جيزكيك نيويوركر الاصليــه بالصــور .. سهــله ولذيذة من اختكم اللولو

04-20-2011, 09:10 PM

جيزكيك نيويوركر الاصليــه بالصــور .. سهــله ولذيذة من اختكم اللولو

الســــــلام عليكم ورحمة الله وبركاته

شــلونكم خواتي

اليووم بشارككم بوصفة الجيز كيك الاصليه( نيويوركر) وهذا ألذ أنواع الجيز كيك

والطريـقة واااااايد سهله وحــلوه ما عليكم الا انكم تزهبــون كل شغلكم قبلها وتتبعون الخطوات بالضـــبط

يــالله نبلش بسم الله: :ggdw:

جيزكيك نيويوركر الاصليــه بالصــور سهــله

المقادير:

بسكوت – (مجروش) انا استخدمت البسكوت بو العلبه الحمرا 3 علب

ملعقتين زبده ( ذوبيها)

4 علب جبنة فيلاديفيا

كوب ونص سكر أبيض

3\4( ثلاث ارباع) كوب حليب

4 بيضات

كوب كريمه حامضه( (sour cream

ملعقه طعام مركز أو خلاصة الفانيلا

ربع كوب طحين أبيض

وتحتاجين الصحن مال الكيك الي اسمه springform pan الي يتبطل من تحت

وهاذي صورته:

الطــريقه:

- سخني الفرن على حرارة 350 درجه فهرنايت ( 175 سيليزيه)

- خلطي البسكوت المجروش مع ملعقتين الزبده المذابه وحطيهم بالصحن أو الوعاء مال الفرن عقب ما تدهنينه بالرشاش مال الحلويات وضغطي عليه بأيدج عشان يصير متساوي

- في وعاء كبير خلطي جبنة فيلاديفيا مع الشكر لين يمتزجون عدل بس لا تطولين بالخلط ... بعدين صبي الحليب وخلطي شوي بعدين البيض حطي وحده وحده وخلطي ( اكرر لا تطولين بالخلط بس على اساس انهم ينخلطون عدل ويصير خليط متجانس) بعدين حطي الكريمه الحامضه والفانيلا و ربع كوب الطحين وخلطي كل المقادير لين يصير خليط شوي ثقيل

وهاذي صورة الخلطه:

الحيـــن انتبهو معاااااي ياحلوات لانه هاذي اهم خطوة:eh_s(10): :

صبي الخليط فوق البسكوت

وساويــه وحطي بالفرن الي اولريدي سخنتيه وشغلي الفرن لمدة ســاعه فقط لا غير لي خلصت الســاعه طفي الفــرن وانســـــــــــي الجيز كيك الي داخل خلي باب الفرن مسكر عقب ما تطفينه وخليها داخل من 5 لي 6 ساعات

( عــــــــادي لا تقولين وااايد بالعكس هاذي المدة المثاليه) لانه لو تطلعينها عقب هالساعه وتبرد راح تتكسر كلهاااا وما راح تثبت معاج ..

هذا شكلها عقب الساعه:

خليها الطبخه تستوي وتتسبك على الراحه على قولتهم يعني لمن تخلص الساعه سكري الفرن وانسي الي داخله ولا حتن تجيكين عليها وتفتحين الباب لا خليه مسكر وعقب ما تمر الساعات المطلوبه طلعيها وحطي فوقها النكهات الي تبينها انا حطيت فراوله معلبه مع الصوص

هذا شكلها عقب ما طلعتها من الفرن عقب 6 ساعات:

هني شكلها عقب ما حطيت الفراوله:

وحطيها بالثلاجه لي وقت التقديم

وهذا شكلها عقب ما طلعتها من الثلاجه :

وهاذي صورة ثانيه :

وهـــــــاذي لكم:D :

لا تستهينون بالوقت ومدة الطبخ لانه هاذي الغمنده الي تخلي الجيز كيك مضبوطه ولذيذه وطعمها أصــلي:D !!!

وبالهنا والشـفا ....... Bon appétit

نصائح مهمــة عشان تضبط معاج الجيز كيك:

المقادير لازم تكون على درجه حرارة الغرفه ( الحليب.. الجبنه.. الكريمه) كل شي لازم يكون دافي اذا من الثلاجه وعلى طول استخدمتيهم راح يتكتلون بالفرن وتخترب الكيكه ف طلعيهم قبلها بفتره وخليهم بره يدفون

عشان تتفادين انها تتكسر لانها اكثر مشكله تعاني منها الناس مع الجيز كيك.. لا تنسين ترشين الصحن مال الفرن بالرشاش( الزيت) مال الحلويات مو بس القاعده هم الجوانب ...

لا تستخدمين حليب قليل الدسم او الجبنه او الكريمه قليله الدسم لانه ما راح تخلي المكونات تتماسك استخدمي كله كامل الدسم

لا تستخدمين جبنة غير فيلاديفيا لانه اهي افضل انواع الجبن المناسبه لهذا النوع من الحلويات

عقب ما تخلص الساعه وتبطلين باب الفرن يمكن يكون شكلها مستوي وتقولين اذا خليتها 6 ساعات راح تحترق او تخترب لكن بالعكس لو سويتيها وطلعتي الكيكه عقب ساعه راح تتوهقين فيها وبالنص يكون كله مو مستوي خليها بالفرن وراح توصلين للنتيجه المرضيه .. بس هــــــا ديرو بالكم مو تخلون الفرن شغال 7 ساعات كامله وتحرقون البيت وتدعون عليي بعدين لوول الفرن يشتغل ساعه بس وال 6 ساعات طفووه بس خلو الكيكه داخل والباب مسكر عليها

وعليكم بألف عافيه .. جربوها وقولولي النتايج معاكم

:eh_s(7):

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كيف يذنب المؤمن ولايعود للذنب؟كلام مهم حتى لاتعصي الله	انمي	حصري	0	03-29-2011 09:52 PM
الجزء الثاني / تفاصيل بيع الجناط الاصليه المستعمله استعمال خفييييف (دار اللولو)	انمي	حصري	0	03-19-2011 05:00 PM
اختكم من المغرب	انمي	حصري	0	03-19-2011 05:00 AM
معرض للشنط الاصليه المستعمله استعمال خفيف (دار اللولو)	انمي	حصري	0	03-15-2011 06:20 PM
حلى عقد اللولو بالصورمناسب	مملكة نسايم	مملكة الطبخ و المأكولات	5	04-03-2008 03:34 PM

اعلاناتي

جيزكيك نيويوركر الاصليــه بالصــور .. سهــله ولذيذة من اختكم اللولو

حصري

للمزيد من مواضيعي