أكمل ولا لأ

05-12-2011, 11:00 PM

محتارة حدي أكمل دراستي بالثانوي ولا لأ ........
طبعا أكيد البنت ما تنفعها إلا شهادتها كاني قلت بلساني
آنا بعاشر وتوني بالثانوي وما باجي شي وأتخرج بس المشكلة

حاشني إحباط تام واكتءاب حاد من الدراسة صارت فيني نفسية وقمت أتعب وأطيح

والله إني العام اللي طاف قبل لا أدش الثانوي كنت امتياز وعمري ما يبت جيد جدا أصلا واذا يبت تحت 95 قبل اعتبر نفسي كسلانة أصلاً .................

ولمن دشيت بعاشر تخيلوا النسبة اللي كرهت نفسي بعدها

66 % مقبوووووووووول :| :|

كرهت شي اسمه دراسة فعلاً :(

قبل جم اسبوع كان عندنا امتحانات فترة ثالثة وكان علي وقتها امتحان رياضيات وطبعا ذبحت عمري من الدراسة قطعت الكتاب وتخيلوا والله ما حليت شي مع إني يبت مدرس وسقطت يبت بالإمتحان 4 من 16 يعني ساقطة أول مرة بحياتي أطلع من لجنة امتحان منهارة قبل أطلع شاقة الحلج بإبتسامة بس هالمرة بجيت وانهرت .. والسبب الرياضيات
انا كان طموحي علمي :( كنت بصير مهندسة كمبيوتر وخططت ورسمت أحلامي وآخر شي فشلت وانهدم كل شي رسمته يعني ما تسوى علي :(

خذيت امتحان قدرات للميول عشان ما أظلم نفسي سقطت فيه بالمواد العلمية انا عارفة نفسي
ميولي أدبية بحته من غير ما أدرس والله العظيم درجاتي كاملة بالإمتحانات المواد الأدبية

المهم سقطت بالرياضيات بجيييييييييت دم :eh_s(11)::eh_s(11): والله بجيت دم
حبست نفسي بداري ألوم نفسي ليش آنا جذي وشنو اللي خلاني جذي

تخيلوا صارت فيني نفسية كرهت الطلعة والأكل وكل شي لدرجة قبل أضحك أسولف ألحين لأ
صرت بسرعة أعصب وما أتحمل كلمة وصرت أدور أي شي يقثني عشان أبجي ومن هالشي

طاااااااااحت رموشي بعيني اليمين اللي تحت والله طاحت وكله أسخن وترتفع حرارتي إذا بجيت أو زعلت أو انقثيت يعني كله طايحة بفراشي

عاد آنا مني والطريج قلت ماني مكملة مابي أشوف نفسي دور ثاني لأن وقتها :eh_s(16):مادري شيصير فيني !!!!!!!!!!!!!

وصرت أبجي جني ياهل أبجي عشان ماروح المدرسة وهذا آنا قبل من الأوائل كل شي تغير صرت أسقط وغيري ينجح ويروح ويخلص وانا قاعدة وألوم حظي !!!!

ما أدري شسوي لأان اللي تييب دور ثاني وخاصة بعاشر ما ينجحون 8 بنات بالصف عايدينها رياضيات ع نص درجة والله ع نص درجة واللي تعيد عاشر مستحيل تنجح بعدين يصير فيها احباط خلاص تزهق !!!!!

الصراحة خايفة حيل لأن امتحان الرياضيات الفترة الرابعة حيل صعب الكل يقول جذي وانا لو اذبح نفسي عارفة نفسي ما راح أحل لأن درجاتي بالفترات خربوا علي ومابي دور ثاني لأني ما راح أنجح ومابي أعيدها ..............

أكمل !!!!!!!!!!!!!

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مكمل غذائي نيوترني درنك	انمي	حصري	0	05-04-2011 02:50 AM
مكمل غذائي .. يمتن ( نصايحكم / تجاربكم ) !	انمي	حصري	0	04-21-2011 07:30 PM
محتار ... أطلع من الكلية وآخذ الإعانه ... ولا أكمل دراسة ؟؟	فلاويه	جامعات	0	03-29-2011 01:01 AM
ع’ـدت وكَليّ ش’ـوق لكمم	هيفاء	مملكة التعـــارف و الترحيـــب	6	03-16-2010 08:40 PM

اعلاناتي

أكمل ولا لأ

حصري

للمزيد من مواضيعي