افكار بسيطة ومسلية لتنظيف المنزل

08-30-2015, 05:45 AM

السلام عليكم ورحمة الله وبركاته

كيفكم يالغاليات

كلنا نحب البيت نظيف ومنظم ويظل وقت طويل تمام التمام

علشان كذا حابه اطرح كم فكرة واكيد انتظر افكاركم يالغاليات

1- ادخل المطبخ وامسك ورقة وقلم واشوف ايش يحتاج شغل طبعا اتكلم عن التنظيف العميق

مثلا راح اكتب

تنظيف الثلاجة

دولاب المعلبات

دولاب المنظفات

دولاب البهارات

دولاب اسفل المغسلة

الشفاط

الفرن

وهكذا اعلق الورقة بمغناطيس على الثلاجة

احط في بالي مطبخي شغله اليومي خالص يعني مافي غسل مواعين ولا مسح طاولة المطبخ ولا ولا ولا ..... شغل يومي

الان انسب وقت للشغل العميق

ابدأ بأي شي من الي مكتوب بالورقة واحط منبه بجوالي وابدأ بهمة مثلا نظفت الثلاجة احط صح قدامها على الورقة

اظبط المنبه مرة ثانية وابدأ بشغلة ثانية وهكذا

مو ضروري اخلص كل الي بالورقة بس المهم كل مالقيت وقت فضاوة لو نص ساعة دخلت واشتغلت وشطبتها من الورقة

هذي الفكرة راح تعطيكم حماس وتنبهكم للي باقيلك من شغل عميق وتنفع لبقية البيت

2- كل الاكسسوارات في المطبخ) فازات اكواب معلقة علب بهارات(اغسلها وارفعها في دولاب خاص فيها بالمطبخ بدال ماانظفها وازين مطبخي فيها اذا جاني ضيوف فقط تبقى جديدة ونظيف وماتتكسر واضطر اشتري بدالها

3- اجيب سلة واضع فيها كل الاشياء الي احتاجها في الطبخ يوميا مثلا قاروة صغيرة زيت ملح علبة بهارات خل خلطة القصيم كاكاو بكنج بودر كيس صغير دقيق فانليا ووووو....... اخليها في ركن في المطبخ

الفكرة ذي ماتخليك تفتحين وتصكين الدوالايب كل شوي يبقى دولابك نظيف وقت اطول

4- سلة ثانية فيها ادوات النظافة سواء للغسيل او للحمامات او للزجاج واخليها بركن ثاني للمطبخ

5- كيس من اكياس البقالة اخليه جنبي اجمع فيه بقايا الاكل الي بالصحون قبل لاغسلها بدون مااكبها في المغسلة انظف للمغسلة وانظف لسلة الزبالة الله يكرمكم

6. الطاولة الي اشتغل عليها افرش عليها سفرة فوق المفرش اذا جيت اقطع او اطبخ او احد من اولادي ياكل او يشرب حليب بكذا ارمي السفرة ويبقى المفرش نظيف

هذا الي يحضرني الحين وان شاء الله تستفيدوا من موضوعي والمايك لكم اتحفونا بافكاركم يالغاليات

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
افضل طريقة لتنظيف المنزل بسهولة	انمي	حصري	0	09-09-2014 10:32 PM
ودعوا التعب مكواة بخار لتنظيف المنزل والزجاج وكي الملابس	ساعه	اسواق ستي	0	08-16-2012 04:40 PM
التوجه بقوة لتوظيف السعوديات للعمل من المنزل	ساعه	اسواق ستي	0	03-17-2012 02:31 PM
الخميرة لتنظيف البشرة في المنزل	انمي	حصري	0	04-18-2011 03:20 PM
&& افكار لحديقة المنزل &&	همسة شوق	مملكة عالم الديكور والجمال	6	03-28-2009 02:21 PM

اعلاناتي

افكار بسيطة ومسلية لتنظيف المنزل

حصري

للمزيد من مواضيعي