(( نصيحه للمتأخرات .. استفيدوا من تجربتي وادعولي ))

(( نصيحه للمتأخرات .. استفيدوا من تجربتي وادعولي ))

السلام عليكم بنات شلونكم

ترى هالقصه مو قصتي بس وحده من العضوات شافت موضوعي وطرشتلي عالخاص وقالتلي اني اكتبها لكم عشان تستفيدون الله يجزاها خير ياااااارب ونقلتها بأمر منها :yaaaaaarb:

(( نصيحه للمتأخرات .. استفيدوا من تجربتي وادعولي ))
(( انا متزوجه من 9 سنين وطبعا ماحملت طول هالفتره..وزني كان بالتسعينات بداية زواجي وكل مره يزيد ليما صرت فوق الاميه.. رحت كل مكان ( د0ماجده اليتامى . د.منصور العرف..د. عاليه الفضلي. د. فوزيه القطان )( وهم جربت الانابيب خارج الكويت بمستشفى فرح بالاردن د. زيد الكيلاني )) ..
بالبدايه قالوا مافيج شي وبديت مشوار العلاج .. اول شي كورسات بالكلوميد وبعدين بديت بالابر المنشطه وماكو حمل .. مع ان التبويض عندي مع المنشطات يصير واااااااااااااايد زين بس هم ماحملت ..بس هالابر سببت لي تكيسات وهني زاد الطين بله .. وعقب قالوا لي سوي تلقيح صناعي وسويت جم مره وماكو فايده .. وعقب قالوا ماكو حل غير اطفال الانابيب (حقن مجهري ) وهم كل المحاولات كانت فاشله ..
مره كنت بفتح ملف عند الدكتوره فوزيه القطان وكنت ناويه اجرب عندها الانابيب لأن وااايد ناس مدحوها هني بالمنتدى . عاد نظام عيادتها اذا بتفتحين ملف اول مره يدخلونج اول شي على اي دكتوره مساعده عندها تاخذ بياناتج وتقاريرج وتشوف حالتج وتسجل كل شي بالملف وتالي تدخلين ع الدكتورة فوزيه . المهم دخلوني على دكتوره عندها مصريه اعتقد اسمها نهله أو شي جذي ناسيه اسمها والله .. الله يوفقها ويسعدها وين ما راحت والله ادعيلها من كل قلبي .. المهم قلتلها تاريخي العريق وخذت تقاريري وشافتهم وشافت تحاليلي وتحاليل ريلي .. جان تقول :( بصي يافلانه انتي كل حاقه فيكي كويسه وتحاليلك كمان. لو عايزه تحملي يبأى:
نمره واحد: تخسي .
نمره تنين : تخسي
.نمره تلاته: كمان تخسي.
وحتحملي طبيعي بدون ادويه وعمليات )
طبعا قالت لي هالكلام جدام ريلي وصج واااااااايد احرجتني جدامه .. حسيت اني انا سبب حرمانه من اليهال طول هالسنين .. بس على بالج حسيت على دمي للاسف لأ . دخلت ع الدكتوره فوزيه وطبعا كانت مثل غيرها من الدكاتره الماديين اللي يدورن المادة من ورانا احنا الفقارى ويدورون الحلول السريعه وما يعالجون اصل المشكله . طبعا اهي قالت ماكو حل غير الانابيب وفعلا بلشت عندها ببرنامج الانابيب وسويته عندها وهم فشلت التجربه مثل اللي قبلها واللي قبلها واللي ...................... الخ.

عقبها تذكرت كلام د نهله وقلت حق نفسي ستووووووووووووب لازم اضعف . انا فلوسي كلها رايحه على دكاترة التغذيه ودكاترة النسا والولاده وهالعمليات اللي مانجحت ولا وحده فيهم .. معاشي ومعاش ريلي كله لهالدكاتره .. لا لبس مثل الناس لاساعه ماركه لا جنطه مثل الاوادم كله بس ايمع فلوس هالانابيب ..
عاد فكرت بجديه اني اضعف وقلت بسي من هالرجيمات الفاشله لأن وصلت وزن ماينفع معاه رجيم وصلت 105.
استخرت ورحت لدار الشفا وسويت عملية تحويل مسار وعقب سنه بالضبط تأخرت علي الدوره وعبالي عادي مثل قبل كله تتخربط .. نطرت ونطرت وما ييت حللت وطلعت حامل ويبت بنوته وطلعت من الاربعين وحملت والحين انا بالثامن .. اذكرواالله يابنات..و ادعولي الله يسهل علي ولادتي ..))) نسيت لا اقول انه لما حملت اول مره كان وزني 69 مااااااااااا شاااااااااااء الله ..
فنصيحه لكم لااااااااااااااااا تضيعوووووووووووون عمركم مثلي .. ضيعت 9 سنين وانا اتمنى ظفر ياهل اركض ورا هالدكاتره اللي همهم الفلوووس وبس. محد نصحني وقعد معي على راحته وشرحلي الوضع كله ركضه ركضه. بس خرموا يلدي من هالابر واتعبت معدتي من هالحبوب و خلوني على بساط الفقر ..
نصيحه لكل وحده متينه تضعف تالي تراجع وتحمل لا يقصون عليج ويقولون السمنه ماااااااا تأثر صدقيني تأثر وتأثر واااااااااايد بعد .. بس احنا من كثر مو متشفقين ع اليهال نركض وراهم واي شي يقولونه نسويه بدون تفكير حتى لو يكلفنا واااااااااااااااااايد ...

اسأل الله الكريم رب العرش العظيم ان يرزقني من فضله وكل المحروووووووووومين اللهم امين ..
تكفوووووووووووووون اذكروووووووا الله ياااااااابنات وادعولي الله يسهل علي ..)))))

اخيرا.. ام منال .. هذي رساله ونصيحه مني لج ولكل البنات المحرومين . اتمنى تنسخينها وتحطينها بالموضوع او تحطينها بموضوع خاص يقسم تأخر الانجاب عشان يقرونها البنات .. انا والله لأني حااااااااااااسه فيكم وكنت محرومه حالي حالكم بس فضل ربي كبيييييييييييييييييييييير .. وهالله هالله بالدعاااااااااااااااااااااء ترا هذي كلها اسباب .. وكل شي بيد رب العالمين .. ولكل انسان هالدنيا نصيييييييييب ورزق محد ياخذه غيره ..

للمزيد من مواضيعي