كراآت البطاط + الدياي )) ..~ سلطه دسمه بالزهرا والبيديان .. يمي ..بالصور

04-20-2011, 09:10 PM

كراآت البطاط + الدياي )) ..~ سلطه دسمه بالزهرا والبيديان .. يمي ..بالصور

السلام عليكم ..

اليوم يايبه لكم اكله عجيبه ريلي يحبها ودايما اسويها له ..

اول شي ..

المقادير :

--بطاطس حسب كميه الاشخاص ..

--دياي محطوطا بماي حار ومستويه ..

((( سوري بنات ترا ماعرف بعض كلمات المطبخ ف ان شاء الله تفهمون علي ))) :D

-- خضره الي اهيا (( بصل .. فلفل اخضر .. جزر .. ثوم .. )) مقصصه طوالي

-- ذره + فطر معلبات ..

-- 2 قشطه -- 1 كريمه -- جبن قلاص واحد كامل ..انا استخدمت كرافت .. جبنه موزريلا كيسه ..

الطريقه ...

-- نحط البطاطس بماي حار واذا تبين تخلصين بسرعه قصصيه دوائر شلون افهمكم مسكي البطاطا وحطيها وقصصيها سيدا 5 شرايح المهم

حطي بالماي ملح ..

لمن تخلص البطاطس هرسيها وحطي ملح شويه وفلفل اسود ((حسب الرغبه))
وقشطه او جبن او ثنتينهم بس لاتكثرين ملعقتين .. كافي ..

كوريهم وحطيهم بصينيه بروحهم وخليهم ع صوب ....

---- الحين طلعي الديايه المستويه وقطعيها بشوكه او اي شي لصغار وخفاف مو متينه
ووخليها ع صوب

اخذي قدر وحمسي البصل بعدين حطي الثوم وبهاراتج ووشويه كركم لاتكثرين ..
وحطي الفلفل وحمسي وكل الخضره الي حابه تضيفينها والذره والفطر ... وبعدين حطي الدياي معاهم وحمسي شويه تحسين تشرب السوائل الي بالحمسه

وخليه 5 دقايق وبعدين حطي معاه قفشه جبن وقشطه ملعقتين خلي يصير فيه صوص ..

--- اخذي البايركس حطي خلطه الدياي وحطي كور البطاطس فوقهم

-- الحين سوي الصوص ..(( شغلي النار وقدر صغير حطي قشطه و جبن قلاص عاد سوي كميه شويه لاتكثرين لان حاطين بالحمسه .. يعني 4 ملاعق جبن وقشطتين او زيدي الجبن بكيفج ))

وحطيه فوق البطاط ورشي الموزريلا وحطي بالفرن

لوووووووووووووووووووووووووووول خلصت واخيرا صارلي ساعه اتخيل الطبخه شلون سويتها :krkrkr:

وهاذي اهيا ..:rerrerek: والله الطعم لذيذ وعجيب

الصوص ... > ها ترا قلت حسب الي عندج انا مسويه وايد ليش اني عطيت اهل ريلي منه ..

الطريقه ..

قصصي الخيار والبصل والبقدونس والجرجير صغير حيل والخضره مربعات صغار :rerrerek:

اقلي البيديان والزهره والبطاط ..

ثوم هرسيه

سوي صوصج وخلطيهم كلهم

وراح تشكريني :eh_s(7): والله را تولين دسم بس يحبونه الرياييل ..

وصوره :ggdw:

وشربي معاه الي تحبين

انا شربت

لووووووووووووووووووووووووووول

و

وشكرا للمتابعه حبايبي :eh_s(7):

يلا ابي عاد تشجيع :ggdw: بنات ...

علشان اسوي لكم الـ cup cake والله تذوبووون لمن تشوفونه طريقه يديدااا ....:ggdw::ggdw:

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ناشف الدجاج بطريقتي السهلة خصوصا للمبتدئات بالصور	انمي	حصري	0	04-14-2011 12:20 PM
لمحبي البطاط. ...... كب كيك البطاط .... شكلها راقي :)	انمي	حصري	0	03-23-2011 02:11 PM
فطـائر الدجاج اللذيذه (بالصور )	مملكة نسايم	مملكة الطبخ و المأكولات	10	12-05-2008 07:15 PM
أجنحة الدجاج الحاره.. بالصور..	شموخ إنسانه	مملكة الطبخ و المأكولات	4	03-07-2008 06:12 PM
سلطه بالمكرونه	همسة شوق	مملكة الطبخ و المأكولات	0	09-30-2007 01:57 AM

اعلاناتي

كراآت البطاط + الدياي )) ..~ سلطه دسمه بالزهرا والبيديان .. يمي ..بالصور

حصري

للمزيد من مواضيعي