لأإتعْتذَر ..

لأإتعْتذَر ..


بسْمَ اللـهَ الرّحمَن الرّحِيم ..

لا تعتذر لي تـرى ماعـاد فـي شـدّه
اعيد حكي ٍ يكـود الصـدر مخراجـه

* .

دامه يوصـف بجـود ابيـك وبجـدّه
وشلون تبخل على الـمجروح بـ/علاجه؟

* .

ووشلـون قـاوااك قلبـك رده وصـدّه
مع انه بيّن عليه الضعـف والحاجـه

* .

ياقـو قلـبـك بــرد ايميـنـك وردّه
بخلت بمصافحـه وارهيـت بحراجـه

* .

لو ماسقى غيم عينـه جرهـدي خـدّه
تـراه يبكـي وقلبـه يلحـق اخلاجـه

* .

ولو شفته يمازحـك تـراه مـن جـدّه
الضحك عن درب ضيق الصدر ماعاجه

* .

غير الولـه والغلا عليـك وش حـدّه؟
يـادرب ليلـه ويامسـراه وسراجـه

* .



كنّه يعرفـك قبـل يلقـاك مـن مـدّه
مع ان مابينـك ومـا بينـه امواجـه

* .

هـواك بـدو ٍ نـووا للقلـب بالشـدّه
ورياض قلبي لـ/شوف البدو محتاجـه

* .

والوصل..بحر ٍ متى انت بتسمح ابمدّه
لـ/سيف صبري وبحرك شح بامواجه

* .

قصيدي اللـي قريتـه واللـي اعـدّه
قديـم لا يزعلـك معنـاه واخـراجـه

* .

وفراغ قلبي غلاك ارهـى علـى سـدّه
ليتك تشوف الغـلا وابراجـه وعاجـه

* .

اقوى رياح العـذل مـا تقـدر تهـدّه
والا الجفا لـو تنفـس هـدم ابراجـه

* .

تغانـم الوصـل لـن البعـد لابــدّه
ياتيك في يـوم ثـم ياخـذك بادراجـه

* .

اللي لي انـك تليـن وتتـرك الشـدّه
واللي لك اني ما سولف بـك لهراجـه

* .

ولاني بزعـلان واللـي نرتجـي مـدّه
يا بـاب قلبـي ويـا قفلـه ومزلاجـه

* .

زعله تغلي ومـن تزعلـه مـن قـدّه
ما دام كـل ٍ يبـي دربـك ومنهاجـه

* .

غالي وتبخـل علـي وتطّـول الصـدّه
الله يسامـح غـلاك ويلعـن الحاجـه