( تبقى آول ع ـالمي من اسيا مهما يقولون )

05-21-2011, 05:40 PM

يمم’ـه رضيت بكل مايرضي الحال ...
بس الزمن بالحيل يلوي يــم,ــيني ...

.
.
.

وش اللي بقى ماصار اي ضياع غير هالضياع ينتظرون النصر في كل مره يثبت لنا انه موقادر على انه يقوم , كل شيء في هالدنيا يتغير
ويتعرض للسقوط بس اي سقوط يانصري حتى الدول تسقط لكن تجيها أيام تنهض فيها وتزدهر , كل قلب نصراوي ينتظر التغيير بس متى ؟؟
كل شيء في الفريق يبي له تغيير مو بس نبي التغيير على انكم تلعبون وتحققون البطوله نبي فريق يبقى مع طول السنيين مو يحقق بطوله في موسم ويرجع ينتكس في اللي بعده
في هالموسم وبالأخص آخر الأيام ماكان حلمي او حلم اي نصراوي البطوله كان حلمنا تغيير جذري للفريق حلمنا بفريق يبقى طول ماهالكيان باقي فريق قوي وينافس في كل المناسبات
في مباراة امس وبعد هدف التعادل اول مره اتمنى ان النصر يخسر مو لإني اكره النصر او ما آحب له الخير لا وربي لإن آملي في الله أنه بينصلح حالهم ويتعدل
لكن بعد ماانتهت المباراه قعدت آكابر واسوي حالي مو متأثره بس ماطال الوقت وقعدت اصيح مقهوره وربي مقهوره
وهم مو حاسين بمعاناة الجمهور واي جمهور آوفى جمهور
الكل يشهد للعالمي بجمهوره ويحسده عليه
تعجز المدرجات أنه تحضن جمهور بها الوفاء والآخلاص
لكن الحمد لله على كل حال وإن شاء الله انها خيره للفريق حتى يتعدل وضعه ويتغير
/

الإداره **
اما تجزمون على التغيير والا من تغييركم يبدا التغيير , في يديكم تسون كل شيء تجيبون أجانب صح للفريق, والدعم المعنوي والمادي , اللاعبين مو محتاجيين بس فلوس يبي لهم دعم نفسي يبي لهم تطوير
اللاعب اللي تشوفه خلاص مابقى عنده شيء يعطيه وش تبون فيه هاتوا غيره يعني يقعد بس اسم لاعب يحسب على النادي

اللاعبين **
لعب بدون هدف وكأنهم يبون يلعبون بس علشان مستحقاتهم وعلشان يخلصون من المباراه مافيه احترام ومصداقيه للشعار اللي يلبسونه ( البعض )
أسماء كبيره عندنا وأول مالعبوا أبدعوا , الحين وينهم ليش مانشوفهم ليش مانشوف أبداعاتهم
مع إني واثقه مليون بالميه لو يطلعون لأي فريق تشوفهم يقدمون كل ماعندهم , لكن المدرب ماقصر فيهم ضيعهم وشتتهم في خططه اللي مثل وجهه
( العنزي ـ السهلاوي ـ الزيلعي ـ حسين ـ هوساوي ـ سعود ـ بدر ـ ريان ) هالأسماء كافيه على النصر حتى تضمن له مستوى راقي تبي تضيف عليهم أضف اللي ينقص الفريق ويحتاجه والعب بااللاعبين ومركزهم صح وعطهم خطه
وتكتيك مميز بتشوف أبداعهم بس اللي سواه المدرب انه قاعد يعدم نجومية هالأسماء

المدرب **
اللي بصراحه ماادري ليش ساكتين عنه للحين , مدرب من وصل للفريق اتضح عدم انسجامه وقدرته على تسيير الفريق بالشكل الصحيح والمطلوب , و قاعد يتخبط ويجازف ويصدر قرارات من نفسه والإدراه
ساكتين عنه حتى لو هو مدرب المفروض الإدراه تتدخل إذا حست ان في الموضوع خطأ

الدعم من الإداره**
اللاعبين يبي لهم دعم وتوجيه ورفع معنوياتهم وثقتهم باأنفسهم , أمس دخلوا مهزوزين واعصابهم مشدوده ومتوترين وين الإداره عنهم ,في كل مباراه يدخلون وحالتهم كذا ويأثر على لعبهم
شفنا امس الخطأ اللي ارتكبه العنزي و السبب آكيد عدم ثقته بالدفاع اللي قدامه وطلع يبي ينقذ مرماه لكن للآسف الحظ ماساعده كان متوتر وخايف لإن ماعنده ثقه بالدفاع طبعاً هذا بسبب ضعف الدفاع عندنا

الظغط الخارجي ( الأعلام الغبي قنوات المصلحه و اقلام من يطربهم سقوط النصر ـ المهاترات من العذال ) **

سقطت الأقنعه , وليتكم تحسون ياالنصراويين امس الأحتفالات بتتويج فريق والأحتفالات بتأهل اخرى للأسيويه بالموسم القادم كلها بكفه والتغني بسقوط النصر بكفه
لاحول ولاقوة الا بالله كثير تركوا الأحتفال باانديتهم وقعدوا ينهشون سخريه بالنصر ويتغنون فرح بعدم مشاركته الموسم القادم في الأسيويه , كل هذا وما بين لكم ان فيه اللي يبون لكم الشر ويبون لكم السقوط ليش تجارون مطالبهم ليش تحققون امانيهم
لييش ماتحطون أصابعكم بعيونهم وتحطمونهم
وترجعون أيام نصر البطولات
اتمنى يتعدل حال الفريق وتنصلح اموره ونشوفه ينافس على البطولات ويحققها
هالموسم راح بس المشوار قدام الفريق طويل وإن شاء الله قادرين على التغيير

ورغم كل اللي صار والي راح يصير مستحييييل اترك يانصر ومستحيييل آشجع فريق غيرك
و تبقى اخبارك تهمني وادور عليها
وأبقى أتابع مبارياتك واتمنى لك الفوز

وآبقى اعشققققققققك يانصري

:

صـــدق أنــتـــهــيــــنــــا لـــكـــن الــــحــــب بــــاقــــــي

/
أعذروني على الأطاله والأسلوب الركيك قعدت اعبر بدون شعور واقول عن اللي بقلبي وبقلب كل نصراوي

بحروف كيبوردي

احلل واسامح من يريد النقل حتى بدون ذكر المصدر
لإن كلي آمل باالله يوصل صوتي وصوت عشاق هالكيان للي يهمهم النصر

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كٌل مَا السَنيّنْ ، تُفوتْ . . تبقى هِنا ذاكراه	سعودي قمر	حصري	0	05-21-2011 01:00 PM
آخر ما تبقى عندي	ساعه	اسواق ستي	0	05-19-2011 05:10 PM
سطرلنا كلمه تبقى ذكرى منك	انمي	حصري	0	05-18-2011 08:00 AM
دمعه الحزن في العيون تبقى؟؟	سعودي قمر	new	0	05-04-2011 12:20 AM
تعلّم أن تبقي فمك مقفلا أحيانا !	انمي	حصري	0	03-25-2011 01:42 PM

اعلاناتي

( تبقى آول ع ـالمي من اسيا مهما يقولون )

حصري

للمزيد من مواضيعي