عفويه بس انتي فهمتي غلط
تقولي انتي ساكنه ببيت حموله البيت مو بس لكم البيت داشين طالعين واذا انتو خايفين على بنتكم خلوها عندكم وصكو بابكم وانا مابي مشاكل بين عيالي عشان يهال!!
قتلها الي يتخانق ويحط عقله عقل يهال ماعنده سالفه وانا موجذي
انا لو مابي بنتي تحتك بالبنت جان مافتحت بابي لها واطلعهم ويا بعض الألعاب
وانا مالي شغل وماله داعي ينقالي هالكلام لاني مو انا الي قايلته
بس ماكو فايده انهدت علي بالحجي ومارضت على بنت بنتها تقولي انا الي مربيتها شنو قصدكم اني مو مربيتها عدل والا خوفكم على بنتكم خلاكم جذي
وماسكتت انا ماتمالكت نفسي وقمت اصيح
جان تقولي ماله داعي تصيحين ومو تكلمين ريلج وانتي جذي وتقوليلنله!!!
قتلها انا اهلي مربيني عدل ومو انا الي افتن وأقول حق زوجي كل شي واذا انتي متضايقه منه فانتي الي تقولينله مو انا!!
تقولي أي ادري بس عشان تكونين بالصورة
ومثل عطتني ايحاء انها متفضله علينا انها سكنتنا عندها
وايد وايد احتريت وتضايقت
مع هذا رديت وحبيت راسها وقعدت معاها دست على نفسي لاني ساكنه معاهم ومابي اخسرهم
كنت وايد مستانسه اني ساكنه عندهم بس هذا بداية االخير والحين وايد متخوفه وبتحاسبني على أي شي ريلي يسويه او يقوله والمشكله ان اهو مايقولي كل شي!
الحين مادري شسوي عقب هالسالفه اعزل نفسي وببنتي والا اتم مثل ما انا؟
شرايكم بنات وشلون اتصرف معاها واعاملها:eh_s(1):

للمزيد من مواضيعي