سمّني مجنونك... أو عاشق عيونــك لو بغيت

05-16-2011, 11:11 AM

جيت متعنّـــــــــــــــي وأنا لولاك والله ماعنيت
....................جيت أدوّر في ظـــــــلام الحب صدر يضمّني

جيت.. وأحلامـــي كبيره جيت ..لاكنّــــي بكيت
...................يوم قلبك شافنـــــــــي ميّت عليــــه وردّنـــي

بعتني بأرخص ثمن رغــم انّي اقبلت وشريت
....................بعتنـــــي وللحين مدري ليه أصـــــــلاً بعتني

ما جرحــت ولا فضحــت ولا تعدّيــت وخطيـت
...................كلّ مافي السالفه ... أحســـاس يمّـــك شدّنـي

كنت لو تطلب عيونــــــــــي قلت خذها يا فديت
...................ولو طلبت الروح اقدّمهـــــا عشانــــك تهتـني

سمّني مجنونك... أو عاشق عيونــك لو بغيت
...................المهم أبقى معـــــــــك دوم وبكيفــــــك سمّـني

ليـــه طيّب ماتبينـــي وأنت خابرنــــــــي وفيت
...................ليش تتجاهل شعوري وأنت عــــــارف معدني

تحرق اعصاب القصيد اللي على وصفك بنيت
...................كلّ همّــك ينكســـر ذاك الشمـــــــوخ وينحنـي

ابتليت ايوالله انّــــــي فـي محبتــــــــــك ابتليت
...................وأغتربت وكانت احضانك ملامـــــــح موطنـي

وأنصدمت ومــــــات فيني حلم يـوم انّي دريت
...................انّك آخــر شخص ممكن في الوجـود يحبّـني!!

.
.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اه منه منه عاشق مغروم	سعودي قمر	حصري	0	05-11-2011 03:20 AM
لكل عاشق ولهان mp3	سعودي قمر	حصري	0	04-29-2011 09:10 PM
موت عاشق الاحزان	قـــاهـــرهـــم	مملكة عذب الـكــــــــــلام	5	10-10-2007 09:35 PM
مشوار ... في ليل عاشق ...........	@الــحــKINGــب@	مملكة عذب الـكــــــــــلام	3	10-07-2007 04:36 AM
لكل عاشق لم يستطع نسيان حبه !!..	همسة شوق	مملكة عذب الـكــــــــــلام	4	09-11-2007 04:12 PM

اعلاناتي

سمّني مجنونك... أو عاشق عيونــك لو بغيت

حصري

للمزيد من مواضيعي