أنا كيف أتركه يرحل ...

11-06-2008, 02:25 AM

على كف الغرام اللي .. سكت في لحظة التوديـع
على درب الفراق .. ودمعـة المحـروم وآهاتـه

جلست اجمع فرح عمر ... وسنين ٍ ما لها تجميع
واقول الله على غالـي .. تبـي تبعـد مسافاتـه

انا كيف اتركه يرحل .؟. واهيم برحلـة التلويـع
وكيف اترك وليف ٍ لي ... وكيف أثنـي قناعاتـه

وانا ما ظن ّ لي قلب ٍ ... على هم الفراق ايطيـع
وانا ماظن ّ به قلب ٍ .... يعيش ابدون نبضاته

اروح اعاتبه .؟ وألا .. اعيـش بواقـع الترويـع
وانا وشلون اعاتب .؟ والعيون اتشوف دمعاته .؟

انا اشهد لحظة الفرقى .... بها كل العلوم اتضيـع
يتوه الهرج له نوبه ... و نوب اتمـوت كلماتـه

ذهول ٍ مع سكوت ٍ مع دموع ٍ مـا تبـي ترجيـع
معاهن حرقة ٍ تصرخ ... تدكّ الصمت و اسكاتـه

تعال اطلق عنـان الدمـع ... دام بدمعنـا تمتيـع
مدام الوقت ظالمنـا ...؟ فـلا تغريـك ضحكاتـه

هموم ٍ جالت بصدري ... تقطّع بالأمـل تقطيـع
وانا هالوقـت يصدمنـي .... تضيّعنـي متاهاتـه

أمل قربي مع إنسان ٍ .... تربّع بالحشا تربيـع
بعد هذا يا كيف الرجل ..؟ تمشـي فـي نهاياتـه

ترى هالخوف والريْبه ... حشا ما هيب للتوديـع
اخاف إن سافر الغالي (( تسوق خطاي خطواته ))

أعجبتن وحبيت أشاركم فيها وأتمنى تعجبكم ..

11-06-2008, 04:31 AM

هموم ٍ جالت بصدري ... تقطّع بالأمـل تقطيـع
وانا هالوقـت يصدمنـي .... تضيّعنـي متاهاتـه

إبــداع لا يفوووقـه إبداع

صح لسانك على هذه القصيدة الرائعه

ويسعدني أني أول من مر بها

ونتوق إلى جديدك

لك مني أرق وأعذب تحيه

11-06-2008, 10:47 AM

أمل قربي مع إنسان ٍ .... تربّع بالحشا تربيـع
بعد هذا يا كيف الرجل ..؟ تمشـي فـي نهاياتـه

ترى هالخوف والريْبه ... حشا ما هيب للتوديـع
اخاف إن سافر الغالي (( تسوق خطاي خطواته ))

الله الله عليك اختي غلا الروح

وش اخلي وش اقول ما غير اقول صح لسانك على القصيده اللي في قمة الروووووووووعه

وتحياتي لك اختي //// غلا الروووح

11-07-2008, 01:30 AM

عادل الشمري

أسعدني تواجدك الجميل هنآ ونوووورت الموضوع بحضورك المتآلق

وصح لسان قايلها وصح بدنك يالغلا

وتسلم يمناك ولاعدمناك , على المرور الرائع والرد العذب

ومانحرم هالطلة يآرب والتوآصل الرآقي ,

كل الوووود لروحك ..