تفاصيل عمليتي انفي عند دكتور داريوش ساريخاني

08-05-2013, 07:41 PM

<div>اول ماوصلنا المطار لقينا المترجم بانتظارنا وماقصر ويانا خذنا وودانا الفندق ،

فندق 4 ستار لكن نظييييييف ومرتب ،

خلص لنا المترجم اجراءات الشيك ان وصعدنا الغرفة ،

عجبتنا كانت حلوة و نظيييييفة وهذا اهم شي

يادوب خذت شاور ونمممت ع طووول من التعب ،

نمت وانا في بالي موعدي مع الدكتور بعد ساعتين ، كنت مترقبة ، خايفة ، متحمسة

واحاتي شلون بيكون الدكتور شاطر ولالا ، منفس ؟ بيتفلسف ع راسي ؟؟

وصلنا العيادة زحمممممممة ناس تدش وناس تطلع انتظرنا

حول الساعتين ونص عشان ندخل عالدكتور ..

وكل ماشفت وحدة بجييرة قعدت اخززز فيها احاول اخذ فكرة عن شغله

مع انه مايبين طبعا بس الفضووول يذبح.

اخر شي جا دوري استااااانست وركبت الدرج وانا خوفي يسبقني ..

نطرنا شوي بعدين مساعدته نادتني دخلت وهم تميت انطره لان عنده مريض ثاني داخل

بعدين شررررف ، اول ماشفته سممممح وحبوووب طبعا المترجم كان معانا بالغرفة عشان لا اتورط ..

المهم شاف خشمي وعطاني ملاحظاته

هو الزين فيه انه يتكلم انجليزي وهالشي ريحني عشان اكون

فاهمة ومايفوتني شي وهو يتكلم ،

قال لي خشمج لحمي ودهني وهذا صعب لكن انا باحط لج غضروف

صناعي عشان يدعم الخشم وقال لي من دون شي لازم اركب لج غضروف

لان خشمج نازل ع تحت ولو سويت لج عملية بدون لا احط لج الغضروف

راح ينزل مع الايام ويرد مثل قبل قلت له اوكككي وقال انه بيصغر لي

من فوق وبالنص والارنبة والفتحات ، دخل مادري شنو بخشمي وكشف

وقال لي الحمدلله الغضروف موجود، عقبها قلت له انا شنو ابي قال لي

I will show my art in your nose

باوريج فني في خشمج

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
حجزت عمليتي للانف عند دكتور اسماعيل ندا احلفكم بالله الي سامعه او شايفه شي عنه تدش	انمي	حصري	0	07-07-2013 06:26 PM
نتيجة عمليتي مع دكتور بشار بعد سنتين وشوي	انمي	حصري	0	07-02-2013 01:03 PM
شكل انفي بعد سنه	انمي	حصري	0	06-23-2013 05:21 PM
والحل مع انفي ...........	انمي	حصري	0	04-23-2011 12:10 AM
عمليتي الناجحه عند الفنان المبدع‘دكتور وليد بستكي‘	انمي	حصري	0	04-06-2011 04:40 PM

اعلاناتي

تفاصيل عمليتي انفي عند دكتور داريوش ساريخاني

حصري

للمزيد من مواضيعي