يآشين.المجآملة.في.ع ـصر التلكنوجيآ..؟؟!

05-26-2008, 11:33 PM

بسم الله الرحمن الرحيم

وبعد .........................................

صراحة وبكلي واقعية اشتقت للمنتدى وومشرفي المنتدى واعضاء المنتدى والدعايات الي

بالمنتدى

وايضا اشتقت لامي وابي

والى اصحابي بالفصل ................... عفوا هذا انا لاتحمست اكتب اي كلام وتبدا الافكار تجي

من يمين ومن يسار

وصراحة وبيني وبينكم المادة الي اكرها التعبير تدرون ليش

لانه اذا بدت الدراسة ورحنا للمدرسة وجا درس التعبير قال المدرس يالله كل واحد يطلع ويعبر وين

راح بها الاجازة عاد خذ اخوياي الي مسافر للخارج والي مسافر لداخل المملكة وبعضهم مارن مدن المملكة

وانا مسكين ما تعدى شارع الحارة لذلك كنت ما احب مادة التعبير والخط

المهم نرجع لموضوعنا

طبعا وبكل واقعية ابقولكم وين رحت ها المدة صراحة ابعلكم رحت اتمشى للرياض

وش رايكم قوية رحت للرياض اخوي يشتغل هناك اتصل علي قال تعال

المهم وروح للرياض ودور الرياض كلها واروح لم حديقة الحيوان ونروح للملاهي

ونمبسط المهم يوم جا اخر يوم قلت عاد لازم اشري حاجة من الرياض عشان لا سألني احد اقول شاريها من الرياض

قلت لخوي ودني لم محلات الجوال وادخل ادور جوال يصلحلي والقا جوال نوكيا (n95 ان 95)

بس صراحة غالي والله وشريه مدريت انه صار قديم ونزل بعده خمسين جوال المهم

وابدا اتفلسف وقوم افتح كل شي بالجوال والقا فيه انترنت وحركات وبركات يوم جا الصباح

وبغيت امشي قال اخوي وش رايك تخلي الجوال معي ها الاسبوع والاسبوع الجاي ابجي وجيبه معي

انا استحيت وعملت فيه اخلاق ومن مبدأ اني املك نفسي عند الغضب ومن مبدأ انه اخوي ومن مبدا الروح الرياضية

المهم طبقت جمبع المبادئ الي بالعالم

قلت ابشر بعزك خله معك وان بغيته تراه افداك ( صراحة توهقت بها الكلمة)

الرجال قال اشوف وارد عليك يوم صار خمس ايام ويتصل علي اخوي قال ابشري الجوال منك قلت افا والله ما يجيني ولا ريال

المهم اخذ الجوال ورجعت لجوالي الاول الفيصلية صحيح انه قديم بس اهم شي الاخلاق

وصراحه كان ودي ان جوالي الجديد معي عشان اتكبر عليكم لاني ادري ان بعض الاعضاء معهم جوالات قديمه الي معه الباندا ( ياقدمي)

والي معه الفارس والا تدرون ابخليها مستورة ..........

لكن الحين ترا اهم شي الاخلاق وبعدين الجوالات التالية الجديدة مضرة لان فيه دراسة تؤكد

ان اصابة الاعبين من الجوالات الجديدة والدراسة عندي الي يبيها يقولي ارسلها له ( بس مصدقيني اكيد والثقة موجودة) اجل ما يحتاج احد يطلب الدراسة.... مشكورين على هذه الثقة

عاد لحد يتشمت بجوالي القديم وان شاءالله اني ابكلم واحد بشركة نوكيا ياباني اعرفة ابخليه يركبلي بجوالي الفيصليه بلوتوث عاد اذا ركبه اعلمكم وش اسمي باالبلتوث

عشان الي يبي يراسلني

وقول يشين المجاملة صحيح انه اخوي وانه يستاهل بس لاني شاريه من الرياض هذا اللي قاهرني
واخيرا ارجع مرة ثانية واقول اهم شي الاخلاق
تحيآتي ..: n3no3

05-27-2008, 03:29 PM

ههههههههههههههههههههههههههههههه
هههههههههههههههههههههههههههههههههههههههههههه
هههههههههههههههههههههههههههههههههههههههههههههههههه ههههه
هههههههههههههههههههههههههههههههههههههههههههه
وربي وناسه اجل رجعت للفيصيليه ههههههههههههههههههههههههههههه
بس على قولتك اهم شي الاخلاق هههههههههههههههههه
وعادي يازين مجامله الاخوان تضيع بلد بحاله صح طاح وجهك وانت شايل
الجوال القديم ههههههههههههههههههههه

مشكور وماتقصر على الموضوع الفرفوشي

موفق

يآشين.المجآملة.في.ع ـصر التلكنوجيآ..؟؟!

مملكة الضحك و التسلية

للمزيد من مواضيعي

اعلاناتي