حمام وردة سلفر المغربي

03-15-2011, 07:50 AM

قووووة حبيبااتي كويتيات :eh_s(7):

وحشتوني جدا جدا جدا

يايبتلكم اليوم طريقتي في الحمام المغربي

للي تحب توحد لونها وتوصل حق البياض والصفاء

اللي الكل بيسألها عنه بعد 4 مرات من هالخطوات :rerrerek:

حمامي الاسبوعي الحمدلله مو متعب لكن نتايجه جدااا عجيبه وفعاله وتبين بشكل حييل

سرييع ماشاءالله .

اللي احتاجه للحمام:

* سفيد اب (حجرين اطحنهم وفوقهم ملعقتين ماي وتتكون عجينه ناشفه)..

*سنفرة حيادر بالهرده او اي سنفرة مبيضه وما تحتاجين تغسلين بعدها بصابون مثل كاب حلوه

*ماسك للجسم : (3 ملاعق ترمس+ 3م روب + 2م مطحون خزامى وبابونج + ملعقة من قشور برتقال وليمون مجففه ومطحونه ..وقطرات من زيت اللافندر)
وماسك اخر عباره عن ( خلطه بودرات انا مسويتها بعلبه فيها كل من سدر + ترمس + حلبة + نشا + كركم .. اخذ منها مقدار ملعقتين مع 3 ملاعق روب وملعقة خزامى وبابونج) وهالماسكين كل اسبوع استعمل واحد فيهم

* ماسك للشعر عباره عن ( حفنة بقدونس + 2 م روب + 2م حمام زيت + 3 م اكليل جبل مطحون وملعقه صغيره عسل)

* وماسك لتسكير المسام (المهلبيه الحمرا) وراح اشرحه تحت بالخطوات

بعد مات أدهن جسمي بخلطة زيوت ( زيت لوز وجلسرين وعصير ليمون وحليب) والبس بجامتي واخليها ساعتين تقريبا ، أبلش بحمامي المغربي وهذي الخطوات :

1- اول شي أشغل الجهاز مال البخار واحط في جم ورقه من ورق الليمون او اذا عندي نعناع طازج او مرات اقطع شرايح ليمون واحطهم بالماي .. وجم قطره من اي زيت عطري .

واورح الحمام عزكم الله واحط الماسك اللي مسويته حق شعري والبس الكاب النايلون

بعدين ارجع و ادخل الخيمه واجابل ساعتي

2- اقعد داخل 10 دقايق ولين يتبلل جسمي من البخار تدهنت بالصابون التونسي وانصحكم باللي (بالورد .). واقعد 10 دقايق ثانيه بالصابونا
يعني ثلث ساعه بالتمام والكمال . واطلع واسكر جهاز الخيمه .

3- ادخل تحت الشور اغسل جسمي عدل من الصابون والبس الليفه المغربيه واحط عليها من عجينة السفيد اب وهاااات يافرررك و فرررك وفرررك واتشطف

وبعدين اتسنفر بأي سنفرة تبييض احبها واخليها 5 دقايق واتشطف منها واطلع

4- ارجع اشغل الجهاز وادخل الخيمه واحط ماسك الجسم... واقعد من10 دقايق لي ربع ساعه (يعني ربع ساعه في دخلتي الثانية )

5- بعدييين ياحلويين اطلع من الخيمه وافتح ثلاجتي واطلع الماسك العجييييب اللي اكون امسويته قبل لا ابلش الحمام :

كوب ماي حطيته على النار ولما سخن .. يبت ربع كوب ماي ورد بدم الغزاال ذوبت فيه قفشة نشا

وصبيته فوق الماي اللي بالجدر وحركته لين صار بكثافة المهلبية وصار لونه واااااو يشوق ودخلته الثلاجه

وهذي تكون اخر خطوه بحمامي بعد ماتشطفت من السنفرة وخلطة الجسم حطيت من (هالماسك الوردي) العجييب المنعش على كلللل جسمي عشان اسكر المسامات واصير وردية

طبعا اكون امخليه الماسك على جسمي على ما اغسل شعري بس بماي واطيح الاعشاب بشوية حمام زيت فاتيكا ، وبعدين اشطف شعري وجسمي واطلع

وافضل افضل ترطيب بعد المغربي اهو زيت اللوز المرر لأن جسمج بيكون محتااج ترطيب قوي

هذا برنامجي خفيف ومفيد وما يحتاج طلعه ودخله 7 مرات اهم مرتين وخلااص

وعليييييييكم بألف عافيه يارب .

......................

منتديات كويتيات plhl ,v]m sgtv hglyvfd ;,djdhj lkj]dhj ;,djdhj كويتيات

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ملوك جمال العالم.....وشوفوا ملك جمال بكستان...ما شاء الله..	انمي	حصري	0	03-14-2011 04:11 AM
صور انمى دماء	انمي	حصري	0	03-13-2011 11:10 PM
مواعين فضة (سلفر)	انمي	حصري	0	03-13-2011 02:50 PM
لمن تهدي وردة اليــــــــــــــــــــوم	ايقاع عابث	ღ مملكة مجلس الاعضاء ღ	4	04-10-2010 09:34 PM
معك وردة فلمن ستهـــــــــــــــــــــــديها ؟؟؟؟؟!!!!	كيـــــــوت دلع	مملكة عذب الـكــــــــــلام	1	09-03-2008 07:57 PM

اعلاناتي

حمام وردة سلفر المغربي

حصري

للمزيد من مواضيعي