اذبحتني من المراقبة مت مت منهاااا شالحل؟؟

03-16-2011, 12:30 AM

اذبحتني من المراقبة مت مت منهاااا شالحل؟؟

بنات انا عندي مشكلة اعاني منها مع بنت خالتي .. نبذة عن شخصياتنا :

1- انا اجتماعية
2- مو متزوجة
3- موظفة

اهي:

1- مطلقة
2- انطوائية
3- طالبة

اول شي : تتدخل في علاقاتي مع الناس يعني مثال يتني بنت عمتي تسولف معاي بتجمع مع البنات اذا ما شافت احد شاغلها اتيي تقعد يمي ونكون احنا نسولف بسوالف خاصة بينا وبين بعض وتدخل تحاول تخرب سالفتي وتضحك وتعطي انطباع انها اجتماعية مع انها العكس تماما.
مثلا: قاعده مع بنات خوالي 3 بنات وناوين انهم يخطبونها بعد الطلاق يعني حجي حريم وماصار ومن قالوا انه نبيها حق هالولد (الولد للعلم مرته طلقها بس حامل) واهي من اقعد معاهم او اضحك او اسولف او تشوف في سالفة خاصة بيني وبينهم تلف وتدور مثل الذبانة حواليناا تسمع شنو اقول وعلى شنو اضحك
وشنو اهي السالفة الي بينااا :eh_s(4): وتحاول تبتسم من بعيد يعني شوفوني انا معاكم مندمجة او انها اذا يت رفيجتها تسلم عليها وتبتسم وتطالعني يعني شوفي انا عندي علاقات ولما اقوم من كرسي قاعدة عليه تقعد مكاني وتكون مثلا صديقتي قاعدة يمي نسولف او بنات الخالة او العم !!!!!!!! شكو؟؟؟
اهي بالحقيقة تمثل علي غير عن حقيقة وضعها الصجي وانا عارفة هالشي بس تحاول تخفيه بغرورها انها ماتتكلم معاي مباشرة تتكلم مع الكل الا انا ليش مادري؟؟ !!! :eh_s(1):

بخصوص انها طالبة فهالشي مسبب لي ازمة لانها وحدة دلووووووووووووووووعة فوق ماتتصورون وكل شي متوفر لها من اهلها والله العظيم مو ناقصهااااااااااااا شي ويمكن مستوى غرفتها اكثر من مستوى غرفتي ولبسها اكشخ مني وتليفونها وجنطتها وملابسها كل شي كل شي عندهااا مدلعة هالاخر واخر العنقود بس ماكو فايدة !! تقولي نتي عندج كل شي ياليتني اتوظف .. طيب انتي مو ناقصج شي شنو تبين بين اهلج معززة مكرمة وابوج وامج عايشين واخوانج ما فقدتي احد منهم والسرير بو نفرين مو نفر والكبت اكبر منه ماكو والغرفة الوان بالوان ومكياجها مكياج عروس خالصه وملابسها يمكن تكفي قرية من الفقارى شنو ناقصج ؟؟ ولا شي بس دلع .. :eh_s(1):

بنات انا تعبانة من مراقبتها لي .. كل زوارة لازم تخزني شنو لابسة وشنو مسوية حتى السوالف شنو قاعدة تقولين وليش تضحكين واهم من كل هذا مع منوو ؟ اذا لقت انهم ناس تعزهم سوت المستحيل عشان تخرب على هالقعدة يا بتدخل منها بالموضوع او نغزات وتمسخر على كلامي او حقران لاسئلتي
او تجاهل لوجودي !! انزين ليش شتبين ؟؟ مادري!!! :eh_s(10):

اخر مرة يعني بتفاجأني بتليفون يديد وتبي تبين لي انه انا عندي فلوس وقادرة اصير مثلج واشتري كل الي بخاطري شرت تليفون يديد ما راوته احد على فكرة فجاة كنت مجابلتها بالطاولة واتطلعه وتخليه اجبال عيني شوفي ترا شريت يديد !! انزين شالحركات يهال احنا !! :krkrkr:
ودايما تقل نغزات علي انه انا اعرف عن حياتج كل شي وانتي ما تعرفين شي عني .. واذا سويت عمل خير مثلا ومحد تقبله تحب تموووت انها توصل لي سلبيات او كلام الناس الي يحر بخصوص هالعمل الي سويته واذا سويت خير تقولي شحقه ما قلتي يعني عمل بالسر هههههههههههههههه وتضحك !!!

بنات ترى حركات يهال وانا تعبت عمرها 20 وانا 25 وكل ما احاول اتحاشااها امها تدخلني في حياتها غصب مثلا امي تتكلم عني محرومة سوت جذي او قالت جذي ترد امها حتى فلانة صار جذي اليوم وقالت جذي طيب محد اسالج عن بنتج شحقه غصب بخليني بيني وبين بنتج تنافس ماكو وجه مقارنه !!!!! :eh_s(2):

منتديات كويتيات h`fpjkd lk hglvhrfm lj lkihhhh ahgpg?? ;,djdhj lkj]dhj ;,djdhj كويتيات

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بنات بصراحة الشعر الصغير بالاباط او بالجسم او تحت شالحل معاه؟؟؟	انمي	حصري	0	03-13-2011 02:10 PM

اعلاناتي

اذبحتني من المراقبة مت مت منهاااا شالحل؟؟

حصري

للمزيد من مواضيعي