| | | |
|
ماشاء الله تبارك الله .... ماشاء الله لاقوة الا بالله
|
روابط مفيدة : مركز رفع | استرجاع كلمة المرور | قران كريم | توبيكات | قيمزر | ماما | متجر ماما | ريباس | شعبيات سدو | سدو | يوتيوب | حواء
| اعلاناتي | |
| | |
| |||||||
| new كل ماهو جديد بعالم الانترنت |
 |
| | LinkBack | أدوات الموضوع | انواع عرض الموضوع |
05-21-2011, 12:20 PM
| #1 | |
|
vip
 |  سخافة الحملات !! وقيادة المرأة !! اش اللي يا جماعة :d . السلام عليكم . موضوع بسيط شاغل العالم اليومين دي حاب اتكلم عنو  . حملة القيادة اللي قامت والحريم يبغو يسوقو فجأة !! مني فاهم . غير كدا يعني الناس سايرة " سبهللة " !! يعني كل ما حبيت تسوي شي امشي على مثل الكثرة تغلب الشجاعة وحتحقق كل اللي تبغاه بإذن الله . يعني ما يكفي نظام الواسطات والكلام الفاضي الي بيحصل . يجيك بكل خفة دم كل من يهدف لتحقيق هدف ما بجمع " عيال الحارة " ولو الهرجة كبيرة شوية " الحارة اللي جنبها " .. وكل ما كبرت الهرجة كل ما امتد التجميع للحارة اللي جنبها .. اللين اجمع العدد المطلوب واروح اسوي اللي ابغاه وبكدا امشي نظام البلد بكيفي !! هذا تفكيركم يعني يا اهل الحملات ولا ايش بالزبط :d . وبعدين بنت الناس اللي بتسوق دي ابغا افهم هيا ساقت ومحدا عضلها يد . . اشلها صلاح في غيرها ليش تبغا حريم الدولة كلهم يسوقو !!! غيرانة يعني ولا حاسة انو مساكين كل الشعب مكبوت عشان الحريم ما يسوقو ! مني فاهم :d . خلاص انا بكرة بسوي حملة لتجنيس اجانب البلد واجمع مليون باكستاني :d . مصر جمعو اربعة مليون من ثمانين مليون والنظام سقط !!! الدنيا ماشية بنظام البهللة!! والله برأيي في أوقات الفتن ما ينفع غير التأديب .. ولو بـ " القوة " . مافي شي اسمو انا حر اروح اجمع الأحرار من عيال الحارة وخلاص احنا احرار نسوي اللي نبغاه . بكرة يجو السكارى يسوو قروب فيس بوك يقولو نبغا نسمح بالشراب في بلد الحرمين !! " أحرار !! " ولا مهم بشر برضو ! ولا المدخنين احسن منهم !! كلو سم ولا كيف يا شباب :038: . يعني من قوة التفاهة اللي هما فيها حملة لقيادة المرأة , وحملة بالعقال ضد من يقود من الحريم . وحملة ثالثة بالجزمة للي يضربو بالعقال للي يقودو من المرأة .. شايفين قدي ايش الناس سايرة سخيفة وتافهة !! والله عقول فارغة وهذا يدل عالجهل والغباء اللي احنا فيه . والله لو فهمنا ديننا صح ومشينا عالشرع ما سار اللي سار !! قبل كم يوم في الكويت مضاربة في مسجد !!!! مسجددد يا نااس بيت الله !! مضاربة عشان ناس تبغا تصلي صلاة الغائب وناس لا !!! يا هوووووووووووووو !!! ياخي قدي كدا مافي احترام لمعتقد غيرك !! قدي كدا العقلية ما تتقبل انو غيرك يبغا يصلي وانت ما تبغا !! يا تصلو سوا يا ما يصلي !! عموما , أديكم رأيي بصراحة . الأخت دي اللي طلعت بتقول انا السواق اتحرش بيا وصحبتي محتاجة وبتتمسكن وبتعرض الموقف في أجمل صورة تكون موافقة لموقفها !! قولولها يا بنت الناس لو لابسة عبايتك وطرحتك صح والله لو تهزي وسطك ما اتحرش فيكي . اتهمي نفسك قبل ما تتهمي غيرك , جالسة تتكلمي بالجوال واكيد في ضحك وبهللة السواق بني ادم كمان !! . دا اول شي , ثاني شي , يعني مني فاهم البلد سايبة ومحد مالي عيونككم !! ترا احنا مسلمين الطاعة لولي الأمر انا اسمع كلام والدي لانو ولي امري و أنا و والدي نسمع كلام الملك لأنو ولي امرنا . الوالدة تطيع الوالد لانو ولي الأمر .. ما ادري كلام ربنا مو عاجبكم كمان استغفر الله !! كدا بالمفتشي احنا حنسوق واللي مو عاجبو يدق راسو في الجدر !! يا بنت الناس احترمي نفسك واحترمي كبير البلد و ولي امرنا . سوي حملة تجمعي اصوات وتناشدي ولي الأمر انا احترمك وأوقف معاكي . أما حملة عبط !!! روحي موتي .و والله لو مشي كلامها صدقوني مهي بشارة خير وانا حاعزم النية اهاجر لكندا . لشي واحد .. احنا بلد قبلي !! يعني بعد كد كل واحد يبغا يحط قانون في البلد دي و ما عجبو شي يجمع عيال القبيلة وينقز عالفيس بوك وشوية اخبار واشاعات ويوم واحد ينزلو فيه الشارع سوا وانكتب القانون دا .. حتسير البلد سايبة !! والمكان الي مافيه نظام حينعدم فيه الاستقرار وحينتشر فيه كل شي مو كويس .انا ما أعارض قيادة المراة , على عيني وراسي من حقك وفي ناس محتاجة وكل شي .. لكن الشي دا لازم يتم بالنظام وليس غصبا عن النظام !! يعني ممكن بالتدرج واللي حالهم حرجة ومحتاجين من الحريم الكبار لهم الأولوية من الآن .. وبعدها يبدأو يدرسو سعة شوارعنا يدرسو حالة مجتمعنا على اساس شاباتنا حيسوقو .. بلد المركز الأول في الحوادث والوفيات عالميا في السيارات .. وبلد المركز الأول في البحث عن المسخرة في جوجل في العالم . وبلد انتو شايفين بعينكم الفلة اللي فيها .. في يوم وليلة تبغو تغيرو شي اترسخ في عقول الخلق من مدري كم ... يعني لو هيا وهيا عاشو برة خمسين سنة . ترا في ناس ما شافت البحر لسه وعايشة في وسط الصحرا !! نظام نفسي نفسي مدمر للمجتمع . عموما هذا اللي عندي باختصار .. وباختصار شديد .. أنا ضد التسيب والسبهللة ونظام كل خمسين واحد " حر " له الاحقية بتغيير النظام !! . أنا مع العدل وإعطاء كل ذي حق حقه ( إعطاء الحق غير "المساواة ") . و أقترح افضل حل لا توقفو ضدهم ولا معاهم لو كنتو من العاقلين أوقفو على جنب وادعولهم وعيشو حياتكم .. الدنيا لسه بخير دامنا شعب عاقل .. ولو كثرو الحلوين اللي زي كدا الله يستر على بلاد الحرمين .. . سامحوني اتفاعلت شوية مع الموضوع .. لحد يحس انو في شي شخصي انا بتكلم عن فئة محددة من الشعب ما تمثل الفين واحد كلهم على بعضهم .. وشكرا على مروركم .بشارة للصادقات . يا أمي أبشري بإذن الله حتسوقي بس صدقيني نحتاج اول ساهر يزبط الشوارع وأنظمة تزبط الشعب وبعدين حياكم ربي . لكن حاليا ما يمدي !! فين اصلا الشارع الفاضي اللي لسه نحتاج حريم ينزلو يسوقو ويزاحمونا فيه !! ولا الشعب المتفتح اللي لو شاف بنت مع السواق في السيارة سابها في حالها ولا الأمن المفتشي في كل بقعة في الأرض وما بنخاف على بناتنا .. لسه نحتاج كمان شوية .سلام عليكم ورحمة الله وبركاته . للمزيد من مواضيعي
الموضوع الأصلي : سخافة الحملات !! وقيادة المرأة !! اش اللي يا جماعة :d .
-||-
المصدر : مملكة نسايم
-||-
الكاتب : سعودي قمر | |
 |
|
| مواقع النشر |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| الشهر القادم حملة إحياء فرض صلاة الفجر جماعة بين كل جموع المسلمين في كل بقاع الار | سعودي قمر | new | 0 | 05-20-2011 05:30 AM |
| جماعة الاخوان المسلمين تدعو السوريين الى التظاهر | سعودي قمر | new | 0 | 04-29-2011 02:10 AM |
| يا جماعة انقذوني حدها وهقتني منار :( | انمي | حصري | 0 | 04-27-2011 03:30 AM |
| طريقة اعدام المرآة بالصين - صور خطيرة (اللي قلبه ضعيف لايدخل | انمي | حصري | 0 | 03-26-2011 02:40 PM |
| معجزات الأنبياء ... قدح لبن يروي جماعة من الصحابة | بنت العراق | المملكة الإسلامية | 2 | 10-27-2007 02:19 PM |
 |  |  |
العرض العادي
