ابغى مشورتكم ورايكم يهمني

ابغى مشورتكم ورايكم يهمني

السلام عليكم ورحمة الله وبركاته
انا معلم ومتزوج وعندي عيال وكان وضعي المادي ممتاز ولله الحمد
كفلت زميل لي بالعمل بشركة الحمراني بمبلغ 1700 ريال حتى يقدر يبيع هالسياره ويفرش بيته ويجيب عياله عنده ويستقر لأنه كان عزابي قلت نساعده ونلم شمله بعياله
وكان منتظم بالسداد وهذا اللي شجعني اني اكفله مره ثانيه ببطاقات سوا بقيمة 4الاف
(2000 باسمي وهو كفيلي و2000 باسمه وانا كفيله) لكن هو ماعنده شيكات واخذوا جميع الشيكات مني ومؤرخه وتصرف من حسابي وهو يحول لي مبلغ 4الاف شهريا
نقلت للقصيم وهو نقل لجده وتفرقنا مره اتصلت عليه اعطاني مشغول لما سحبوا مني الشيكات وبعد ايام اتصل عليه وجواله مقفل والان لي 9 شهوروانا اسدد دين مو لي
ابغى رايكم ومشورتكم شو اعمل ؟
رحت للشرطه مافيه فايده قالوا لي سدد كامل المبلغ وجيب من اصحاب المؤسسه ( بطاقات سوا وشركة الحمراني ) مخالصه بالمبلغ اللي سددته وارفع عليه شكوى بالمحكمه
هذا الحل مايخدمني الان
الان انا راتبي 9890 الف اسدد منه 5700 ريال بسبب الكفاله + 3050 قرض للراجحي
وسيارتي ايجار منتهي بالتملك من تويوتا 1765 ريال مره اسددهم ومره اسدد الحمراني
مقدر اسددهم كلهم لأن الي يبقى من راتبي 1000 ريال بس اكل عيالي
اللي ابغى منكم استشاره او طريقه للخروج من هذه الازمه علما اني مقدر اخذ اي قرض من الراجحي بسبب وقوعي ببلاك ليست بسبب عدم الايفاء لشركة الحمراني والان طالبين المبلغ كامل 37 الف
مااخفيكم ان هذه الديون جابت لي السكر وانا عمري 31 سنه ولولا قوة ايماني بالله لفكرت بالانتحار
ابغى نصيحتكم وجزاكم الله خيرا
اخوكم ابو راشد

للمزيد من مواضيعي