| | | |
|
ماشاء الله تبارك الله .... ماشاء الله لاقوة الا بالله
|
روابط مفيدة : مركز رفع | استرجاع كلمة المرور | قران كريم | توبيكات | قيمزر | ماما | متجر ماما | ريباس | شعبيات سدو | سدو | يوتيوب | حواء
| اعلاناتي | |
| | |
| |||||||
| حصري كل مايخص الاخبار الحصريه موجوده هنا |
 |
| | LinkBack | أدوات الموضوع | انواع عرض الموضوع |
04-05-2011, 12:10 PM
| #1 | |
|
vip
 |  خلاصة تجربة 10 سنين مع الخدم ( خصوصا للى عندها يهال صغار )  حبيباتى كويتيات من خلال مواضيعكم اللى أقراها حسيت ان حريم وايد وخاصة ( المتزوجات الجدد يعانون من الخدم وايد انا ما ابى اتفلسف عليكم ولا انظر لا انا بحاول أعرضلكم تجربتى مع الخدم يمكن تنفع بعضكم وما ابى الا الدعاء أولا الخدم ( مصييييييييييبة ) هذا شئ محد يختلف عليه لكن اذا كنتى موظفة او طالبة وزوجج بعد موظف وعندج يهال معناه الخدامة شر لا بد منه بس شلون نحاول انقلل كثر ما نقدر من هالشر ابصراحة انا عانيت وايد وتعبت وايد وياما مرت أيام وليالى دمعتى على خدى لانى ( مضطرة ) اخلى اليهال معاها الصبح وبيت اهلى بعيد وايد عن شقتى فمسألة انى اقط اليهال الصبح عند اهلى مسالة شبه تعجيزية ومع السنين تعلمت بعض الأشياء اللى فادتنى وايد وان شاء الله اتفيدكم بالنسبة للجنسية أأكد انها مسألة حظ لكن تجربتى تقول ان الهندية أفضل شوى عن الباجى لانى جربت الأندونيسيات والسيلانيات طلعوا اكس الاندونيسية والسيلانية بشكل عام يحبون الرياييل لكن الأندونيسية العن والعن لانها تبدى تغار منج وتبى اتحط راسها براسج الهنود زينين لكن ابتعدوا عن منطقة حيدر اباد لانهم وسخين وايد وفيهم جهل وعنف أفضل المناطق مدراس وبنغلور جوا وكيرلا ( لسانهم طويل ) وهذا من تجربتى الشئ الثانى في التعامل مع الخدم اتبعى المثل التالى ( لا تكون يابس تنكسر ولا تكون لين تنعصر ) خليج شديدة بس بدون قسوة أول ما تجى الجدامة ويفضل بالمكتب اتخلين الموظفة تترجم لها طلباتج واتفهمها ان النظافة أهم شئ وان اذا اهيا خربت شئ او كسرت شئ ( راح ينخصم من معاشها ) علشان يكون لها رادع لانى عانيت مع بعض الخدم اللى ايدهم اللهم يا كافى مسمومة ما خلت ولا بقت شئ بالبيت الا واكسرته اتقولين مال يهود واكتشفت السبب ان مال عمك ما يهمك بكل بساطة فاتبعت سياسة خصم 5 دنانير فقط لا غير واكتشفت انه بعد الخصم بقدرة قادر ولا شئ قام ينكسر عندى ولا تنسين اتخلين الموظفة تترجم لها ان تنقل اى حجى عن اسرار البيت برا معناه انها راح تتفاجئ بروحها بالمطار وان هذا خط أحمر وبعدين لا اتطيحين الميانة وايد معاها عامليها بالحسنى لكن بحدود أشوف احنا بدواماتنا ما انطيح الميانة مع رؤسائنا الاحترام زين بعدين تستهيفج واتحسب ان ضعيفة وتستقوى عليج ولا تسمحين لها تنقلج اى خبر عن جارة او غيره دقريها على طول ثالث والأهم اهوا شلون اتقللين خطرها على عيالج ( راح اقولكم خطتى اللى انجحت معاى ) اولا طلبت خدامة ثانية جنسيتها مختلفة عنها وقلتلها انتى خليج لليهال والثانية للتنظيف والحمد لله انهم ما اتوافقوا مع بعض فكل وحدة كانت خايفة من الثانية واتعملها حساب انها اتفتن عليها عاشوا برعب من بعض بس كله كان لصالحى وصالح عيالى وما انكر انى صرت شريرة شوى واتبعت سياسة فرق تسد ثانيا بلغت الثنتين انى حاطة كاميرات بالبيت علشان اشوف عيالى وطلبت منهم التستر باللبس لان فيه تصوير ولما سألونى عن السبب قلتلهم ان دوامى حاطيلنها هالخدمة مجانا رابعا : امنعى الخدامة انها تتكلم مع زوجج التعامل الكلى يكون معاج انتى خليه اهوا الصورة المفزعة اللى ما تتكلم بس تشوف ولا اتخلينها تتدخل غرفتج ابدااااااااااااا مفتاح يكون معاج ومفتاح يكون مع زوجج وما تدخل الا معاج و يكون فيه ( تعزيل ) كامل للغرفة مرة بالشهر اما التنظيف اليومى للغرفة ولحمامج ما اعتقد انه صعب عليج ( الحركة بركة ) ملابسج انتى وزوجج الداخلية وقمصان نومج ما تغسلهم ابدا اصلا عيب وحده فشلة انا شريت راحتى وشريت غسالة اطفال للملابس الدخلية بحمامى الخاص وبالنسبة للى كبت ملابسهم بره الغرفة تحط كبت صغير بالغرفة يكون للملابس الداخلية وقمصان النوم نجى للكبسات الفجائية ههههههههههه انا كنت اسال الخدامة انتى نظفتى الصالة اتقول ايه وانا احس العكس علشان اتأكد فتفت كلينكس وحطيته بزوايا الصالة باماكن انا اعرفها ولما رجعت من الدوام سالتها نفس السؤال فقالت ايه نظفت ورحت المكان اللى قالتلى انها نظفته ولقيت الكلينكس طبعا ويهها صار الوان وقلتلها مره ثانية بس اكتشف جذبة ثانية ما اتلومين الا نفسج هذا بالاضافة الى انى فجاة ادخل المطبخ واتلمس اسطح الكبتات فاعرفت انى من النوع اللى انبش وراها فارحمت نفسها وقامت اتنظف بضمير لانها تدرى انى وراها وراها المكالمات التلفونية مسالة انها تتمخطر جدامج بالموبايل ناديها وقوليها الحين وقت شغل واذا بتتكلمين روحى الغرفة وماله داعى اتعلق الموبايل معاها 24 ساعة مثل القلادة قلنا اتكلم اهلها لكن بسنع عطيها معاشها اول باول علشان اتعرف انج حقانية لكن ما ترضين بالغلط وما يمنع من فترة لفترة تشتريلها شئ اهيا بالنهاية انسانة ومع هذا خواتى وبالرغم من كل اللى قلتله انا لازلت اعانى من الخدم لان بعض المرات تجرى الريال بما لا تشتهى السفن لا تنسونى من دعائكم للمزيد من مواضيعي
الموضوع الأصلي : خلاصة تجربة 10 سنين مع الخدم ( خصوصا للى عندها يهال صغار )
-||-
المصدر : مملكة نسايم
-||-
الكاتب : انمي | |
 |
|
| مواقع النشر |
| الكلمات الدليلية |
| 10, أمي, مع, الحجم, تجربة, خلاصة, خصوصا, يهال, صغار, سنين, عندها |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| احسن مصور يهال......حيرة كل ام | انمي | حصري | 0 | 03-24-2011 05:40 PM |
| شراب لتغيير رائحة الافرازات المهبليه خصوصا للمتزوجات | انمي | حصري | 0 | 03-17-2011 10:10 AM |
| منظم الجنط والاكسسوار (شيء يديد ) خصوصا للموظفات واللي تحب الترتيب | انمي | حصري | 0 | 03-14-2011 02:10 PM |
| صور الاعبين وهما صغار | الشموسه | مملكة الرياضة و الشباب | 9 | 07-20-2009 03:43 AM |
| كنا صغار وياليت....... لاتفوتكم؟؟؟! | مجـــروح ويكابـــر | مملكة القصص و الروايات | 5 | 01-27-2008 11:24 PM |
 |  |  |
العرض العادي
