نبي نزوج اخوي ... نبي بنت حلال جان تخبرون على مواصفاته اللي طالبها

05-15-2011, 01:40 AM

صباح الخير يا سهرانين :eh_s(7):
بنات اول شي احب اقول لكم اني انا عضوة قديييييمة معاكم
و مسوية هالنك نيم من زمااان ابي اكتب فيه بس كل مرة اتردد لما قررت الحين
و ارد اطمنكم مرة ثانية انا عضوة منكم و فيكم و تقريبا من المؤسسين حق هذا المنتدى و ياريت المشرفات اللي يبين عندهم ان عندي نك نيم قديم و عندي مشاركات ان بس يقولون " اي نعم انتي معاها بالمنتدى بس بنك ثاني "
طبعا كل هذي المقدمة بعد شوي راح تعرفون ليش قاعدة اعطيكم الامان

الله يسلمكم السالفة و ما فيها ان صارلنا سنتين تقريبا ندور حق اخوي بنت الحلال على شروطه بس محنا لاقينها :eh_s(1): امبي معقوووله بنات الكويت خلصوا !!
السالفة و ما فيها ان احنا نيادة ( نجادة ) و اهلنا اللي بالكويت ينعدون على اصابع الايد الوحدة
كل اهلنا بالسعودية , فعايلتنا مو معروفة هني
الحمد الله انا تزوجت ريال نجدي من اهل الكويت و عايلته معرووفه و نفس الشي 2 من اخواني ماخذين عوايل سنعة و هم عيال عمنا.. و النعم طبعا بكل العوايل
و احنا الحين قاعدين ندور حق اخوي يا يردونا عشان مو عارفين اسمنا او احنا تعجبنا البنت بس ما تطلع من مواخذينا .. و الناس كل ما اسألهم عن بنات اييبون لنا عوايل اقل منا لانهم مو عارفين عايلتنا .. عايلتنا بالسعودية جدااااا معروووفة و اهل خير و عزززز .. و هني بالكويت هم اهل خير لكن مو معروفين و لهم صيت نفس هناك
باختصار ... احنا الحين قاعدين ندور حق اخوي و مولاقين بنت الحلال له بعد اللي طالب مواصفاتها .. مع ان مسكين مو طالب شي يبيها بيضة + نجدية + جسمها حلو لا ضعيفة ولا متينة .. حتى راضي بالمتروسة شووويييييي
اذا تعرفون بنات حلال ترشحونهم لنا يزاكم الله خير و تكونون فعلا سويتوا فينا معروف
تعرفون اي بنت تنطبق عليها هالمواصفات لا تقصرون عفية
اي عايلة نيدية او نفسنا اهلهم اغلبهم بالسعودية او اصيلين بس ياخذون عفية ذكرولنا البنت
و اللي تبي ترشح نفسها مافيها شي لا تقول انها قاعدة ترشح نفسها بس خل تقول اسم البنت و عايلة امها و اذا تعرف رقمها او تعطينا المنطقة عشان نقدر نوصل لها
و الله و احنا بالثلث الاخير من الليل ما حلفت جذب ان الاسامي اللي بتدزولي اياها راح تكون اماااانة برقبتي لي يوم الدين و لا تحللوني اذا كنت راح اشهر باي وحدة
بنات انا اقول لكم انتو اللي تحس انطبقت عليها الشروط \ بنت خالتج \ بنت عمج \ رفيجتج \ بنت يرانكم \ اي وحدة تحسينها سمحة و تدخل القلب و ممكن تاخذينها حق اخوج لا تقصرين معاي
و اعمار البنات ما ابي اكثر من 25 ما عليكم امر عشان يكون في فرق شوي بينهم
و مشكووريين وااايد .. ناطرتكم :eh_s(7):

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اللي ضبطت اخوها و خلته يمتن تعلمني سر التضبيطه اخوي معتمد علي و توهقت ...	انمي	حصري	0	05-01-2011 10:00 PM
((عسى اللي جرالي في غيابك يجيك وزود ..!!! )) حصريا	انمي	حصري	0	04-13-2011 09:10 PM
شخصيتك من خلال فلم الكرتون اللي كنت تتابعه	انمي	حصري	0	03-18-2011 10:10 PM
اللي يوصل لرقم10 هوملك جمال المنتدى...	سنيوريتا	مملكة الألعـاب و المسـابقـات	20	06-17-2009 06:45 PM
اللي يوصل 1000 هو ملك جمال المنتدى	massari	مملكة الألعـاب و المسـابقـات	20	03-21-2009 03:51 PM

اعلاناتي

نبي نزوج اخوي ... نبي بنت حلال جان تخبرون على مواصفاته اللي طالبها

حصري

للمزيد من مواضيعي