تقرير مصور عن المطعم الجديد "بايكد" في 52 degrees

05-01-2011, 04:00 AM

تقرير مصور عن المطعم الجديد "بايكد" في 52 degrees

السلام عليكم أخواتي العزيزات،

عساكم بخير؟ من زمان عنكم و الله بس انا ما احب انزل إلا الشيء الجديد الحار من الفرن
شعندي اليوم؟ مطعم جديد توه فاتح في فيفتي تو ديغرييز اللي بمجمع التلال في منطقة الشويخ الصناعية

قبل لا تقولون ويه فيفني تو ظلمة و قمتة و غالي اقولكم نطروا علي، انا مو من رواد فيفتي تو لكن هالمطعم صاحبته أعرفها و رحت... و يا ليتني ما رحت. ليش؟ لأني تولعت بصراحة... شوفوا الصور و حكموا و قولولي شرايكم

أول شيء صفطنا عند فيفتي تو برة و الجو غبااااار

http://032a750.netsolhost.com/WordPr.../rbraftd21.jpg

دخلنا داخل و من الأصنصير على طول طلع لنا المطعم يعني ممكن الواحد يدش ياكل و يطلع بدون ما يمشي داخل فيفتي تو إذا ماله خلق

تقرير مصور المطعم الجديد "بايكد"

الملفت في المطعم انه ديكوراته حلوه مودرن بيج و بني بس بدون لوية لكن في مكان واحد عند الدريشة كله قنفات حمر غريبة و بما انه رايحين مبجر و ماكو أحد ركضنا جعدنا هناك هيهيهي

By danderma at 2011-04-30

المنيو صفحة بطن و ظهر. البطن كله المقبلات و السلطان و الأطباق الرئيسية. الظهر كله كيك و حلويات أشكال و أرناق. قلت دام جذي ماراح أطلب انا طبق رئيسي عشان احلي

طلبنا و انا شربت سبرايت دايت. شوفوا القلاص شلون شكله بارد

على ما أيي الأكل قمت اصور الثلاجة. كيكة الريد فيلفت شكلها روعة تشوق

تقرير مصور المطعم الجديد "بايكد"

الووبي باي. اهمه اساسا بدوا كمحل في البيت يبيع ووبي باي اللي اهو كب كايك مقلوب من برة كيك و من داخل الكريمة. وايد لذيذ بالمناسبة مرة حطوه في برنامج تو الليل

تقرير مصور المطعم الجديد "بايكد"

بعدين وصل الأكل. أول شيء طلبناه كرات البطاطا

تقرير مصور المطعم الجديد "بايكد"

انا يوم قريت كرات البطاطا بالمنيو قلت اكيد هذا من بطاط الجياس المدور اللي يقلونه و يعطونه الأوادم. طلع لا وعليه اهم مسوينه يبشرون البطاطا و يحشونها جبن و يقلونها و حدها لذيييييييييذه

تقرير مصور المطعم الجديد "بايكد"

و معاها 3 تغميسات: كتشب و جبن سايح و صلصة وردية مادري شنو بس أحلى شيء الكتشب. ماله داعي اقولكم انه من سواد ويهي قضيت على البطاط كله. الناس الذربة تاكل بطاطة بطاطتين مو كل البطاط و انا يكون متنانة و مسوية رجيم.

تقرير مصور المطعم الجديد "بايكد"

شوفوا شلون الجبن انتيفة داخلها؟ ممو متروسة بحيث انها تقث ابدا ممتازة

تقرير مصور المطعم الجديد "بايكد"

عقب الكرات البطاطسية اللذيذة وصلت السلطة. إهي سلطة جبن الماعز مع المكسرات بالكرامل و الأوراق الخضراء عليها صلصة الخل بالنعناع.

تقرير مصور المطعم الجديد "بايكد"

إذا انتم من الناس اللي ما تحبون جبن الماعز على بو طعمه طعم صخول لا تحاتون، الصلصة مالت السلطة من كثر ماهي لذيذة تغطي على زفرة الجبنة أو طلبوها بدون جبن لكن حسافة لانه الجبن شوية ثلاث كرات مو امفتقت. لا تطوفكم هالسلطة.

تقرير مصور المطعم الجديد "بايكد"

الطبق اللي عقبه كان بتوصيه من صاحبة المطعم. انا اساسا ما كنت ابي اطلبه لاني ما أحب البيديان وايد بس قالت لي ترا هذا لازم تجربينه فقلت أوكي...

تقرير مصور المطعم الجديد "بايكد"

الطبق عبارة عن طبقات من البيديان المشوي المغطي بصلصة الطماطم و صلصة بيضاء مع موزاريلا سايحة و جبنة بارمزان

تقرير مصور المطعم الجديد "بايكد"

حلو؟
مع إني ما احب البيديان وايد، لكن من كثر ما هالطبق حلو قضيت عليه و قمت الحس الشوكة! انقلبت هيليقية بس ما قدرت اخلي الصلصة! صلصة الطماط تعقد... الصلصة البيضاء خفيفة و البيديان متشرب الصلصات عدل و طعمه صار كأنه لزانيا مو بايديان... هم لا يطوفكم

الطبق الرئيسي الوحيد اللي طلبناه كان باستا لينجويني مع شرائح اللحم بصلصة الليمون

تقرير مصور المطعم الجديد "بايكد"

شخباره؟ طاااار! لذيذ و ناطع و مو شيء متعودين عليه موجود في كل المطاعم.

تقرير مصور المطعم الجديد "بايكد"

بعدين عاد يه وقت الجلو. كان عندهم كيكة شكلها يشوق بيضاء و كلها أنواع من التوت و الفراولة فطلبناها

تقرير مصور المطعم الجديد "بايكد"

حبيت التزيين مالها

تقرير مصور المطعم الجديد "بايكد"

و الطعم؟ خياال... تذوب بالحلج ذووب ذووب و متروسة توت...

تقرير مصور المطعم الجديد "بايكد"

الكيكة الثانية اللي طلبناها كانت ريد فيلفت مولتن كيك اللي المطعم يتميز فيها و من داخلها الفروستنج الأبيض اللذييذ

تقرير مصور المطعم الجديد "بايكد"

يوم بغينا نطلب المشروبات الساخنة سألناهم شنو عندكم انواع الشاي فيابولنا قوطي شاي من المحل الكشخة اللي في مارينا و أفنيوز اللي ما أعرف انطق أسمه

تقرير مصور المطعم الجديد "بايكد"

فطلبنا شاي الكامومايل و قهوة سوداء

تقرير مصور المطعم الجديد "بايكد"

بالنهاية طلع الحساب علينا 20 دينار مع إنه ماكلين المنيو كله ماشاء الله.

الشيء اللي ما عجبني بالمكان انه كمية الطعام وايد كبيرة و ما تخلص. حطوا في بالكم هالشيء.
و هم ليلحين ما فيه طفايات على الطاولات و لا يعطون ضيافة لكن قالوا من الأسبوع الياي بيبدون يعطون.

الخدمة ممنازة و المكان حلو و القعدة عند الدريشة كانت شرحة الله خير. الاسعار مناسبة و أهم شيء الأكل لذيذ لذيذ لذيذ.

لا يطوفكم بنات!

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مبيض للبشرة بشكل مرئي وملحوظ"""بياض ناصع ذو الإتجاهات الثلاثة"""	انمي	حصري	0	04-25-2011 09:30 AM
سرعة القذف تقود بعض نساء الخليج نحو "القضيب الصناعي"...تقرير مفصل	انمي	حصري	0	04-08-2011 01:50 AM
~** فخــآمهـ بـ"لآ" حدود مـع رآئعه " سوني إركسـون " اللمسيه الجديده هـآتف " aino	يكفيني احساسي	مملكة الجوال وملحقاته	4	08-08-2009 11:26 AM
""" أنا أفضل الأعضـــــــــاء .. واللي مو عاجبه يقولي """	همسة شوق	المملكة العــــامة	2	12-20-2007 02:39 PM
"""" عقول جــــــــــاهله في زمن المعرفه """"	همسة شوق	المملكة العــــامة	8	12-11-2007 04:28 PM

اعلاناتي

تقرير مصور عن المطعم الجديد "بايكد" في 52 degrees

حصري

للمزيد من مواضيعي