سلفتي شخصيتها غريبه جداً والله انتوا راح تستغربون ساااعدوني

01-23-2014, 02:07 AM

السلام عليكم

سلفتي كبيييره بالسن عمرها تقريبا39 متزوجة صار لها 20 سنه اهي ساكنه تحت وانا فووق
شخصيتها:
طيبه جداً عند ام وابو زوجي متفاااااانيه معهم لابعد حد من الحدود وترا على حساب نفسها وزوجها وانا اشوفه بطيب قلب منها... تحب تساعد شخص يطلبها ... تحب تشكر الناس وتمدحهم..وبالوقت نفسه تعشششششق المدح تموووت ان احد يمدحها هدفها بالحياة تسمع اطراءات المدح وماتقدر تمسك نفسها يعني ردة فعل وناستها تبين جداً وتكون 180 درجه

الغريب وييييييين :
الغريب ان مره بهذي الموصفات مستحيل تسوي الاتي :
انا اذا سافرت وانا غالباً اسافر عندي وزوجي رحلة علاج ونطول شهر شهرين ثلاثه بالسنه مرتين قالتلي ابي مفتاح بيتج وقفلي غرفج بس محتاجه موزع الكهرب اذا حصل شيء اطفيه (وجزء من بيتها يشتغل عندنا) انا طبعا عطيتها وبكل خجل استحيييت حيل لان علاقتي معها احترام وود وتبادل طيب لدرجة قفلت غرفتي النوم واخذت مفتاحها اما الصاله وغرفة المعيشه والمطبخ والكنقيه قفلتهم وخليت مفاتيحي فيهم استحيت اخذهم واجرحها طبعاً هذا الكلام بكل سفراتي
السفره الاولى:
عندي ديباج مالي نايمه عليه اختفى
السفره الثانيه:
زولية الصاله كانت يديده تونا شارينها مو مبطلتها وكبيره 6في5 اختفت
السفره الثالثه:
بلاكات الكهرب الثلاثيه ومداس الحمام تكرمون اختفى
السفره الرابعه:
قفلت الغرف كلها وخليت لها المكان اللي فيه موزع الكهرب وكان عنده سلم واختفى السلم

طبعا في كل السفرات اهي قالت لزوجي اذا سافرتوا تلفزيون الصاله بنزله واتفككه من الطوفه لانه على استاند ببراغي واتنزله معاً عندها 2تلفزيون وبلازما بس مادري شفيها تبيه طبعا سالفة التلفزيون عادي تعودنا وترجعه علاستاند بعد مانرجع ومو ثابت براغيه ضايعه

انا طبعاً ما تكلمت ولا سألتها عن اللي اختفوا وما اقدر اسألها لعدة اسباب:
جدا استحي
وانا الحمدلله من فضل الله بنت عز واستحي اتكلم بهسوالف
اخاف تصير مشاكل
سمعتها طيبه جدا عند حمولتي وحشا اني انا ماسمعت منها الا كل خير بس سوالف هلبوق
فاخاف محد يصدقني
-----
عندي صواني بوفيه خاااصه فيني دقت علي قالتلي ابيهم زوجي عند عشا عازم ربعه عطيتها اكتشفت عن طريق زوجي انها امطرشتهم لنفاس من اهلها يعني قاصه علي انا عبالي تحت بالدوانيه
لان الدوانيه تحت مشتركه بينا ومره زوجي عزم ربعه اسويله عشا بوفيه مفتوح بعد مايروحون تتعشا وتطرش لاهلها وتطرش لبيت الحموله من الاكل اللي مو جايسينه لان انا كمياتي راهيه وتطرش لمواعين لي فاضيه ولا تقول انها طرشت بس تالي اكتشفت ،،تتجمل على ظهري !!!!
مع ذلك بينا طيب يعني انا عمري ماسمعتها كلام جارح وهي كذلك وانا علاقتي معها رسميه وكلها احترام ومو قاطه الميانه لو كنت قاطه الميانه اتوقع تطلب قمصاني النوم
وانا كله اجيب لهم صوايغ لاولادها اذا طلعت الشهاده اعطيهم فلوس يعني حتى مابينت لها اني تعبانه من هلامورما ادري شسوي وشلون اتصرف شخصيتها غريبه امرأه طيبه لازم تكون خلوقه وماتبوق انا ليش قلت تبوق لانها كل شي يحصل حولنا تقوله وتتكلم فيه شخصيتها جذي الا بالامور اللي اختفت وانا مابلغت احد بمعاناتنا انا وزوجي ،،زوجي حبيبي يقول انا اصرف على بيتين كل ماباقت شي شرينا ثاني وساترين عليها
اصلا انا ما اقدر اقول شي لانها محبوبه من الجميع وتستحق هذا الحب بتصرفاتها وتفانيها
الحين انا صرت اخش اغراضي عنها
مكينتها المخمه الكهربائيه تعطلت ماتشتري جديده تعيش على مالتي صارلها 3سنوات تطلب مالتي ..كان عندها خدامه وبالفتره اللي حملت فيها راحت خدامتها من سمعت اني بجيب خدامه ماقدموا على وحده ينتظرون مالتي طبعا انا كنسلت مالتي لان عارفه انها بتقعد سنتين بدون خدامه..
صرت اذا شريت شي ما اصعده الا اذا ناموا واقفل عليه صارت تطلبه مني تطق الباب وتطلب يعني ماتبوق تطر

مادري شسوي؟؟ صرت اتضايق خاصه بحملي تعرفون بجر وتعبانه والنفسيه واصله لي الخشم شلون اوقفها من هالتصرفاتمن غير مشاكل وفضايح وما ابي مصارحه انا شخصيتي صعب تواجه وتصارح حيييل امرض بعدها..وشنو تفسرون حالتها انا بالبدايه ماكنت اصدق لكن تطلع الحقيقه ويثبت الموضوع انها عي اللي ماخذه هلاشياء..ليش اهي جذي معاي؟؟!

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سبحان الله قصة غريبه لاكن واقعيه والله فعلا سبحان الله	ساعه	اسواق ستي	0	01-01-2012 12:34 PM
إيفا منديز تبحث عن شخصيتها بدون اثاره	الحرف الشاعري	حصري	0	05-24-2011 08:30 AM
فيروز تطلب حذف شخصيتها من مسلسل الشحرورة!	الحرف الشاعري	حصري	0	05-17-2011 02:20 PM
والله نظيف جداً جداً جداً	ساعه	اسواق ستي	0	05-14-2011 09:10 AM
ما الذي ابكى الرسول((صلى الله عليه وسلم ))<<لا يفوتكم موضوع مؤثر جداً جداً جداً	بنت العراق	المملكة الإسلامية	4	10-16-2007 08:19 AM

اعلاناتي

سلفتي شخصيتها غريبه جداً والله انتوا راح تستغربون ساااعدوني

حصري

للمزيد من مواضيعي