اللي طَرف جديلتَه تسوى شواربْ روسْ قومْ ، هذا ليَا مني بَغيتْ أشتاقْ صدق اشتقتْ لَه ]

اللي طَرف جديلتَه تسوى شواربْ روسْ قومْ ، هذا ليَا مني بَغيتْ أشتاقْ صدق اشتقتْ لَه ]

السَّلامْ عَليكمْ و رحمَه الله و بركاتَه

الـ مَدخَل /

مسَامِح اللي يِحسِب الشّور تَجريحْ
و المِسلِم اللي ما يشِح ب سَلامَه
و الرَّاهي اللي مِن طَهر نفسَه يبيحْ
مِن كِل متراهِي قذاه ب كلامَه
و اللي تشُوف إن كذبهَا العَفْ تمليحْ
مَملوحةٍ في وجههَا كَمْ شَامَه
ميَّاسةٍ تَذرف دمُوع التّماسيحْ
ألا بَغَتْ تِحرم غَلاها منَامَه
أثَاثْ غرفتهَا مِن الفَرحَه يسيحْ
ألا رمَت عَلى السرير اللّثامَه
طِفلَه في صَدر أبيها مَراجيحْ
مِن عَادها تَبكي لا راحْ لـ دوامَه
خلّتني أوقّف بوجه التبَاريحْ
وقُوفْ مَن دبْ التّعب في قوامَه
و أن مسّكوها كَف غيري و اهي تصيح
أبا توجّد لين يوم القيامه

الـ نَّصْ /

لي صَار وصلكْ ذهب و محبّتك تنسَام سُوم
روحْ إعشق اللي تبي تعشق و همّل اللي تهملَه
لِي شِفتني ميّت ظما و اشحَذ مِن يدينِك غيُومْ
في وقتَهَا كِل الكَلامْ اللي تبي تقُولَه قَلَه
لي جيتِك أشكي مِن سَهَر و الا اشتكي مِن قِل نُومْ
مِن بعدَها لِك حَقْ تَعمل فيني اللي تعملَه
أنا أنتظر قبَال بيتِك و اتصّل بِك كِل يوم ؟
أنا أحتقر نَفسي معك و ارضَى و لو بالمهزلَه ؟
أنا أحلم بلمسَه يدِك و أصحى على صُوتِك و أنوم ؟
أنا أتحمّل مِن جفَاك اللي ما حدٍ يستحمله ؟
على بشَاشَه طلّتك و الا على الصّدر الكتُوم ؟
هو فيكْ شيٍ يِنقبِل و لا رضيتْ أتقبّلَه ؟
من زينْ قِربِك مِن حسنْ عِشرتك مِن طيب السّلوم ؟
نَاقص نظر ؟ هاوي كِدر ؟ غاوي عَذاب و بهذلَه ؟
كد جيتِك أبكي من سَهَر ؟ و الا أشتكي لك همُوم ؟
كِد مَر يوم و شدّني لمواجهك شوق و وَله ؟
عمري تكلّمت بعتَب و الا نطقت بحرف لوم ؟
بيني و بينك معرفَه و الا ارتبط معك بصله ؟
ما تعرف الله ؟ منت مسلم ؟ ما تصّلي ؟ ما تصُوم ؟
ما في أحد سولفت لَه عنّي و لا كذّبت له ؟
هذا و انا اللي ما عَشَقتك قلت فيني هَـ العلوم ؟
أجل لو انّي بعشقِك ويشْ اللي كنتْ بتفعلَه
ما اقول لك قلبي حجَر و لا من الحب معصومْ
لكن بعَد ماني من اللي كِل من جاه هبلَه
تزينْ و الا ما تزين ترومْ و الا ما ترومْ
حنّا رجال ما انخلق فينا مع الثّقل عجلَه
ودّك ليَا جيتْ تعشق يعشق معزز و محشوم
اما تجي قَد الغلا و الا اترك العشقْ لهلَه
في هالزّمن ما يخضَع لمَكر النّسا غير الرخومْ
الذيب ما يغفل و لا يرضى حدٍ يستغفله
لو تب تشوف المرجلَه في حب قرم من القرومْ
شف غيرتي لا من عّذلني عاذل ووقفت له
و مثلي ليا من جيت لَه بالطيب و الا بالعزوم
في ذمتّي لا انته و لا اللي خلّفوك تغربلَه
ما دامْ ويّاي القمر وشلونْ أطالع بالنّجومْ ؟
ما تعرف اني لا عَشقت أعشق من الزّين أجمله
اللي طَرف جديلتَه تسوى شواربْ روسْ قومْ
هذا ليَا مني بَغيتْ أشتاقْ صدق اشتقتْ لَه
هذاك احضر لموعدَه لوني على الموت معزومْ
هذاك احقر اللي يحقره و اخذل اللي يخذله
اللي ليا كف المسا كنّه و كن الشّمس تومْ
و إن ظفّه الصدر و رسى يَ يقتلَه يَ أقتلَه
عَلى كثر ما اعشق عدله كثر ما اعشقه ظلومْ
و على كثر ما اعرف طبعَه كثر ما كنت أجهله
إن عاتبِك عتَاب الخوي و أن حاسبِك حساب الخصُومْ
صَعب إن بغيتْ أستصعبَه سَهل إن بغيتْ أستسهلَه
وصَلت لَه و لا وصلتْ إلا عقب فَرك الخشومْ
ضيَع لَه عمري و اهو ضيّع معي مستَقبلَه
حقّقتْ في محبّتَه ما فَاق تحقيق الحلومْ
عَمَلت مَعه اللي مَحَد قبلي مَع النّاسْ عملَه
ما فيه عَاشق دام صدقَه مثل ما صدقي يدُومْ
و ما بالرجّال اللي وصَل ربع الذي وصلت لَه
إن وقف حظّي عشَانه جعل حظّي ما يقوم
في هَالزمّن من لا يدسّم شَاربَه لا يفتلَه
و الا انتْ لي منّي بغيتِك جبتْ مِن شرواكْ كومْ
اليَا بغَى بالزّينْ و الا لي بَغَى بالمَنزلَه
مِن خَان مرّه بالعمر ما هو بعيد يخُون دومْ
و من بَادر النّاس بزعَل يسهل على النّاس زعلَه
دامْ الغَلا ما يِستحِقْ من القلوبْ الا الرّحومْ
أن طعتني خلّك في حالك و اترك العشق لهلَه
(( من لا تستّر بالحيَا ما يسترَه لبس الهدومْ
و مِن لا يزلزله الخجَل ما بَه شي يزلزلَه ))
لي صَار وصلك من ذَهب و مقابلِك ينسَام سومْ
روح اعشق اللي تبي تعش و اهمل اللي تهمله
لي شفتلي دمعع رجا بالجفن و الا بالكموم
في وقتها كل الكلام اللي تبي تقوله قله
لي جيتك ابكي من سهر و الا اشتكي من قل نومْ
لك حق تعمل من بعدها فيني اللي تعمله

الـ مَخرجْ /

الصَّدْ مِن خِلّك ليَا جيتْ ناصِيهْ
يشبّ فِي رُوضْ الضَّميرْ الشبايِبْ
مَا هُوب شَرهَه مِنْ كِبارْ المشَاريهْ
إلا كَما الصّفعهْ عَلى وَجهْ شَايبْ !

الـ نَّصْ لَه / حَامِد زيدْ
الـ مَدخَل لَه / مشَاري المَرِّي
الـ مَخرجْ لَه / ؟
تَقديري


[/quote]

للمزيد من مواضيعي