سفر زوجي مع اصحابه للسياحه شوفو اش صار له والفضل لرب العالمين

04-14-2016, 08:28 AM

يابنات اش اخباركم

تذكرون موضوعي الي كتبته قبل 3 سنوات

مشكلتي كبيره جدا جدا جدا السبب زوجي والضحيه اطفاالي نخيتكم ياهل الكويت ساعدوني

هذا الرابط

كنت اعاني من سفر زوجي والفتره الاخيره للمغرب

طبعا اخر مره راح قبل 6 شهور

وكان فيني برود مو طبيعي

اول ماقال بسافر

استقبلت القبله وصليت استخاره

والله ياهو ثللج نزل على صدري حسيت براحه نفسيه

المهم سالته متى بترجع قالي اسبوعين الى 20 يوم

قلت له ابيك تجيب لي جلابيات اسمها قفطان مغربي

ترا غاليه قالي ابشري وعطيته مقاس من عندي ووصيته على ذهب

مغربي وكمان صابون مغربي وليف ..قال ابشري وكان مره مستغرب

وباقي على سفره اسبوع ..صرت اتشيك والبس واطلع من البيت يوميا

او انادي جارتي اوصديقاتي ماعبرته ابدا

صار يزعل ويصرخ يقول ابغا اجلس معك قلت له ماعندي وقت

لاجيت بالسلامه نجلس ..المهم مر الاسبوع وراح وصار يتصل من هناك وانا ماارد وصار يتصل على ولده ويكلمه ويقوله امي نايمه

ولا طالعه من البيت ...وطول ماهو مسافر وانا ملازمه الاستغفار

وحاسه براحه نفسيه وصار يرسل لي صور جلابيات تجنننن

وصرت اختار منهم واقفل المحادثه بسرعه ولا اعطيه ولا كلمه حلوه

رغم انه ييقولي كلام حلو بس ماارد ...وطبعا اذا كان بين الاذان

والاقامه ادعي ربي اذا سفرته فيها خير الله يهنيه ويسعد واذا لا

الله يصرفه ..ورب الكعبه يابنات ماكمل 6 ايام الاقي اتصال

منه وهو بالسعوديه ..قلت خير قال انا رجعت

قلت حمدلله ع السلامه قال انتي وين قلت بالبيت قال انا بالمطار شوي وجاي كانت 7 الصباح وطبعا قلت طز فيه خلني انام
ونمت ولا ادري عنه ..ودخل علي حسيت فيه سويت نفسي نايمه

طلع من الغرفه راح يفطر وارسل لي رساله ..ماتوقعتك بهالبرود وش
الي جرالك ..اقولك جيت من السفر وانتي ترجعي تنام
طبعا قريت الرساله ورجعت كملت نومي لين 1 الظهر

صحيت الظهر لقيته نايم جنبي ..نزلت تحت وطبخت الغدا وبعدها

رحت تروشت وتزبطت وبخرت البيت وشفت شناطه بالمدخل ولاكني شفتها ...طبعا صحي العصر ونزل تحت وشافني وحضني وسويت انه عااادي وباارده ..شوي الا اشوف دموعه قلت له اش فيك
متضايق من شي
قال وربي وربي رجعت مشتاق لك ماعرف اش فيني
قلت له مدام ماتقدر تفارقنني ليه تروح من الاساس
قال عشاني حمار توقعت اني باانبسط لكن والله اني مااتهنيت
افكر فيك وفي العيال ونفسي ارجع من يوم وصلت هناك وانا مخنوق

قلت غريبه توقعتك مبسوط قال مادري اش فيني حسيت بخنقه ومشتاق لك ..قلت الحمدلله ع السلامه وبكل بروود
وطبعا ماقصر جاب لي 7جلابيات من افخم واغلا شي وسعرها عليها
من الغاليه وجاب لي الصابون وعقدين ذهب ...وراني اياهم وانبسطت عليهم ...وقالي والله ان السفر كلام فاضي تووبه اسافر وتوبه ازعلك وتوبه اخليك وحدك بعد اليوم
طبعا ماوثقت بكلامه ميه بالميه لان الرجال مالهم امان بس احسن شي انه رجع قبل موعده وربي صرفه عن الجلسه هناك وهذا هو دعائي رجعه يعني مسافة 6ساعات بالطياره مو مكان قريب عشان يرجع بهالسهوله لكن ربي قادر سبحانه ..اتوقع صار له شي هناك مو زين عشان كذا رجع المهم قلت الله يهديك ويصلحك وينور بصيرتك
طبعا نسيت اقولكم الي مصبرني عليه انه طيب معاي وكريم جدددا مايرد لي طلب ويصلي ويحب عياله مررا ..فقررت اني اصبر واتوكل على رب العالمين وان شالله ربي يهديه
وبس يابنات
حبيت اقولكم تجربتي مع الصبر والدعاء وصلاة الاستخاره والاستغفار والثقه بالله والدعاء بين الاذان والاقامه مستجاااااااااااااب
ونعم بالله .. بنات تحلو بالصبر والدعاء وخلو الطلاق اخر شي وربي يهدي من يشاااء وهو على كل شي قدير....

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تعالو شوفو حقيقة شوجي النزغه>>ماراح تصدقون	انمي	حصري	0	05-21-2011 08:12 PM
قررت احمل اخلي الحبوب المانع شوفو شسوى زوجي	انمي	حصري	0	04-18-2011 09:30 PM
اكتشتف خيانة زوجي بالمسنجر من بعد شهر من زواجنا..شوفو شسويت	انمي	حصري	0	03-27-2011 03:05 AM
بنات دشووووو شوفو ذوق زوجي مستقبلا ببطاقة الدعـو ه مال زواجنا وقولو رايكم؟	انمي	حصري	0	03-23-2011 07:23 AM
رجل ينزع ثياب زوجته امام اصحابه بالدوانيه	ريـوف	مملكة القصص و الروايات	6	06-05-2009 08:18 AM

اعلاناتي

سفر زوجي مع اصحابه للسياحه شوفو اش صار له والفضل لرب العالمين

حصري

للمزيد من مواضيعي