فتاة في عمر الزهور اصيبت بمرض سرطان فروة الرأس ادخلوا اقروا واستفيدوا وادعو لها

03-16-2008, 09:42 PM

فتاة في عمر الزهور اصيبت بمرض سرطان فروة الرأس ادخلوا اقروا واستفيدوا وادعو لها

السلام عليكم ورحمة الله وبركاته

مساء الخير>>>>>

وش اخباركم؟ ان شالله كلكن بخير وصحه
انا حبيت انقل هذا الموضوع علشان تسفيدو وتدعولها
انا في هالموضوع بنقلكم قصه صارت لصديقه مقربه لي مره وهي بنت في عمرها 22 عام وأخر ترم لها بالجامعه وبتتخرج انشالله وهي مشالله ذكيه واموره وفيه شيء مميز مره الي هو شعرها بنات تعرفون دعايات بانتين شفتوا شعور العارضات الي فيه شعر هالبنت اجمل منه طوووووووول وكثاااااااااافه ونعووووومه وقوه مشاللللله يمكن بدووووووون اي مبالغه اجمل شعر شافته عيني وهي الله يهديها ماتقرا عليه ولا تتحصن ودايم فالته لا وبعد تتفن فيه في الجامعه وفي المناسبات حتى يوم كانت بالمدرسه دايم فالته وكل مره واناحذرها لاتفلينه وتتفننين فيه في كل مكان ولو رحتي مناسبه اقري عليه وعلى نفسك ترى عيون الناس ماترحم وهي ما اعطت كلامي اي اهميه ودايم تنسى تحصن ومن سنتين تقريبا تشكيلي من صداع في راسها بس ما اهتمت ولا راحت مستشفى الله يهديها

وقبل اسبوع ونص جاني اتصال من اختها الي اصغر منها تترجاني اجي المستشفى لأن اختها بالمستشفى ولا قالتي وش فيها ولا شيء قلت اوكي واخذت رقم الغرفه ورحت والله لايوريكم ويبعد عنكم وعن جميع المسلمين الشر اول مادخلت اغمى علي من الي شفته بنات تدرون وش شفت شفت اغلى صديقه على السرير وكل شعرها طايح شعر راسها وحواجبها ورموشها وشعر جسمها ووجها منتفخ ومزرق من الكيماوي لدرجة اني ماعرفتها رحت عند امها ابكي واقولها تكفيين من هذي انتوا تكذبون علي وامها سامته بس تبكي اناضر في صديقتي الي بالسرير وحالتها يرثى لها لقيتها تناضر فيني وساكته ماتتكلم بس دموع تنزل من عيونها

وبعد ماهدى الوضع عرفت انها مصابه بسرطان في فروة الرأس الله يشفيها ويهون عليها مصيبتها وكل يوم وانا ازورها واقرا عليها واشغل القرآن عندها واحسها ترتاح تخيلوا كل هذا بسبب العين البنت جاها عين وهذا الي صار لها ويوم الاثنين الجاي بتسافر المانيا علشان تتعالج يارب يشفيها ويرجعها بالسلامه

وهذي هي قصة اغلى انسانه طرحتها لكم علشان تستفيدوا وتتنتبهون على انفسكم وتحصنون انفسكم ولا تهملون مثل ما اهملت صديقتي وشعوركم لاتفلونها في الرايحه والجايه ومو شرط العين تكون بالشعر يمكن تصيب اي شيء فيك لا تقولين مافيني شيء ينحسد لا كل مافيه بنت مو حلوه إلا مايكون فيك شيء جميل فأنتبهوااااااااااااا على انفسكم تكفون والله انكم مثل خواتي

وتكفوووووووون اي وحده تدخل الموضوع وتقراه تكفووووووووووون ادعوا لصديقتي بالشفاء العاجل تروا الحين هي محتاجه لدعاااااكم اكثر من اي شيء بهالدنيا تكفون ادعوها عن ظهر الغيب بالشفاء العاجل ويهون عليها مصيبتها ويرجعها بالسلامه يارب
.....منقول..... نقلت هاالموضوع لاني انفجعت وبعد بنت اخو صحبتي توفت الشهر الي فات بسبب العين ربي يكفيني ويكفيكم شر عيون الحاسدين ودمتم بخير

03-16-2008, 10:12 PM

لاحول ولاقوة إلابالله

مشكووووره يالغلا

على الخبريه المؤلمه

والعين لها حق

الله يحفظ الجمييييع

وتقبلي ارق التحايا

03-17-2008, 12:11 PM

يارب إنك أنت الشافي لا شفاء إلا شفائك

شفاء لا يغادر سقما

الله يشفيها ويشفي جميع المسلمين

لا حول ولا قوة الا باالله

الله يكفينا شر العين

يعطيك العافيه اختي كلي حلا

وماننحرم من جديدك يارب ,,,