ديروا بالكم من د هيلين اللهم بلغت اللهم فاشهد

04-18-2011, 11:10 PM

السلام عليكم بنوتات

حبيت احط لكم تجربة امي مع النصابة دكتورة هيلين الله لا يبارج فيها

الله يسلمكم ما بقى احد ما مدح دكتورة هيلين حق البشرة وهالسوالف

المهم امي حبيبتي راحت لها كانت بشرة امي مرهقة بحكم السن وشوي صوب خطوط الفم طايحين

راحت لها امي قالت لها راح نحقنج بابر بلازما وفيلرز ومادري شنو ومن هالسوالف

امي قالت اوكي

اول شي قالت حق امي راح نحقن صوب خطوط اللي بجانب الفم فيلرز امي قالت لها مابي يكون فيني شي متفوخ ابي كل شي طبيعي

قالت طبعا طبيعي وراح تشوفين النتيجة

الله وكيلكم حقنت حق الوالدة الله يطول بعمرها.....قولواآمين صوب خطوط الفم وما مر اسبوع الا المادة صاعدة بخدودها

والحين ويه امي متفوووووووخ جنها معبية الخدود وصوب الفم نفس ما اهوا:rgewrg::rgewrg:

شغلة ثانية

امي كان شكل بشرتها مرهق بحكم السن وكان فيها كلف شي بسييييييييط جدا قالت لها اول شي راح نحقن بابرة بلازما ونسويه بالرول

وبعدها باسبوعين راح نحقن نضارة باحماض الفواكة

امي سوت اللي قال لها عليه الله لا يبارج فيها ولا يوفقها الحين مسكينة امي حبيبتي صار ويها مبقع بلون بني غامج والكلف زادت بشكل فظيييييييييييييييييييييييييييع

حبيبتي

هم الويه متفوخ والبشرة صار شكلها تعباااااااااااااااان بشكل مو طبيعي

ومعطيتها كريمات بالشي الفلاني
وعقب ما خلصت بلوتها اللي سوتها بالوالدة تقول حق امي النتيجة تبين بعد 9 شهووووووووووور:krkrkr::krkrkr:

يعني نصب مو طبيعي

اول شي حطت لها القمر بايد والشمس بايد وبالاخير تقول لها 9 شهووووووور

والنتيجة عكسية تماما

والحين جم مرة مرتها كله مسافرة ومو موجودة

الموجودة النصابة الثانية ايرينا
مجموع اللي دفعته الوالدة 500 دينار

ودري اوديها مكان ثاني مااعرف وين

وهم مشكلة الوالدة انها تبي حرمة تشتغل لها تستحرم تسوي عند ريال

شالحل وشالدبرة مادري

غير جذي انا خاطري اشتكي عليها بس اشلون مااعرف

حدها باطه جبدي:eh_s(16)::eh_s(16):

لا من الفلوس ولا من النتيجة

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تحذير للحريم والبنات اللهم بلغت اللهم فاشهد	انمي	حصري	0	04-14-2011 10:50 PM
صور الموبايل ديروا بالكم	انمي	حصري	0	04-10-2011 10:30 AM
تحذير.....اللهم اني بلغت فاشهد......	انمي	حصري	0	04-07-2011 06:10 AM
بنات ديروا بالكم عاصفه ترابيه	انمي	حصري	0	03-25-2011 06:40 PM
اللهم زدنا فيكـ حبا	ذيب السرايا	المملكة الإسلامية	3	06-18-2008 04:12 AM

اعلاناتي

ديروا بالكم من د هيلين اللهم بلغت اللهم فاشهد

حصري

للمزيد من مواضيعي