هتك عرضي حسبي الله عليه وزوجته في الغرفة المجاورة

05-22-2011, 02:20 AM

هتك عرضي حسبي الله عليه وزوجته في الغرفة المجاورة

قصتي حزينة... تشجعت وكتبتها عشان تكون عبرة وموعظة لغيري ......... أنا بيني وبين زوجي مشاكل على طول ..... ونصحوني الله يسامحهم ويهديهم بعض صديقاتي بالقراية عند المطاوعة عشان تروح العين اللي ضارتنا مثل ما يقولون ......... وطبعا لأن ظروفي كانت صعبة او على الاقل في اعتقادي انها صعبة.......... بعد تردد رحت وكانت بداية الرحلة اللي استمرت 5 سنوااااااااااات من عمري للاسف ......... ومثل غيري ننتقل من فلان لعلان ........ هذا احسن .... لا هذا قرايته أقوى ....... لا هذا ولا ذاك هذاك أحسن واحد يعرف شنو فيج بالضبط ويخبرج ........ ونروح نركض وندفع ونسمع ونصيح ونبكي وننهار ........ في نفس الدائرة .

في البداية ما اهتم زوجي فيني ....... وبعدين صرت اعيش الجو وانتقلت عند هلي طايحة على فراشي من القراية .... حسب ما توهمت لأن ثقافتنا عن الرقية ان اللي تقرا وتتعب هذي فيها شي ...... وبدا يلتفت لي زوجي واستانست وعشت ايام كنت اعتقد انها حلوة ........ كم شهر ورجعت ريما لعادتها القديمة .... ورجع زوجي نفس الاول ..... تعاطف معي لفترة بسيطة وبعدين رجع يعيش حياته الفلتانة مرة ثانية ...... طبعا التشخيص كان موجود عند هالمشعوذين كلهم تقريبا نفس الكلام ....... العين قوية مع مس عاشق دخل معاها ........ ودخلت دور جديد في قصة جديدة ...... وعشت دور الممسوسة وتعاطف زوجي معي لفترة ....... وبعدين حسيت انه لاعت جبده مني ومن قصص المس اللي معاي ........ المهم ........

كنت الاقي اللي اروح له اذان صاغية ..... وعموما كلهم مستمعين جيدين ....... حتى تعلقت بواحد منهم ...... وصرت اروح له مرتين أو ثلاث في اليوم ....... وزوجي ولا داري عني أبدا ........ خلاص رايحة للمطوع ما عنده أي مشكلة مع ان المشعوذ اللي اروح له شاب صغير وتقابل مع زوجي في بيتنا تخيلوا .......... لأنه طلب يقرأ على بيتي حتى غرفتي النوم دخلها وقرأ ..... وزوجي مرافق له يدور فيه انحاء البيت وهو يقرأ عشان يطرد الجن والخرابيط اللي يقول عنها .........

المهم صرت ما اقدر ابتعد عنه ......... وصارت العلاقة بيننا حميمية ......... والله العظيم غصب عني شي مو بايدي ....... شي يجرني جر له ......... ما احس الا وانا في حضنه .......... حتى جاء اليوم اللي طلب مني كتابة آيات قرآنية على أماكن حساسة في جسدي حتى يطرد المس والعين ........ وواااااااااااااااااااااااافقت ........ وحصل ما حصل من علاقة محرمة ........ وزوجته في الغرفة المجاورة لي ................

وبعدين حسيت بتأنيب ضمير شديد وكرهت نفسي لكن ما اقدر ابتعد عنه ابدا .......... مثل المغناطيس يجذبني ما اقدر ابتعد عنه ........ وشعرت وحدة من خواتي اني في مصيبة وكانت تنصحني على طول بالقراءة على نفسي وكنت ارفض , كانت تقول انتي مشكلتج ابتعاد زوجج عنج حاولي تجذبينه وتقربين المسافات السالفة مو عين ولا مس ومع هذا ما يمنع اقري على نفسج وبيتج وعيالج .......... على طول كانت تنبهني بس ما كنت اسمعها ........المهم قلت لها على اللي صار وشنو قاعد يصير فيني .........الى الآن لازلت اسمع صوت نحيبها وبكائها واستغفارها ...... صعقت باللي صار وانصدمت فيني ........ لكنها اختي ظلي وستري ........ واتفقت معاي اني ما اروح ....... واتقرب الى الله واستغفر له ذنبي .

وراحت اختي من حرتها وقهرها له في بيته وراقبت وضعه وسألت عنه لقت اشكثر مثلي رايحيين راديين عليه ........... لأنه ساااااااااااااحر ويسلط علينا سحره ......... ادري بتقولون اني ابرر اللي سويته ......... يعلم الله اللي سواه فيني وفي غيري .......... واللي عانت مثلي اكيد تحس باللي صار فيني ........... وفعلا عانيت وعانيت وعانيت ...... وصار بين فترة وفترة يهددني اذا ما جيت انه يبهدلني لكن اختي معاي تصبرني وتوجهني وتساندني ........ ما نقدر نبلغ الشرطة فضيحة ما بعدها فضيحة ......... واكيد بطلقني زوجي اذا عرف ......... والحمدلله غيرت رقم نقالي والبيت .......... وافتكيت منه وشره .........

للاسف لازلت اسمع اشكثر يروحون له ......... واحاول بطريقة او بأخرى انبه الاخوات واحذرهم واوجههم للقراءة على انفسهم ........ بنات يسمعون وبنات يمشون وراهم ....... والله رجعت لنفسي بعد ضياع 5 سنوات من عمري ...... رتبت حياتي .........

اول شي اعدت علاقتي بربي .......... وتوجهت له وتوكلت عليه ........ ثاني شي واجهت مشكلتي الحقيقية مع زوجي اللعوب .......... انا تغيرت تجاهه وغيرت من نفسي ....... تقبلت حياتي معه مع محاولة تغيير حياتنا وتعديلها ..... .........تعلقت بالله... كفيت عن الركض وراء زوجي ...... الحياة مو بس اهو.......... والله هو اللي صار يلحقني .... مستغرب عدم اهتمامي الشديد فيه مثل قبل ........ وفعلا هذا شخصية الرجل مثل ماقريت في اغلب الكتب وما سمعت من قصص واقعية لغيري .......... ثم انتبهت لنفسي وعيالي واهلي ودوامي وصديقاتي .......... صرت مشغولة طوال الوقت ........ للحين اتحسر على الخمس سنوات اللي راحت من عمري وعمر عيالي واقرب الناس لي .......... عيالي كبروا جدامي ما انتبهت لهم ......... آآآآآآآآآآآآآآآآآه .

وان شاء الله الله يهدي لي زوجي ويسخره لي وعيالي ......... الان اعيش حياة واقعية جميلة بحلوها ومرها ........ وادعي الله انه يغفر لي ويتوب علي ................ادعوا لي .............

أم سلطان

المصدر : http://www.hasbonaa.com/Article.aspx?id=346

منقووووووووووووووووووووووووووول للعظة والعبره قصة قريتها وحبيت انبهكم يابنات حسبنا الله ونعم الوكييييييييل

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
من التمس رضا الناس بسخط الله .. سخط الله عليه و أسخط عليه الناس !	انمي	حصري	0	05-18-2011 08:30 PM
حسبي الله ونعم الوكيل	ساعه	اسواق ستي	0	05-13-2011 06:12 PM
حسبي الله ونعم الوكيل‏	انمي	حصري	0	05-12-2011 12:10 PM
حسبي الله ونعم الوكيل	انمي	حصري	0	03-24-2011 07:40 PM
حسبي الله على الشيييييييييعه	انمي	حصري	0	03-14-2011 02:10 PM

اعلاناتي

هتك عرضي حسبي الله عليه وزوجته في الغرفة المجاورة

حصري

للمزيد من مواضيعي