قصيدة فتاة اجبرها ابوها ع الزواج من شخص لاتريده

قصيدة فتاة اجبرها ابوها ع الزواج من شخص لاتريده

فتاة اجبرها ابوها على الزواج من شخص

فلما قرأها رجع عن امره وجعلها تختار من ترغب

وهذه نصيحه لمن يجبر بنته من الزواج بمن لا تحب او لا تريد



يابوي خلوني علـى كيفـي اختـار
يابوي هذا العرس مابـه غصيبـه

يابوي لاترمون قلبي علـى النـار
وتصير بكـره ياجماعـه مصيبـه

يابوي انا اللي عارفه كل الاسـرار
قلبي وانا ادري فـي دواه وطبيبـه

يابوي انا مليت من كثـر الاشـوار
والموت من شور القريـب لقريبـه

يبه .. يبه .. يامكرم الضيف والجار
ياسيـدي ياتـاج قلبـي حبيـبـه

لو شفت دمعي تالي الليـل مـدرار
النوم حاربنـي وانـا لـه حريبـه

في خاطري هم .. وهواجيس وافكار
ماجابت الورقا من النـوح اجيبـه

الله يعين الـي مـن الهـم محتـار
اعيش فـي دنيـاي مثـل الغريبـه

الحلم الاول مـات يابـوي وانهـار
ذبحت حلمي ليـه .. والله عجيبـه

يابوي زاد الهم ضاقت بـي الـدار
صارت حياتـي ياحياتـي صعيبـه

وشعاد لو في غرفتي ورد وازهـار
اشوفهـا يابـوي مثلـي كئيـبـه

ياتـاج راسـي لاتحمّلـنـي أوزار
تكفا طلبتـك .. لاتزيـد المصيبـه

للمزيد من مواضيعي

 

كلامات بمحلهااا

ماوصيكم يالبنات على النسخ

تنفعكم بعدين الكلامات هذي

يسلموووو غلا على الطرح الجميل ..

كلمات اكثر من رائعه يسلموووووووو غلا الروح على الابيات
لا تحرمينا من جديدك

سفير الغرام

ابشر كل البنات بينسخونه ويسلموووو

على ردك العطر ومرورك الاروووووع

والله لايحرمنا منه ودمت بكل ود

كابتن طيار

الاروووووع مرورك خيووو ويسلمووووو

على ردك اللي عطر صفحتي والله لايحرمنا منه

ودمت بكل ود