نـداء لمواليـد السبعينات و الثمنيـنات هجــوووم

03-17-2011, 09:01 AM

نـداء لمواليـد السبعينات و الثمنيـنات هجــوووم

بـالخيـر صـبحتكم ومسيتكم
وبماي الورد رشيتكم
نـداء لمواليـد السبعينات الثمنيـنات هجــوووم

الموضوع واضح من عنوانه عن مواليد السبعينات والثمانينات وذكرياتهم وطفولتهم البريئه ..

على الرغم من وجود كل شي لعيال الايام هذي تبقى ايامنا وطفولتنا أجمل ولها نكهه خاصه وجميله محفوره بعقولنا وقلوبنا ..

البــدايــه :

نـداء لمواليـد السبعينات الثمنيـنات هجــوووم

تذكرون لما كنا نروح للمصور وناخذ صور فوريه عند فرع الجمعيه غصبن عليك الخلفيه زرقاء
ولازم تمشط شعرك بمشط المصور وياسلام على المشط كله دهن وشعر وامشط ويمين لا يسار فوق لا تحت اقعدي يابنت وكل هالعذاب بنهايه الصوره مغمض عين يـاخساره التعب ..

تذكرون ايام الدراسه ومشاغباتها ..أول يوم دراسي يحطولك الكتب بأكياس واللي يتأخر يعطونه بدون أكياس كأنه عقاب ..
نـداء لمواليـد السبعينات الثمنيـنات هجــوووم

تذكرون الدفاتر =الكراسه اللي عليها صور شيوخ طيــب و الطوابع

تذكرون ايام حصه الموسيقى من بدايه الدراسه الى نهايتها تـا فـا تي في والصفقه بأصبعين شنو
الحكمه الله اعلم ولا ادواتها خاصه اللي فيها خرطوم تطلع بلاعيمك وأنت تنفخ
اعتقد اسمها ملودوكيا

تذكرون لمى الابله تقول (مش مهم الصفحه دي )ايوااااا تعال شوف التشخيط من فوق لتحت ههه يمكن عشان ماتهون ..

تـذكرون لمى نربط الشرشف على رقبتنا مثل سوبر مان ونصعد فوق الكبت ونط على الدواشــق
واخر شي منكسره ايدك ..

طيب العاب زمان تذكرونــها ..فتاحي ياورده وغماضي ياورده
أنا الذيب باكلكم هممممممممم
جلوس قيام ..شمس قمر
والالعــاب هذي حكايه لحالها ..خصوصا الاتاري ولعبه الصاروخ ،ولعبه الطياره اللي تطن بأذنك لين تنام وصوتها ماراح براسـك ،لعبه ماريو ولا مسدس الماي ..

نـداء لمواليـد السبعينات الثمنيـنات هجــوووم

أمــا حلويات وشبس زمان حكـايه لذيذه ..

تذكرون الشبس اللي يحطون فيه فلوس داخله ولا خاتم بلاستيك وأنت وحظــك وكأنك كـاسب ملايين .

ولا حلاوه على شكل مظله كله كاكاو ولا العلكه=اللبان اللي تطلع فيه صور سياره ،طياره ،شخصيه كرتونيه وتلصقها بأيدك أو على اي كبت تلصقها بماء ..

تذكرون المعجون الصغير اللي ريحته تصك الراس ومعاه عود تنفخ فيه لين تطلع عينك وبنهايه يبطها شخص غليظ (( قـهـر ))

تذكرون كراتين اللببيسي أشرب انينه ورجعها وتأخذ مجانا كرتون ..ولا لما نحط بالفريزر العصير الطويل (شربه) ابو نصفين يجي على الوان (أحمر ،أصفر،اخضر )وتحط نص بالفريزر ونص بأيدك واذا بغيت تروح للحمام (تكرمون) تأمن صاحبك على اكلك وترجع تلقى الذمه وسيعه لووول ورايح كله ..
نـداء لمواليـد السبعينات الثمنيـنات هجــوووم

تذكرون ثياب العيد هههه الكل نفانيف وكلوش وله حزام وكل ماشديت الحزام بقوه أنت أكشخ واحد والشباب دشاديش=ثياب نفس الخام والجواتي والمسابيح والبوووك طبعاا طقم كلهم
وأول يوم عيد تطلع حلقه ماما انيسه

تذكرون شريط المسدس الاحمر اذا اخترب المسدس مايبيله كلام عندنا بديل كعب اي شخص سيئ الحظ وكمـل عليه بالكـاشي لين يقلب لون الكاشي ..

تذكرون لما أمهاتنا الله يطول بعمارهم ويرحم اللي ماتو لمى يغسلون الحوش وأنت يعني بتساعد وهات تزحلق بالصابون ..

تذكرون الحجاج وصوغاتهم جيتهم لها نكهه خاصه وتنطر الهدايا بفارق الصبر وتكون اما ((مسواك ،حناء،طواقي ،سجاده ،وكاميرا الكعبه على شكل تلفزيون بالوان ))

طيب مايخطر على بالكم حركاتكم وسوالفكم وفناتقكم قبل وتضحك على نفسك لمى تتذكرها ..

مثل تقليدنا لرقص مايكل جاكسون وحركه الرجعه والايد ونغني كمان بوي هههه ليش ؟مدري

ولا جاكي شان هذا روايه بروحه ونتعارك مع بنت الجيران يعني كاراتيه وبنهايه تمعش بالشعر وحلها يا حلال ..

تذكرون لما نتخانق مع عيال الجيران ..هذا بيتنا لاتوقف قدامه ولا عند طوفتنا ترى اعلم ابوي عليك ولا رصيفنا لاتقعد عليه (طيب ليش النحاسه ) ..ويرد عليك هذا رصيف الحكومه (كلام منطقي )..

الــبرامج التلفزيونيه ..

تذكرون أفتح ياسمسم أبوابك نحن الاطفال ونتأثر بكعكي اللي ياكل بسكوت ولا شخصيه نعمان
ولا يوم الجمعه هذا اليوم الموعود فيه افلام هنديه يالبطل طالع من كيكه أو طامر من السحاب على الجبل وهات خيال واسع وعبط ..

(حكايات عالميه ) في قصص الشعوب قصائص لاتنتهي وعالم حلو بهي ..يسكن في القلوب في قصص الشعوب ..

المسـرحيات لها بصمه بحياتك بشكل غريب بس حقيقه فيها استهبال على اصول ..مثل مسرحيه السندباد ،الزرزور ،والف باء تاء ،الواوي وبنات الشاوي لهدى حسين ويكون الحرامي وراء البطل ويدور عليه وتصارخ وراك وراك ويسالك وينه (( فراق )) هههه

نـداء لمواليـد السبعينات الثمنيـنات هجــوووم

المسلسلات =الوجبه الدسمه
مثل خالتي قماشه

واغاني قبل ياسلام ..اقرع اقيرع طاح بطاسه ..يصيح على امه يبي قرقاشه

ولا اغنيه ..دريولنا عاش عاش ..دريولنا ديد ديد
دريولنا مايطوف الحمرا ..الحمرا سكه الندامه والسائق ابراهيم الصلال

اغنيه بلادنا حلوه حلوه بس الوطن ماله مثيل

وفي اغنيه لبنوته صغيره تقعد وتروح للمدرسه تقول ..

أنا يا يمه صحيت من نومي ورتبت فراشي ولبست هدومي
وغسلت ويهي بالصابون مع اسناني بالمعجون

أما الدعــايه حدث ولا حــرج ..

مثل داعيه مطهم الارنب الجائئع ،تايد ،زيت عافيه ،شاي ربيع

وخصوصا دعايه قناه اليمن والسودان رهيبه

بنهايه يـمر شريط حياتــك قدامك لو ثواني وتدمع العين لفقدانها ويفرح القلب لذكراها ..
أتمنــى انها عجبتكــم وبليز لاتحرموني من تعليقكم وتقييمكـــم

دمتـــم بـــــود
أختـــكم برونــــزيه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
نـداء ـألى بنت الكــويت	انمي	حصري	0	03-15-2011 07:20 PM

اعلاناتي

نـداء لمواليـد السبعينات و الثمنيـنات هجــوووم

حصري

للمزيد من مواضيعي