تكفووون ساعدوووني زوجي يهددني بالزواااج

04-06-2011, 12:40 AM

السلام عليكم

انا وحده صارلي 4 سنين متزوجه وخلالها حملت 3 مرات بس ما الله كتب

ومن بعدها زوجي يقول لا تراجعين ماله داعي تعالجين ابر لان اخر حمال كان طبيعي

رحت راجعت دكتور مرتين وخذيت ابر ومادري شنو المره الاولى تهاوش معاي وماتم الجماع بايامه والمره الثانيه التزم بايام الجماع بس ما الله كتب

وباقي الايام الاغلب يلبس واقي برغبه منه ومني لاسباب خاصه

وصارله فوق السنه يهددني بالزواج مره على غشمره مره يكون معصب ويهدد ويحلف ومره يكون يناقشني

اليوم كنت في امان الله قاعده بالصاله ودخل علي قال اشرايج اتزوج؟؟

وسالفه تجر سالفه منها قال انتي ماتحملين؟؟ ومنها قال بجدد؟؟ ومنها انتي ماتعرفين تتأقلمين مع الناس؟؟؟

وقال انه مكلم واحد وخاطب منه بنته على غشمره ولما سألت عن عمرها قال 17 او 19 معناته السالفه صج مو غشمره وقال بخليها عند اهلها وانتي الاهم وانا بريحج من الحمال وانتي فلوسج طارت على المراجعات

لاحظوا فلوسي مو فلوسه لان ماكان راضي يصرف علي

قتله لو صج تبي العيال جان خليتني اعالج انت رافض اني اعالج

والواحد لازم يبذل الاسباب اطفال انابيب تلقيح مجهري نروح نتطلب ربنا بمكه بس انت ماكو

قال اختاري يا اتزوج هاذي او اخذ .......... وحدد جنسيات عربيه؟؟؟!!!!

وفي اثناء كلامنا دق عليه واحد هو متوسط له وراعي دين وقعد يدعي لزوجي بالذريه الصالحه وزوجي حط سبيكر يسمعني دعاءه لاني كنت ابجي بسكات والرجال يدعي ويدعي جان يقول له زوجي

تصدق كنت ناوي اتزوج بس غيرت رايي(( والكلام هذا قدامي)) قال له ليش ؟ قال من دعائك ارتحت

قال اذا بتزوج تزوج يمكن الله يكتب لك العيال من مره ثانيه او اصبر والله يرزقك واستخير قال انا استخرت وبستخير مره ثانيه اليوم

المهم انا انهرررررت حسيت اني مسخره وما اسوى بيزه

قتله يابن الحلال طلقني انا وحده الزم ماعلي كرامتي

وعندت قال انا شاريج وابيج عندي ((على قولته يريحني من الحمال ))

واذا نصيبج مع غيري كيفج؟؟؟

شسوي بنات انا منهاااااااااااااااااااااااااااااااااااااااااره

واللي فيني كافيني

وربي اختصرت كلام كثير

يكفي اني صااااااااااااااابره عليه

لايودي ولا يجيب ولا يقول كلام حلووو ولا يعزني ولما يعصب ينسى نفسه ويطق

تكفوووووووووووون لا تنسوووووووووووووني من دعاءكم لي وليس دعاءكم عليه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ساعدوووني :( ابي قطوو :(	انمي	حصري	0	03-23-2011 04:25 AM
زوجي يهددني ساعدوني ؟؟؟؟؟؟؟؟؟؟؟؟؟	انمي	حصري	0	03-22-2011 11:22 PM
ساعدوووني الواتس اب ,,,	انمي	حصري	0	03-22-2011 10:05 PM
الجهراااوياات طلب صغيرون فديتكم>>ساعدووونى	انمي	حصري	0	03-13-2011 08:50 AM
الجهراااوياات طلب صغيرون فديتكم>>ساعدووونى	انمي	حصري	0	03-13-2011 08:50 AM

اعلاناتي

تكفووون ساعدوووني زوجي يهددني بالزواااج

حصري

للمزيد من مواضيعي