قصة فرح وفيصل

07-01-2015, 04:50 AM

قصة اغلب احداثها راح تدور حول بنت اسمها (فرح) وحيدة امها وابوها بين 3 صبيان .

اليوم تقعد فرح من النوم واهي مستانسة وبكامل نشاطها تبي تستعد لحفلة الي كل عايلتها محتفلة فيهم عشان تخرجها من الثانوية العامة
قعدت فرح واهي ترفع شعرها واول شي سوته مسكت تلفونها واتصلت

فرح : صباااح الخيير
فيصل : ياصبااح الورددد
فرح : ها اشوفكك قاعدد؟ شعندك ؟ شكنت تسوي ها ؟؟
فيصل : ههههههه شهالنبرة الي قلبت هاا؟
فرح : مو عادتكك تقعد مبجررر
فيصل : والله ياعمري قعدتني امي لانها بتصبغ الغرفة من صباح الله
فرح : ايي .فيصصل(بنبرة حزن )
فيصل: ياعيونه
فرح : وديي حيل اليوم اشوفك بحفلتي اووف
فيصل : حاضر الي بحطلج مكياج وشغل عدل واييلج هههههههههههه
فرح : هههههههههه لاتتطنز عاد بس صج خاطري تي
فيصل : انا اساسا مسويلج مفاجاةة باجرر عشان جي عطي نفسج باجرر اوف باجر انتي بس حقيي
فرح : ههههههههه مفاجاءت ها
فيصل : اي تستاهلين ياقلبي
فرح : يلا حبيبي انا الحين بتسبح وبروح صالون
فيصل : انزين قلبي
فرح : يالله باي
فيصل : احبج باي

صكت فرح التلفون واهي بكامل سعادتها لانها سمعت صوت حبيبها من ايام المتوسط يعني من 6 سنين وحبيبها فيصل يكون ولد عمتها ويحبها حيل..فيصل باجي له شهر ويتخرج من جامعة ويتوظف ومقرر يروح يخطب فرح.. فيصل ماعنده غير اخو واخت ( حسين و عايشة ) حسين اصغر من فيصل ويدرس جامعة سنتين ويتخرج . ضحى صديقة فرح من الطفولة واصغر اخوانها واهي خريجة مع فرح ويحبون بعض حيل

في بيت فرح

ام فارس : يافرحح فرح !! ياربي هذي شكلها للحين ماقعدت
ام فارس تطلع غرفة فرح وتبطل الباب
ام فارس : فرح لي ساعة اناديج
فرح واهي تطفي الاستشوار : سوريي يما ماسمعت
ام فارس : زين يمة قومي نزلي تريقي عشان اخلي فارس يودينا الصالون
فرح : ليش وين سايق ؟؟
ام فارس : طرشته يب اغراض
فرح : ان شاءالله يمة كاني بنزل
ام فارس تصك باب الغرفة وتنزل

فرح واهي تطلع من غرفتها تصادف اخوها علي
فرح : ها صح النووم توك تقعد
علي : اي وللله على صوت امي بعد قعدت ماخلت احد م صرخت عليه
فرح : اقول خلصني انزل بس
نزلو علي وفرح عشان يتريقون
فرح وعلي : صباااح الخيير
ابو فارس : ياهلا صباح النور
فرح تبوس راس ابوها وتقعد : شلونك يبا
ابو فارس : الحمدلله حبيبتي ها شلون استعدادج اليوم
فرح : حدييييي يبا مستانسة حدي
ابو فارس : تستاهلين ياحبيبت ابوج
علي : اشوف فرح مو اول وحدة من عيالك يباا تتخرج تخرجنا ولاسوييت لنا جذي
ابو فارس : لمن تيبون نسبة مثلها بالاول
علي : اي يبا شعليه ناس وناس
ابو فارس : بعدين هذي اخر العنقود تستاهل كل شي
فرح واهي تحر اخوها : حبيبيييي ابوي
علي : عطيني عطيني شاي بس
فرح : هههههه هاكك

(علي ثاني واحد من اخوانه اكبر من فرح ب 5 سنين .. يحب اخته ويثق فيها .. يتشغل مع ابوه واخوه فارس )

فارس واهو ينزل من الدرج : صباح الخير
الكل : صباح النور
فارس : علي اذا خلصت ريوق قوم زهب السيارة وانطرني
علي : انا بروح بسيارتي شحقة يعني اروك معاك
فارس : لانه بوريك جم شغلة بالمشروع وماراح تعرف تروحله بروحك
علي : ان شاءالله عطني المفتاح اشغلها
فارس عطاه المفتاح
ام فارس : يمة فارس انا عالاساس بروح وياك انا واختك تودينا صالون
فارس : يمة اسف والله بس شغل فوق راسي مايمديني وين السايق
ام فارس : ييب اغراض
فارس : وين خالد ؟؟
ام فارس : امس الفير دقيت عليه وقالي بالشاليه مع ربعه
فارس : لاحول ولاقوة الا بالله يعني والحل مع ولدكم هذا
فارس قام من الريوق
ابو فارس يحاجي ام فارس : دقي عليه شوفي وينه بس لاتعصبين عليه مو مشكلة خل يستانس شوي ويا ربعه
ام فارس : حاضر
ابو فارس قام من الريوق وراح شغله
فرح : يمااااااا يعني منو يودينا الصالون الحين
ام فارس : بشوف خالتج اذا سايقها فاضي اطرشه لنا
فرح : اوف زين يمة حاجيها بسرعة وانا رايحة داري ازهب اغراضي
ام فارس : زين يمة

فرح طلعت غرفتها وصكت الباب ودقت على فيصل
فرح : الو
فيصل : هلاا
فرح : مشغول ؟
فيصل : لاحبيبتي فاضي ناطر اوراق توصلني ! للحينج بالبيت انتي ؟
فرح : اي مافي احد يوصلنا
فيصل : خليني اييلكم اوصلكم
فرح : امي بتدق ع خالتي بتشوف اذا سايقهم فاضي يوصلنا
فيصل : زين قولي حق خالتي انه فيصل يوصلنا
فرح : لاوالله ناوي علي شكلك
فيصل : هههههه ليش حبيبتي عادي مافيها شي
فرح : شلون مافيها شي شمعنى يعني فيصل من بين عيال عمي وعمتي ليلى
فيصل : قولي لها انه
فرح : انه شنو
فيصل :دبريييها خليني اوصلج يبااا
فرح : ماينفع :(
فيصل : اوف منج زين
فرح : انا بنزل اشوف شصار
فيصل : زين حبي باي
فرح : باي

راحت فرح وامها الصالون وكان بالصالون الكل مجتمع كل احباب قلبها
(في الصالون )

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
عملات الملك عبدالعزيز وفيصل وخالد وريال الحج ، واكثر من تسعين دوله	ساعه	اسواق ستي	0	01-29-2012 06:11 PM

قصة فرح وفيصل

حصري

للمزيد من مواضيعي

اعلاناتي