أحد أشعار / جدعان عواد السعيد رحمه ألله

05-18-2013, 04:19 AM

قصيده للشاعر / جدعان عواد السعيد
رحمه ألله ..

‏‏الليالـي تـوْدِع العاقـل هبـيـل
والامـور اليـوم سلّـم ياسـلام

راح جيل ومقبـلٍ ياخـوك جيـل
يالله اني طالبـك حسـن الختـام

العزيـز يـذل ويعـز الذلـيـل
والسباع تباع فـي سـوق النعـام

ودفتر الشيكات في مخبا البخيـل
ماظهر في حرب والا في سـلام

واللبن والزبد في بطـن الصميـل
ما اطعم الجايع ولا فطـر صيـام

وش يجيب (الدوم) لغروس النخيل
فرقهن فرق الكـرام مـن اللئـام

ومن جلب لاهل الحسا تمرٍ حويل
علمـوه ان الهزيـلـه ماتـسـام

حسبنا المولى وهو نعـم الوكيـل
عالـم النيـات خـلاق الأنــام

مانبـي منهـم كثيـر ولا قليـل
ولا لنا مقصـد ولا غايـة مـرام

والحظيظ اللي يحسّـب للرحيـل
باكر ليا لف فـي متريـن خـام

مايفيـده لا خـوي ولا زمـيـل
ولايفيـده لاخــوال ولاعـمـام

فانيـه والادمـي عابـر سبـيـل
اترك اللي فات وانظـر للأمـام

والمهايط والحكـي مالـه ذبيـل
مارفـع طامـن ولاطمـن سنـام

والشعير يكـال بشـوال و زبيـل
والذهب محسوب بالملـي جـرام

والكلام احيان احد مـن الصقيـل
يتلـف الارواح ويقـص العظـام

والصبر طيب لـو انـه حنظليـل
والعفو والصفح من طبع الكـرام

استغلوا فرصة الشهـر الفضيـل
افتحوا صفحة محبـه وانسجـام

وسلامتكم ...

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قصيده للشاعر / جدعان عواد السعيد .. رحمه ألله	انمي	حصري	0	05-18-2013 04:19 AM
أحد أشعار المغفور له بأذن الله / جدعان عواد السعيد	انمي	حصري	0	05-18-2013 04:19 AM
يا اهل الصعيد	ساعه	اسواق ستي	0	07-24-2012 06:57 PM
الجماهير السعودية تفند أسباب الخسارة:عناد أنجوس سيفقدنا الحلم الخامس	كابتن طيار	مملكة الرياضة و الشباب	2	03-30-2008 01:59 PM
قصيدة موسى العناز في ولد حمد السعيد	سموة الإحسـآس	مملكة همس القوافي	1	03-24-2008 01:34 PM

اعلاناتي

أحد أشعار / جدعان عواد السعيد رحمه ألله

حصري

للمزيد من مواضيعي