الديرمارول.. تجربتي اليديدة.. جلستين كل اسبوع.. تابعوني

05-20-2011, 12:00 AM

الديرمارول.. تجربتي اليديدة.. جلستين كل اسبوع.. تابعوني

قوة :hjy5jewf:

شلونكم بنات

يايتكم طردي بتجربة يديييييييييييدة

الديرمارول
او الميزو رول
الي الحين العيادات هابة فيه

شريته
وجربته اليوم اول تجربة

اهوا الجهاز عبارة عن رول مثل هذا بالضبط واعتقد صار اشهر من نار على علم هني بالمنتدى

الديرمارول.. تجربتي اليديدة.. جلستين اسبوع..

الديرمارول.. تجربتي اليديدة.. جلستين اسبوع..

اخذت مقاس 0.5 مم واهوا الانسب حق البشرة وتحفيز الكولاجين بالوجه وحق انبات الشعر بعد

وظيفة الديرمارول انها تخلي البشرة او الشعر يمتص العلاج 3000% مرة اكثر من لما تحطين العلاج وتدلكين المكان
مثلا يخلي البشرة تشرب وتستفيد من السيروم او الكريم او التونيك 3000 مرة اكثر حسب ماقريت عنه باكثر من موقع

ونفس الشي مع فروة الشعر

باليوتيوب فيه وايد فيديوات تعليمية ساعدتني على اني اتخذ هالخطوة وبصراحة النتايج قبل وبعد لقيتها حيل مشجعة اني اسوي هالعملية البسيطة وفي هني موضوع بالمنتدى شجعني بصراحة

وصلني اليوم وحار بحار حطيت تونيك الروز ماري وبديت اشتغل صوب منابت الشعر اللي على اطراف اليبهة وعقب ماخلصت رجعت حطيت التونيك مرة ثانية

لان عندي تصحر بهالمنطقة مادري ليش يبهتي حاشها جفاف وتزحلق الشعر ليورا لووووووووول

وبستمر بس بهالمنطقة لمدة شهر مرتين كل اسبوع اسويلي جلسة وبشوف النتايج

عشان لا اتلخبط ولا اظلم الجهاز

والصراحة يعور شوي مو وايد

لكن لانها اول مرة فبديت اشتغل بشكل خفيف حيل خايفة يعورني
غززني شوي ودمعت عيوني شوي بس بعد ماخدرت المنطقة من الالم ضغطت شوي وكملت وحمرت يبهتي صوب منابت الشعر

طبعا شغلي كله خرابيط ادري بس الجلسة الثانية ببدي صح باخذلي معقم واحتمال احتمال احطلي مخدر عشان ابي اهوس لووووووووول

وتابعوني عاد :eh_s(9):
شجعوني يعني انا يبيلي طق لان ماستمر بشي ولاحظوا كل مواضيعي لوووووول اهب بالشغلة بعدين اخق

هالمرة ابي شعري يبدي من حواجبي لووووووووول مابي يبهتي تبين مليت من اللوحة :eh_s(16):

المشكلة ماقدر احطلكم صور بس اذا فادني وعد بجرب على صلعة ابوي لوووووووول وبصورلكم خطوة بخطوة

بفضحه :D

واللي جربوه خل ينطون ينورونا عاد بتجاربهم

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
لكل عضو اسبوع نقدم (( احلى اهدائات))	هبوب الشمال	المملكة العــــامة	30	03-02-2017 06:55 PM
اعرفي جنس البيبي من اول اسبوع	ساعه	اسواق ستي	0	05-18-2011 12:50 AM
مقال عن اسبوع الشجرة 1431 - مقالات عن اسبوع الشجرة 1431	هتوف	حصري	0	04-30-2011 03:10 PM
---- تجربتي بالديرمارولر تابعوني ----	انمي	حصري	0	04-27-2011 11:50 PM
لمعه جسم لمده اسبوع من غير كريمات	انمي	حصري	0	04-16-2011 05:20 PM

اعلاناتي

الديرمارول.. تجربتي اليديدة.. جلستين كل اسبوع.. تابعوني

حصري

للمزيد من مواضيعي